Matyu 27:16 - Godigo dwagi yai po buku

¹⁶ Tama te sogo agai dwai sę yai dwai bidi mu me deli te kalabuside bidai, te aga nogi Jisas Barabas dao.

Matyu 27:16 Referans Kwoze

Dwagi Yai Gesi Po Makgo Asęani 15:7

Tama te sogo te bidi me deli te kalabuside bidai, te aga nogi Barabas. Aga te gavman bidi dabe dali wąbi hwįai bidi dabe augwali dali kalabus yai bidai. Te hani augwaligo te wąbi hwįnama, tama augwaligo te bidi meba ela muai.

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

Godigo Sęba Tagala Palai Bidigo Po 3:14

Tiali goli, dagego te bidi Jisas tudiba muani, dwagi yai kolesaga yai bidi, mu doloba pai bidi dao. Dagego te kiap Pailat hanaluyu, ‘Te bidi Barabas olo tagalama, da mao,’ te po wai.

Dwagi Yai Gesi Po Jongo Asęani 18:40

Tama te bidi dabe augwaligo i hae me po dagą me genuai mu olama, te po wai, “Te bidi Jisas menio, nago te bidi Barabas daba olo tagala palao,” te po olama i wai. Te bidi Barabas agai da te bidi eleyu mena nai anoma elama sabo bidi bidai.

Dwagi Yai Gesi Po Lukgo Asęani 23:25

Eno dagego po naga odaibao.” Te bidi nogi Barabas te gavman dali wąbi hwįnama, bidi ela muai. Tama te bidi augwaligo kalabus tomoba muai dao. Te we bidigo te bidi Barabas ma augwaligo sainogo te po wai, tama Pailatgo te bidi augwalibolo tagala palai. Tama te Pailatgo te we bidigo homu wali peyu, tama Jisas augwaligo nogoba muai.

Matyu 27:15

Te tigidali kibu bede te Pasova side bodolu munama olo bidali sogo, te polalubo gavman bidigo te kalabus bidi me deli olo tagala palobo dao. Te we bidi augwa digi te bidi me deli tagala palomainogo aga nogi obaso, teda te tuni bidi Pailatgo augwaligo homu wali peyu, te bidi me deli te augwaliba tagala palobo dao.

Matyu 27:17

Tama megi da Pailat aga te be tagalama, buluba pelama, tama we bidi augwali sisinagasali. Agai koneani, te tobolu bidi dabe augwaligo Jisas dali naga dwai homu elama, tama augwaligo Jisas aga gesabidide po tų ilainogo eyu, odasa asai dao. Tama tibaso, Pailat agai te we bidibolo te po wai, “Dagego homugo eno de dageba tagala palagawe? Ma, eno te Jisas Barabas, ma eno te Jisas, augwaligo te Krais nogi ebo bidi te dageba tagala palagawe?”

Polgo Po Pas Rom Dabeba Asęani 16:7

Te eno siade da wali po dagego te bidi si Andronikus dali Junias sibolo wao. Augwali si eno Juda hani deli tama ena dali me sogo polobadu kalabuside bidai dao. Augwali si te Godigo po sela pabo bidi augwali tomode nogi elalubao, tama augwali si ena dali polama Kraisde wadolama bidai.