Matyu 27:63 - Godigo dwagi yai po buku

⁶³ Augwaligo te po wali, “Genuai bidi, dago po me deli te tibo po wali bidi aga bidali sogo wali po me deli megi ma koneani. Agai te po wai, ‘Nosali te sela sogo wabode te ena ma hodaluaibao’ wai dao.

Matyu 27:63 Referans Kwoze

Dwagi Yai Gesi Po Lukgo Asęani 9:22

Agai te po me wali, “Ena da, Godigo Bidi Mu da. Tama nosali te Juda dabego genuai bidi dabego me, te pris tobolu bidi dabego me, te Juda dabego bomo yai po ola mabo tobolu bidi dabego me, augwaligo ena buluba ela palama, dene genuai mu mawaibao. Augwaligo ena isilama, nosali sela wali sogo ena hodaluaibao,” te po wali.

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Dwagi Yai Gesi Po Jongo Asęani 2:19

Tama Jisasgo po wei ponoyu, te po wai, “Dagego e lotu be tempel hųgibaso, tama sela sogo eno polo te be ma sę yaibao,” Jisasgo te po te Juda dabe dali wai.

Dwagi Yai Gesi Po Lukgo Asęani 18:33

Augwaligo kibu wali bigo ena tudi badu elaibao. Tama augwaligo ena ela muaibao. Tiali goli, giliga sela sogo elama, ena ma hodaluaibao, bidaibao,” Jisasgo te po wali.

Dwagi Yai Gesi Po Makgo Asęani 10:34

Tama te bage augwaligo posobo po enaba weyu, tama enaba pesa sąyu, te ena subigila eliyu elama, tama ena ela muaibao. Tama sela sogo ena te gų pagede bidama, tama nosali ena Godigo Bidi Mu ena ma hodaluaibao,” Jisasgo te po wai.

Dwagi Yai Gesi Po Makgo Asęani 8:31

Te Jisas agai te aga wali pabo bidi dabe augwalibolo te tiwai po ola mabo gagalali, “Te Godigo Bidi Mu te aga dene hauwa tolomainu yaibao, tama te Juda dabego tobolu bidi dabe, me te genuai pris bidi dabe, me te Juda dabego bomai po page koneai bidi dabe augwaligo te aga tudiba munama, tama aga ela muaibao. Te nosali sela sogo bidama te aga ma hodaluaibao,” te po wai.

Matyu 20:19

Tama augwaligo aga te Juda hani isąwai bidi dabe augwaliba mawaibao, te bagego agabolo te dwai usubo sę eyu, te posobo po weyu, tama aga bigo eliyu elama, tama aga ni pedaiba daganama, te neligo enama isaibao. Tama bidama, te sela wali sogode te aga ma hodaluaibao.” Jisasgo te po agade tiaibao olama te po wai.

Matyu 17:23

Tama augwaligo aga ela muaibao. Tama sela sogo wabode te Godigo bomogo aga ma hodolobaso, te aga ma hodalueibao,” Jisasgo te po wai. Tama aga wali pabo bidi dabe augwali homu sęgę mu te pode yai dao.

Matyu 26:61

Tama te bidi sigo te po walio, “Te bidigo te po wai dao, ‘Eno te Godigo Moni Lotu Be tempel aluama degebode, tama sela sogo eno ma sę ebo usu yaibao,’ agai te po wai dao,” augwali sigo te po wai.

2 Korin 6:8

Tama bidi mebago dago nogi ugwaba sabo dao, tama bidi mebago da nogi aiyaba elaluyu ebo dao. Mebago posobo po dwai dabolo wabo, tama mebago gasa bidi dabe augwalibolo te dago wiegi yai kolesaga ebo po pusubo dao. Boi bidi dabe augwaligo da tibo po weyu, te we bidi dwai sę tomoba kegebo bidi da homu ebo dao, tiali goli menio, dago mu po naga wabo dao.

Dwagi Yai Gesi Po Jongo Asęani 7:12

Tama te we bidi augwa hasi pomu po hauwa Jisasde wali. Mebago te po wai, “Te dwagi yai bidi dao,” wai. Tialima, mebago te po wai, “Agai augwali we bidi ili po ola mabo dao,” Jisasde te we bidi augwa hasi te pomu po wai.

Dwagi Yai Gesi Po Lukgo Asęani 23:2

Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.

Dwagi Yai Gesi Po Jongo Asęani 7:47

Tama tialima, te Farisi bagego dwai homu eyu, augwalibolo po wei ponoyu, te po wai, “Agai dage me ili po ola maniwe?

Matyu 27:64

Tama tibaso, nago po olama, tama augwaligo te gų page sela sogo bugagia tonalumainao. Tiyu yaide aga wali pali bidi dabego aga tigi geme wi sagaselama, gasaba mugi pidali weyu te bugagia tonaluao po wao. U bagego aga tigi selama, tama augwaligo tibo po te we bidi augwalibolo weyu, ‘Aga te gų pagede ma hodalualio’ waibao. Tama tiyu da, te nosali wabo tibo pogo te polobadu wali tibo po aiyaba elaluaibao,” augwaligo te po wai.

Matyu 28:6

Aga ede me bidibeo. Aga ma hodaluali, te tiwai po polobadu agai wali. Dage sigo aga munaluali madi suagasao.

Dwagi Yai Gesi Po Makgo Asęani 9:31

Magi baso meni, agai te aga wali pabo bidi dabe ola mabo sę yainogo yai. Tama agai augwalibolo te po wai, “Te augwaligo ena Godigo Bidi Mu te bidi dabego nogoba muaibao. Tama augwaligo ena ela muaibao. Augwaligo ena ela munama, tialima sela sogo bidama nosali te ena ma hodaluaibao,” te po wai.

Dwagi Yai Gesi Po Lukgo Asęani 18:31

Te Jisasgo aga wali asobo bidi nogo si olama, sągą me badu si selama, augwali te we bidi tagalama, augwa tedali bidali. Agai augwalibolo te po wali, “Edao. Da Jerusalem be naniba pobao. Tama da tede bidibadi, te polobadu bidai bidi dabego enade asęani po mu po pedelaibao. Ena da Godigo Bidi Mu dao. Augwaligo te Godigo enade wali po asęani, te po mu po pedelaibao, Jerusalem be nanide.