Matyu 28:17 - Godigo dwagi yai po buku

¹⁷ Tama augwaligo tede Jisas sulama, tama augwaligo agabolo lotu po wai. Tiali goli mebago homu si elaluama te homu yali, te aga mu ma hodalualiwe?

Matyu 28:17 Referans Kwoze

Godigo Nogi Ugwaba Sabo Tęąbi Po Wabo Buku Dabe 45:11

Nago tama tebo te kingo subaso da, te nage sawi yai we da weyu, tama te nage godolo mu yaibao. Aga te nago genuai bidi da, tama tiyu, nago agai po wali pao.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Dwagi Yai Gesi Po Jongo Asęani 5:23

Magi baso meni. Tigidali bidigo Godigo Ogwa nogi ugwaba samainogo, te Godigo nogi ugwaba sabo gilamao. God Ayago aga Ogwa e tǫba tagala palobaso, tama bidi te Godigo ogwago nogi ugwaba sisąbo bidi da, agai Godigo nogi me ugwaba sisąbo bidi da,” Jisasgo te po wai.

Matyu 28:9

Tama polo Jisasgo augwali si te tųde pobadi tiąba asai, tama te po wai, “Kigamu mu dao.” Tama te we si pąba pelama, tama aga sągą page tola selama, te we sigo agabolo lotu po walio.

Matyu 16:28

Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.

1 Korin 15:6

Tama nosali ma dago ama dede hauwa dali augwaligo aga suali, te bidi sese hauwa 500 bidi augwaligo sualio. Tama te suali ama dede augwali meba nosali isiyu yai, tiali goli hauwa augwali megi me bidibao.

Dwagi Yai Gesi Po Makgo Asęani 16:11

Maria agai te po augwalibolo wai, “Jisas aga te bidibo ula elalu bidibo tama eno sualio.” Tama augwaligo te po odama, tama augwaligo homu te poba dąų me wabeo.

Dwagi Yai Gesi Po Makgo Asęani 16:13

Tama augwali sigo aga sula koneama, tama augwaligo te po te gasa wali pali bidi dabeba pusugi pai. Tiali goli augwaligo te augwali sigo wali poba homu dąų me wabeo.

Dwagi Yai Gesi Po Makgo Asęani 16:14

Nosali badu te wali pali bidi dabe nogo si olama sągągo deli te augwali dugulama nai tubadi, tama Jisas te augwaliba pedalai. Te augwaligo agai wali poba augwa homu dąų me wasiąbaso, tama agai augwaliba wado ilali. Magi baso meni, augwaligo olo te palialu, tama te we bidi augwaligo suali, aga te ma hodaloai yali po wabo te augwaligo homu teba dąų me wabeo.

Godigo Sęba Tagala Palai Bidigo Po 1:3

Tama Jisas isilama, ma hodaluama, te bidi sese si sogo aga bidi dabebolo agai tigi waselai, hauwa sogo. Tama agai augwaligo gedude sę dabe hauwa yali, te augwaligo aga gesi ma bidibo mu konemainu yai. Tama augwali homu si ebe. Augwaligo aga gedugo suali. Agai Godigo we bidi tonalubo sę po augwalibolo pusa mani.