Matyu 28:10 - Godigo dwagi yai po buku

¹⁰ Jisasgo po weyu te we sibolo te po wai, “Dage si wi elamuo. Dage sigo eno ama dede augwalibolo wagi pelama, tama augwali te Galili buluba pao wao. Tama augwaligo ena tede sumainogo yaibao,” Jisasgo te we sibolo te po wai.

Matyu 28:10 Referans Kwoze

Polgo Po Pas Rom Dabeba Asęani 8:29

Magi baso meni, te Godigo augwali polo koneani bidi dabe, agai augwali me hagea siyu tedali muani, te aga Ogwa tiwai pedalomainogo yai, tama ama name hauwa bidimai hagede yali, tama Krais te augwaligo ama gomunai bidi bidaibao.

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Matyu 28:7

Tama sulama, tama dage si polo pelama, aga wali pali bidi dabebolo te po wao, aga gų pagede ma hodalualio. Odiąo. Aga dage asabo madi polasa te Galili tǫ teba paibao, tama dagego aga tede sueibao, augwalibolo te po wao. Te eno po tama dao,” te ensel bidigo te po wai.

Dwagi Yai Gesi Po Makgo Asęani 16:7

Tiali goli dagego te aga wali pali bidi dabebolo wagi piąo, tama Pitabolo wao, ‘Jisas aga te dage asabo madi te Galili tǫba polasa pobao. Te agai polobadu wali po tiwai gilama, te dagego aga te Galili tǫde sueibao,’” agai te po wai.

Matyu 28:5

Tiali goli te mobo bidi enselgo te we sibolo te po wai, “Dage si wi tagalao. Eno koneani, dage sigo Jisas gegagasu asali, te bidi augwaligo te ni pedaide walali bidi dao.

Matyu 14:27

Tialima polo Jisasgo te po augwalibolo wali, “Dagego homu kęna sao. Te ena dao. Dage wi egimio.”

Dwagi Yai Gesi Po Jongo Asęani 6:20

Tialima, Jisasgo augwalibolo te po wai, “Ena Jisas tama asobao,” wai. “Dage wi ebo tagaliąo,” te po wai, Jisasgo.

Matyu 25:45

“Tama agai augwaligo po wei ponoyu, te po waibao, ‘Eno mu po dagebolo obao, te dagego eno megi e wali tobage sę te e tiwai nogi meni yai bidi aga dagego tau me sabeo, te tobage sę dagego enabolo me te ebeo,’ te tuni bidigo te po waibao.

Matyu 25:40

Tama tuni bidigo po wei ponoyu, augwalibolo te po waibao, ‘Eno mu po dagebolo obao, te tigidali sę dagego te eno amanu e tiwai te nogi meni yai bidi dali yali wiegi yai sę, te sę dabe te dagego ena dali te yali dao.’ Tuni bidigo te po waibao.”

Te Israel Tobolu Bidi Dabe 10:16

Tialima, augwaligo augwa te tibo godiba lotu wali te tiali te sę dabe sela sąnama, tama augwaligo Genuai Bidiba lotu po wali. Tama agai te Israel dabe homu dene elama, tama agai homugo augwali te sęgę ma tolidali homu yai.

Matyu 26:32

Tiali goli ena isąma tama ma hodaluama, tama ena dage asabo madi polasa te Galili tǫba paibao,” Jisasgo te po wai.

Matyu 28:9

Tama polo Jisasgo augwali si te tųde pobadi tiąba asai, tama te po wai, “Kigamu mu dao.” Tama te we si pąba pelama, tama aga sągą page tola selama, te we sigo agabolo lotu po walio.

Matyu 28:16

Te aga wali pali bidi dabe nogo si olama sągą badu deli augwali te Galili buluba pali, tama augwali te bulu duba sabolali, te Jisasgo augwali te polobadu bodolu mani bulu duba.