Matyu 26:69 - Godigo dwagi yai po buku

⁶⁹ Te augwaligo te sę Jisas dali ebadi, tama Pita te be mesalode dulaluai. Tama tede sę ebo we me deli aga pąba aselama, tama te po wai, “Nage me te Galili tǫ bulu bidi Jisas dali bidai dao,” wali.

Matyu 26:69 Referans Kwoze

Matyu 26:71

Tama aga solama, te be bagulali obo mabo pąde bidai. Tama gasa sę we mego aga sulama, tama te pąde bidalubo we bidi augwalibolo te po wai, “Te e bidi da, te Nasaret bulu bidi Jisas dali bidali bidi dao.” Te po wai.

Te Israel me Juda Hani Sigo Tuni Bidigo Po Elalubo Buku Deli 19:13

Elaijago te tebo odolama da, tialima aga bobobage gudali ugwago aga gesabi dali halua selama, te aga masigi ola bede bidali tagalama, te masigi dedage pąba dolagasali. Tama agai po me deli te tiwai odali, “Elaija, magi baso nage ede bidibawe?” te po wali.

Godigo Sęba Tagala Palai Bidigo Po 5:37

Tama nosali te Galili tǫ bidi Judas, agai nogi sabi bidi dią holali, te gavmanigo we bidi nogi sabo side. Agai te homu yai tigidali bidi selama, gavmanide moni haųwa hwįebao. Tiali goli, gavman bidigo enesigi bidigo aga elebaso, aga wali pali bidi wi pela silali. Tama te bidi si augwaligo yali sę tuloluali.

Dwagi Yai Gesi Po Jongo Asęani 7:52

Augwaligo po wei agabolo ponoyu, te po wai, “Nage me nage Galili bulu bidi dawe? Godigo bukude po bugagia nedao. Nedelama, koneao, Godigo nosali yabo sę po ola mabo profet bidi me deli te Galili buludu munu me pedalogobeo,” augwaligo Nikodemusbolo te po wai.

Dwagi Yai Gesi Po Jongo Asęani 7:41

Meba bidigo te po wai, “Te aga da, te Godigo sa muyu asaibao wali bidi dao.” Tiali digi mebago te po me wai, “Woo, Godigo asaiba wali bidi te Galili bulude pedalogobeo.

Dwagi Yai Gesi Po Jongo Asęani 1:46

Tama Nataniel agai te bo weyu, te po agabolo ola mani, “Teyu da, dwagi yai nai me deli te Nasaret bulude pedalaibawe?” Filipgo agabolo te po wali, “Nage aselama, suagasao.” Tama augwali si Jisas pageba pai.

Matyu 26:58

Tama Pita Jisas aga wali pai, tiali goli aga digibulu gana dwasianu bidai. Aga te tuni bidi Kaiafasgo obo tomoba pelama, tama te enesigi bidi dabe dali te be mesalode dulaluai. Agai te magi sę Jisasde pedalobo te agai sula sainogo yali.

Matyu 26:3

Tama te sogo tama te genuai pris bidi dabe me, te Juda tobolu bidi dabe badi, augwali te pris tobolu bidigo wiegi yai genuai beba sisinani, te aga nogi Kaiafas dao.

Matyu 21:11

Tama aga dali asali we bidi augwaligo te po wai, “Aga te Jisas dao, te Godigo po pusubo profet bidi, te Nasaret hanudu te Galili tǫdu asai dao,” augwaligo te po wai.

Godigo Nogi Ugwaba Sabo Tęąbi Po Wabo Buku Dabe 1:1

Niwai bidi agai te dwai bidigo po wali pisiąbo bidi, tama dwai sęgę sai bidigo tųde bilibo menio, tama God dali posobo po wabo bidi dali taluama, dulaluyu bidibo menio, tama tiyu, te bidi aga dwagi yai homu mu eyu bidaibao.

Te Israel me Juda Hani Sigo Tuni Bidigo Po Elalubo Buku Deli 19:9

Te hulide Elaija te masigi ola be me deli tomoba pelama, piai. Elaija te masigi ola be tomode bidibadi, te Genuai Bidigo agabolo te tiwai po hanalu wai, “Elaija, nage magi baso ede bidibawe?” te po wai.

Matyu 26:70

Tiali goli Pitago po weyu, menio po te tigidali bidigo gedude bomonama, te po wai, “Eno nago te wabo po page konebeo.”