Matyu 26:74 - Godigo dwagi yai po buku

⁷⁴ Tialima megi da Pitago po bomo mu elama weyu, agai tibo po obaso da, teda Godigo aga ela mumainogo eyu te po wai, “Mu tamao, eno te bidi munu me konebeo. Mu menio.” Agai te po ola silai madi, tama polo te ba kakaruk po walio.

Matyu 26:74 Referans Kwoze

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

1 Korin 16:22

Bidi me deli aga homugo te dago Genuai Bidi Krais dali dwagi yai homu ebo hagela homu eyu da, te bidi agabolo dwai sę pedalomainao. Genuai Bidi, nage asao!

Dwagi Yai Gesi Po Jongo Asęani 18:27

Tama Pitago po ma weyu, hogwa siyu, te po wai, “Ena menio.” Tama Pitago te po obadi yaide, megi tama ba kakaruk po wai.

Matyu 10:28

Dagego tigi naga ela mubo bidi dabe te dage wi egio. Augwaligo dagego po wabo mobo noma bidi te dali me ela mugobeo. Menio. Te Godigo dagego tigi me noma bidi dali te genuai dene sabo te siade mu dolobo bomo elalubaso, te dage agade naga wi yao.

Polgo Po Pas Rom Dabeba Asęani 9:3

Eno homugo te Godigo eno ama dede augwali ma dobola somainogo ebo homu godolo ebao, augwali ena dali deli kaneme elalubao. Tama te tų elalugi sogo da, augwali tobade te eno Kraisba gedu haluasa po olama agai ena i ola mayu tama sela sąnama tama ena hagamainogo elama tama augwali tau somainogo hasegeligi da. Eno te homu bomonama ebo dao.

Dwagi Yai Gesi Po Lukgo Asęani 22:60

Tiali goli, Pitago te po wai, “Abagi, nago te wabo po eno konebeo.” Agai te po tama obadi, ba kakaruk po wai.

Dwagi Yai Gesi Po Makgo Asęani 14:68

Tiali goli Pitago po weyu, menio te tiwai po wai, “Eno nago te wabo po eno me konebeo.” Tama aga te be obo sunumi pą badu buluba doligi soali. Tama ba kakaruk po me deli wai.

Dwagi Yai Gesi Po Makgo Asęani 14:30

Tama Jisasgo agabolo te po wai, “Eno mu po nagebolo obao, megi e sogo hulide, te ba kakaruk po si sogo wasiąbadi, tama nago ena konebeo po te sela sogo waibao.” wali.

Matyu 27:25

Tama tigidali we bidi augwaligo po wei ponoyu, te po wai, “Te aga elebo sęgę te daba me te dena wai dabeba asomainao,” wali.

Te Israel Tobolu Bidi Dabe 21:18

“Tiali goli dago te bidi dabe me deligo te dago wegi mani somainu me elamuo.” Augwaligo te tiwai po wali, magi baso meni, te po augwa polobadu wai, “Te bidi me deligo aga wegi te Benjamin hani bidi me delibolo mobaso da, te aga dolomainao,” wai dao.

Te Israel Tobolu Bidi Dabe 17:2

Agai te aga idabolo po wali, “Te bidi dabego nago mone silva te 1,100 mone te wi sali sogo, nago po weyu, te nai wi sali bidi dolomainao wali. Tama eno te po odai. Suao, te mone enade munalubao. Ena digi eno wi sali!” Tama idago te po wai, “Genuai Bidigo nage mobo momainu yao, te eno ogwa dao.”

Matyu 26:34

Jisasgo agabolo te po wali, “Eno mu po nagebolo obe dao, e sogo megi hulide, te ba kakaruk po wasiąbadi tama sela sogo nago po weyu, nago ena konebeo te po waibao.”

Matyu 26:73

Nosali gana dwasianu, tama te dolaluali bidi meba augwali aselama, Pitabolo te po wali, “Mu tama, nage augwali hani bidi dao. Naga pogo nage haninani dao, nago po te Galili bidigo po wabo tiwai wabo dao,” wali.

Matyu 26:75

Tama megi da Pitago Jisasgo aga dali wali po homugo ma koneanio, “Te ba kakaruk po wasiąbadi, tama nago po sela sogo olama, te nago ena konebeo waibao.” Tama Pita aga te bedu buluba solama, gela geninama mu wai dao.