Matyu 28:1 - Godigo dwagi yai po buku

¹ Te Sabat side silai madi, te Sarere hasia polali sogo te giliga pąde pedelainogo ebadi, tama te Makdala bulu we nogi Maria badi, te gasa we Maria dali, augwali si te gų page suagasainogo asai.

Matyu 28:1 Referans Kwoze

Matyu 27:56

Te we me deli augwali dali tomode bidali we te Maria aga bulu Makdaladu asai. Tama we me te aga Maria, te bidi si Jemsde Josep sigo ida. Tama we me deli te bidi Sebedigo we, te aga ogwa sigo ida dao.

Dwagi Yai Gesi Po Lukgo Asęani 23:56

Augwaligo polo suai, tama te we dabe augwali augwa beba ma pai. Tama te we dabe augwaligo wel dabe me, denami yai dwagi yai nai me sisila muai, te Jisas tigide mumainogo, aga tigi daumua pidali weyu. Te Sabat sogo gagalali. Tama tibaso, Godigo bomo yai po wali peyu, augwali olo bidiyu, toma tuali.

Matyu 27:61

Maria te Makdala bulu we badi, te gasa we Maria dali, augwali si tede bidali. Augwali si te gų page dolo si pąde dualaluali, tama augwali sigo te gų pageba tononaluyu bidalio.

Dwagi Yai Gesi Po Lukgo Asęani 24:22

“Te sę eyu, gasa sę me pedelali, megi. Tama megi da hani we dabe me badu augwaligo da midigi sabo sę yai. Kigamu mu te we dabe augwali te bidi muani gų pageba augwali pai,” te po Jisas dali te bidi sigo wai.

Dwagi Yai Gesi Po Lukgo Asęani 24:1

Te Sabat sogode olo bidama, te sogo kigamu Sande kigamu augwali te we dabe gų pageba ma pai. Augwaligo te dwagi yai denami yai nai me, wel dabe me sela pai, polobadu augwaligo sisila muai.

Daniel 6:19

Te kigamu digi mu king te hodaluama, te tǫ dedageba polo palio.