Matyu 27:46 - Godigo dwagi yai po buku

⁴⁶ Tama be pio ebo pąde Jisasgo i bomonama weyu, te po wai, “Eli, eli, lama sabaktaniwe?” Te po page e tiwai dao: “Eno God, eno God, magi baso nago ena tagaluwe?”

Matyu 27:46 Referans Kwoze

Godigo Nogi Ugwaba Sabo Tęąbi Po Wabo Buku Dabe 22:1

Eno God, eno God, magi baso nago ena tagaluwe? Magi baso nago ena tau sisąma ebawe? Magi baso eno gela wabo nago odobewe?

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Dwagi Yai Gesi Po Makgo Asęani 15:34

Tama te giliga dega sainu ebode te Jisasgo po dagą bomonama weyu, te po wai, “Eloi, Eloi, lama sabaktani?” E tiwai po wai, “Eno God, eno God, magi baso nago ena tagalubawe?”

Godigo Nogi Ugwaba Sabo Tęąbi Po Wabo Buku Dabe 71:11

Augwa te tama po wali, “Ae, tegoba, dago aga pobelama, tama tola sinao,” wali. “Te aga tau sabo bidi me deli menio. Godigo aga tagalai dao,” wali.

Dwagi Yai Gesi Po Lukgo Asęani 23:46

Tama Jisasgo i bomonama mu wai, “Aya, ena mobo eno naga nogoba mubao,” Jisas te po tama olama, tama aga mu isai.

Te We Bidi Dabego Jerusalem Hagede Gela Wali 1:12

Jerusalemgo aga pąde elalubo sunumide soabo we bidi dabeba i wabo sę ebao. Agai te po obao. “Suiąo, ena genuai sęgę genuai mu elama, tama Genuai Bidi agai ena dene genuai mu manio, te aga sębę moni posolo tiwai mu yali sogode. Te polobadu te bidigo te tobage dene me sai meni yali bogo, tiali goli, dagego homugo te olo nai da weyu ebao.

Matyu 27:47

Tialima meba te pąde dolaluali bidi, augwaligo te wabo po odama, tama augwaligo te po wai, “Te bidi agai te polobadu bidali bidi Elaija te i obao,” te po wai.