Matyu 27:1 - Godigo dwagi yai po buku

¹ Te be posa pabode, tama te tigidali Godibolo nai ula mabo pris genuai bidi dabe badi, te Juda hani tobolu bidi dabe dali, augwaligo po minama, Jisas elabo po olama, tama deli homu elama te po dąų wai.

Matyu 27:1 Referans Kwoze

Dwagi Yai Gesi Po Makgo Asęani 15:1

Te kigamu mu te genuai pris dabe dali, te tobolu bidi dabe me, te bomai po page koneai bidi dabe me, te tigidali kaunsil dabe badi, te augwaligo po me deli miani. Tama augwaligo Jisas te bonogo nogo si dunama, tama augwaligo aga selama, tama aga te Rom gavman polalubo tuni bidi Pailat agabolo mawai dao.

Dwagi Yai Gesi Po Jongo Asęani 18:28

Te be tama posobadi, tama augwaligo Jisas ma selama, te bidi Kaiafas agai be tagalama, tama augwaligo Jisas te gavman tuni bidigo beba sela pai. Tama te beba sabolama, tama te Juda bage augwali digi te gavman tuni bidigo be tomoba pabeo. Te gavman bidi te Juda hani isąwai bidi bidibaso, te Juda dabe aga be tomoba pabeo. Te habu selali bolidali weyu, tama augwali te be bulu badu bidali. Augwaligo te homu yai, te habu selali bolisiąbadi, dago te Pasova nai tueibao, te homu yai.

Dwagi Yai Gesi Po Lukgo Asęani 22:66

Te nosali te giliga pedelai, tama te Israel bidi hani tobolu bidi dabe dali, te pris tobolu bidi dabe me, te Juda dabego bomo yai po page koneani bidi dabe me, augwali tigidali sisinai, tama augwaligo po kaunsil bidigo po wabo gilama, te po wainogo yai. Tama te Jisas tonalubo bage augwaligo Jisas kaunsil geduba odasa pai. Te kaunsil dabe augwaligo te po wai,

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

Godigo Nogi Ugwaba Sabo Tęąbi Po Wabo Buku Dabe 2:2

Te augwaligo king dabe tigidaligo me te hwįabo sisi yali. Tama te tobolu bidi dabe sisinama, tama Godiba po dwai wali, tama agai te sa muani bidi te polalubo bidi, agaba me te dwai po wali.

Matyu 23:13

“Dage te bomai po page ola mabo bidi dabe me, dage Farisi dabe me, hobede ya. Dageba te dwai sogo mu pedelaibao, dage tibo po wabo bage. Te Godigo we bidi tonalubo kolesaga tomoba pabo tų te dagego te we bidi augwaligo gesabidiba te tų palibo dao. Duga digi te tomoba me pabo meni, tama te we bidi augwali te tomoba painogo ebadi, te dagego augwali pabo tų palibo dao.

Godigo Sęba Tagala Palai Bidigo Po 5:21

Tama Jisasgo tagala palai bidi dabe augwaligo te po wali pelama, kigamu hulide te Moni Lotu Be tempel tomoba pelama, tigidali we bidibolo te po ola mabo gagalali. Te pris tobolu bidi dali, agai abagi solo dabe dali, augwaligo te Juda bidi monu dabe i olama, te kaunsilde moni po tų miainu yai. Augwali deliba sisinagaselama, augwaligo enesigi bidi dabe te kalabus beba tagala palama, “Te Jisasgo tagala palai bage eba odasa asao,” wali.

1 Samuel 19:11

Tama te sogo hulide Solgo te sę bidi meba tagala palama, te Devit te bede tonalumainu, te tiwai ebaso te Devit wi pisiąbadi, tama Solgo aga te kigamu te beba aselama, te bede ela muainu tialio. Tiali goli, Mikal, te Devitgo wego, te Devitbolo te tiwai po walali, “Megi e sogo hulide naga nage wi pao. Te meni yani da, te do augwaligo nage ela muaibao,” wali.

Te Israel Tobolu Bidi Dabe 16:2

Tama bidi mebago te Gasa bidi dabebolo waliyu, te po wali, “Samson asalio.” Tama tialima, augwaligo te bulu bagua selama, tama augwaligo aga te hanu bulu badu soabo sunumide geme dualaluyu tonaluali. Augwaligo te hulide kilikili me wabeo. Tama augwaligo tama homu yali, “Te dago tonaludubadi, te be posoboba usu nama, tama dago aga ela muaibao.” Te homu yali.

Godigo Nogi Ugwaba Sabo Tęąbi Po Wabo Buku Dabe 31:13

Eno odali, te boi bidi dabe hauwago ena posobo po odali. Augwaligo ena moni wi ilali. Tama augwa deliba sisinama, tama enaba dwai sę yabo po mia sai. Augwaligo ena ela muabo po wai.

Godigo Nogi Ugwaba Sabo Tęąbi Po Wabo Buku Dabe 71:10

Te boi bidi dabego ena ela muainu, tama augwali sisinama, tama po dąų waliyu, ena dolaibao po wai.

Dwagi Yai Gesi Po Lukgo Asęani 13:1

Te Jisas agai po obadi yaide, hasia asisąwai we bidi me pageba asali. Tama augwaligo Jisasbolo te po wali, “Te Galili tǫ we bidi me badu augwa sipsip kibu ela munama, Godibolo ofa olo mobadi yaide, tama te moni gavman tobolu bidi nogi Pailat agai po olama, gasa bidi dabego te we bidi ela muai. Tama ela munama, agai augwaligo kaneme me, te sipsip kibu kaneme me si taluali, tamadi,” augwaligo te po wali.