Matyu 28:15 - Godigo dwagi yai po buku

¹⁵ Tama te ami bidi dabe augwaligo te moni mone selama, tama augwaligo te wali po augwaligo wali palio. Tama te po te Juda we bidiba pelama odali, tama augwaligo te po naga ola pali te megi tama me augwaligo te po me wabo dao.

Matyu 28:15 Referans Kwoze

Matyu 27:8

Tama augwaligo te tǫ te bidi elai monego abelebaso, te we bidi augwaligo te tǫ nogi poali, te Kaneme Tǫ nogi wai. Tama megi tama me, te nogi me elalubo dao.

2 Timoti 6:10

Magi baso meni, te mone godolo homu ebo kolesaga te tigidali haniani dwai kolesaga page mu elalubao. Te bidi meba augwaligo te bomo elama te mone godolo ebaso, tama te kolesagago augwali kegelama tama augwaligo te Kraisde konealubo po tagalai digi, tama augwa yali dwai sę hauwago te augwali homude enani tama genuai dene mu tolali.

Matyu 26:15

“Dagego magi nai enabolo mobaso, tama eno dage nogoba te Jisas mawaibawe?” wali. Tialima augwaligo te mone ge 30 agabolo mawai. Te masigi dabe te wiegi yai kapa nogi silva tego nigai masigi dao.

Matyu 9:31

Tiali goli agai te po wali digi te bidi si Jisas bidibo digi tagalama, tama buluba soyu, tama Jisasgo te bomai sę ebo po te genuai tǫde bidibo we bidi tigidalibolo pusali.

Dwagi Yai Gesi Po Makgo Asęani 1:45

Tiali goli te bidigo Jisasgo agaba wali po wali pisąma, agai te sę yali po tigidali we bidi dabeba subigila pususu bilali, te tigidali hanuba pususu bila silali. Tama tibaso, te we bidi umabo augwali agaba asidali weyu, Jisas aga te hanu dabe tomoba hania pabo usu ebeo. Menio. Aga te hanu bulu badu naga bidali, te bidi meni yai madi naga bidai. Tama te tǫ pedai tigidali habu badu we bidi dabe te aga bidibo madi naga asiyu yai.