Matyu 27:15 - Godigo dwagi yai po buku

¹⁵ Te tigidali kibu bede te Pasova side bodolu munama olo bidali sogo, te polalubo gavman bidigo te kalabus bidi me deli olo tagala palobo dao. Te we bidi augwa digi te bidi me deli tagala palomainogo aga nogi obaso, teda te tuni bidi Pailatgo augwaligo homu wali peyu, te bidi me deli te augwaliba tagala palobo dao.

Matyu 27:15 Referans Kwoze

Godigo Sęba Tagala Palai Bidigo Po 25:9

Tialima te gavman bidi Festusgo agai homugo te Juda hani bidi dabego aga dali dwagi yai homu pemene eyu, abagi olama bidai hagede homu yai. Tama tibaso, agai te po Polbolo hanalu wali, “Nago homugo eno te nago po tų te Juda dabego kaunsil bidi dabe gesabide dodolomainuwe? Tama tiabo homu ebaso da, teda nago homugo eno nago po tų te bulu Jerusalemba pelama, dodoligi paiwe?”

Godigo Sęba Tagala Palai Bidigo Po 24:27

Te Feliks agai homugo te Juda hani bidi dabe dali abagi olama, bugagia bidainu homu yali, tama agai Pol kalabus bidibadi sula tagalali. Tama kibu be si silama, te bidi Porsius, aga nogi me Festus, agai Feliksgo sę hasegelama sali, te moni gavman sę. Tama Feliks gasa buluba sę egi pali.

Dwagi Yai Gesi Po Lukgo Asęani 23:16

“Tama tibaso da, eno e bidi bįgo naga elama, olo tagala palaibao,” te po wai.

Matyu 26:5

Tiali goli augwaligo e tiwai po wai, “Dago te sę te toma tuyu olo bidibo wiegi yai side me egobeo. Tiyu te we bidi augwaligo wąbi hwįbo sę hodolabuo,” te po wai.

Matyu 27:16

Tama te sogo agai dwai sę yai dwai bidi mu me deli te kalabuside bidai, te aga nogi Jisas Barabas dao.

Dwagi Yai Gesi Po Lukgo Asęani 23:17

[Te tigidali sogo te Pasova nai tuabo olo bidibo side te Pailatgo kalabus bidi me deli te we bidibolo olo tagala palobo dao. Pailatgo augwaligo po wali pelama, bidi me augwaligo saibao wabo bidi augwalibolo tagala palobo dao.]

Dwagi Yai Gesi Po Lukgo Asęani 23:18

Tama tigidali we bidigo moni i mu wai, “Te bidi elao, tama te bidi nogi Barabas dabolo olo tagala palao,” te we bidigo te po wai.

Dwagi Yai Gesi Po Jongo Asęani 18:16

Tialima Pita te tų sesege pąde dolaluai, bulu badu. Tama te gasa bidi, Jisas wali pabo bidi, aga te pris tuni bidigo abagi yaibaso, te bidi aga pelama, agai te tų tonalubo webolo po olama, tama agai Pita tomoba odasa asai.