Matyu 26:67 - Godigo dwagi yai po buku

⁶⁷ Tama megi da augwaligo pesa Jisas gesabiba sąwani, tama augwaligo nogo sugunama aga elali, tama mebago nogo kalago aga elama,

Matyu 26:67 Referans Kwoze

Aisaia 50:6

Ena te bidi dabego keloago tudide elama, eno penane nisi gudumainu yalio. Te augwaligo enaba dwai posobo po weyu, eno gesabidiba pesą sąyu yali, eno ena gesabidi te augwaliba dualubeo.

Aisaia 53:3

Te bidi dabego aga tudi ola menama, te aga begela dolama, te aga godolo mu me isąwai. Sesemane sogo agade te homu dene me haniani sęgę pągąnaluali. Augwaligo aga tudiba mu muanio. Te dago aga te olo bidi me tonobo tiwai yai dao.”

Dwagi Yai Gesi Po Jongo Asęani 18:22

Tama Jisas agai te po tama obadi yaide, enesigi bidi me deli Jisas pąde dolaluali bidi, te enesigi bidi agai Jisas nogo sawaligo Jisas nabo gede eleyu, te po wai, “Nago te tobage po te pris tuni bidi dali wei ponoyu obawe? Te dwali,” te po wai.

Matyu 27:30

Tama olama, tama augwaligo agabolo pesa sąyani, tama augwaligo te awi dili ma dobola selama, aga toboluba elidu geai.

Dwagi Yai Gesi Po Makgo Asęani 14:65

Megi da augwali mebago gagalama, te aga pesa sąyu yai. Tama augwaligo te nami ugwa pedaigo te aga gedu paniama, tama augwaligo aga elama, tama augwaligo te po wai, “Nago te haniani sęde koneai profet bidi tiwai eyu tama po wao. Dego nage elaliwe?” Tama te ami bidi dabego aga selama, tama aga subigila dodolama elali.

Matyu 5:39

Tiali goli megi eno dagebolo obao, te bidi mego dwai sę dagebolo ebaso da, te dagego agabolo te sę ebo wei ponogio. Menio. Te bidi me deligo nage nabo gede me badu nogogo elebaso da, teda nago gasa me badu nabo ge me te begelao, agai tede elemainao.

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Dwagi Yai Gesi Po Jongo Asęani 19:3

Tama augwaligo Jisas dali tibo posobo po weyu, “Siade dao, Juda we bidigo tuni bidi da” olama, tama augwaligo nogo sawaligo aga nabo gede elali. Augwaligo aga dolobo sę yainogo, te tiwai te ami bidi hauwago aga elidu geai.

Dwagi Yai Gesi Po Makgo Asęani 15:19

Tama augwaligo aga toboluba te wawi yai sigi dili me deligo elali. Tama augwaligo agaba pesa sąwai. Tama augwaligo kidu sugunu gulama, tama augwaligo tibo po naga weyu, te aga genuai bidibolo ebo kolesaga tiwai yali.

Te We Bidi Dabego Jerusalem Hagede Gela Wali 3:30

Te bidi dabego aga nabo gede nogo sawaligo elebaso da, tama aga dali dwai po waiyu ebaso da, teda agai augwaligo te tama sę emainu sula tagalamainao.

Aisaia 52:14

Polobadu te bidi dabego dwai sę mu agaba yali, te aga tigi me gesabidi te dwai mu tonani, te aga bidi tigi tonobo tiwai me ebeo. Te we bidigo aga subo, wi yai dao.

1 Korin 4:13

Augwaligo po dwai mu da dali weyu ebo dao, tiali goli dago homu nagame ilibo po dua digi augwaliba weyu ebo dao. Da te tigidali tǫ pedaide bidibo bagego gedude te dwai pobele bage tiwai mu gagawali. Da te tigidali bidigo gedude te nai ulubo genagide nai kagali te ąįgo sela sąbo meda yai nai tiwai dao. Da te tiwai bidali, te megi e sogoba usu nagasu te tiwai me bidibao.

Dwagi Yai Gesi Po Makgo Asęani 10:34

Tama te bage augwaligo posobo po enaba weyu, tama enaba pesa sąyu, te ena subigila eliyu elama, tama ena ela muaibao. Tama sela sogo ena te gų pagede bidama, tama nosali ena Godigo Bidi Mu ena ma hodaluaibao,” Jisasgo te po wai.

Maika 5:1

Dage Jerusalem dabe, hodaluao, te tigidali ami selama, sisinagasao. Te boi bidi dabego da bagua salio. Augwaligo te Israel tuni bidi nabogede te donogo eliyu, aga te genuai hale ebo ilaibao.

Te We Bidi Dabego Jerusalem Hagede Gela Wali 3:45

Nago da aiyaba elaluai dao. Tama te meba Israel hani isąwai gasa hanigo da te olo dwai nai tonobo tiwai elama, meda mu yai dao.

Jeremaia 20:2

Tama Pasurgo po obaso, te augwaligo keloago te Jeremaia elama, te augwaligo aga te Genuai Bidigo be obo sunumi pąde aga kalabus ilali, augwa te nogi poali, te Benjamingo Sunumi Ugwaba Dao wali.

Te Israel me Juda Hani Sigo Tuni Bidigo Po Elalubo Buku Deli 22:24

Profet Sedekaia, te Kenango ogwago, Mikaiago Ahapba te pusali po odama, te aga Mikaia pąba pelama, tama aga naboge badu nogo sawaligo eliyu, te tama po wai, “Te Genuai Bidigo Noma Mobo Bidigo ena magi elama tagalama, te nageba solama, tama nagebolo te po maniwe?”

Bomai Po 25:9

teda te bidi isai wego aga salego sągą su me deli sela sąyao, te tobolu bidi dabego geduba sabolama tiao, tama agai gesabidiba pesą sąyao, tama te po wao, ‘Dago te tobage kolesaga te bidigo aga ama tau selama, aga amago wai dalabo homu isąbo bidi dolo te tobage kolesaga ebo dao,’ po wao.

Israel Hanigo Namba 12:14

Te Genuai Bidigo te po wei ponoyu, e tiwai po wali, “Te Miriam aga ayago aga gesabidide pesą sąyu da, te aga hale Sarere delide tama egowe? Waa? Te tama tiali goli, Miriam Sarere deli te bidi bidibo pesage bulu badu bolo bidimainao. Tama nosali aga be nani tomoba ma asomainao,” wali.

Matyu 26:68

tama augwaligo te po wai, “Nage Krais, te Godigo sa muani bidi, nage te Godigo po pusubo bidi profet da wida, megi wao. Dego nage elaliwe, te nogi nogi ya,” augwaligo te Jisas dali wai.