Matyu 26:63 - Godigo dwagi yai po buku

⁶³ Tiali goli Jisasgo po me wabeo. Tama te pris tuni bidigo agabolo te po wai, “Te nago dabolo mu po naga omainogo eno nagebolo te bidibo ula elalubo Godigo nogide te po hanalu obao, nage te Godigo sa muani bidi Krais, te Godigo Ogwa dawe, ma meniwe?”

Matyu 26:63 Referans Kwoze

Pris Sę Ebo Bomai Po 5:1

Te Genuai Bidigo Mosesbolo waliyu, te Israel dabebolo te tiwai po omainu yai, “Te augwaligo bidi me deliba hanaluyu, te po tų kotba pelama, te agai gasa bidigo sę suali po hanilabo po weyu, ma te agai gasa bidigo wabo po odali, tiali goli te bidigo te sę yali po hanilisąbaso da, teda aga te aga dagede te sę Godigo gedude geda muani dao.”

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

Aisaia 53:7

Genuai Bidigo te tiwai po wali, “Te bidi dabego te sę bidiba dwai sę ilali, tiali goli aga digi aga aiyaba elaluama, te dene tolali. Te agai po me deli wabeo. Agai pedauwali pania sali, te augwaligo sipsip wai sela pelama, elainu ebo tiwai eyu, te sipsip augwaligo te nisi poawainogo sela pabo tiwai yai dao.

Matyu 27:12

Tama te genuai pris bidi dabe badi, te Juda bage tobolu bidi dabe dali, augwaligo aga po tų ilibo sę yali. Tiali goli agai po me deli wei me ponebeo.

1 Samuel 14:26

Augwaligo te kiabi bunu suali, tiali goli bidigo me tusiąwai, augwali te Solgo bomai po walide te wi ebaso tiali.

Dwagi Yai Gesi Po Jongo Asęani 20:31

Te bidi Jisas da, te Godigo sa muyu nosali asaibao wali bidi Krais dao, aga da te Godigo Ogwa dao. Tama dagego te po mu po dao homu emainogo, eno Jisasgo yali bomo yai sę po meba e bukude asęani. Tama dagego Jisas da te Krais dao, te aga Godigo Ogwa dao, dagego te homu eyu, aga dali wadoloyu, mu bidada pabo ula dagego somainogo eyu, eno agai yali sę po asęani.

Dwagi Yai Gesi Po Jongo Asęani 19:9

Tama tibaso aga te gavman moni be tomoba ma pai. Tama agai Jisasbolo te po wai, “Nage mena badu bidi nage asai dawe?” Tiali goli, Jisas agai te Pailatgo po wei ponobeo.

Dwagi Yai Gesi Po Jongo Asęani 19:7

Juda bage augwaligo te gavman tuni bidi Pailat agai po wei ponoyu, te po wai, “Dago bomo yai po me deli tama telalubo. Niwai bidi agai ‘Ena da Godigo Ogwa dao’ obaso da, te bidi ela muao. Te bomo yai po agai bolobaso, aga isao,” augwaligo te po wai.

Dwagi Yai Gesi Po Jongo Asęani 18:37

Tama tibaso, Pailatgo Jisas dali te po wai, “Nage te tuni bidi me deli dawe?” Jisasgo agai po wei ponoyu, te po wai, “Naga digi te po weyu, ena tuni bidi dao, te po wali. Te mu po page mu hania pedalomainogo, te ena te idago ena ame neyu, te ena e tǫba asai dao. Tama tibaso, te mu po naga wali pabo we bidi augwaligo eno po odobo dao,” Jisasgo te gavman tuni bidi dali te po wai.

Dwagi Yai Gesi Po Jongo Asęani 10:36

Tialima God aga digi ena sa muyu, e tǫba tagala palai. Tama eno te po wai dao, ‘Ena da Godigo Ogwa dao.’ Tama tilama, dagego enabolo magi baso ‘Nage Godigo nogi dwai posobo po wai dao,’ waliwe?

Dwagi Yai Gesi Po Jongo Asęani 10:30

Ena dali Aya dali si page deli tama dao,” Jisasgo te po te Juda bage dali wai.

Dwagi Yai Gesi Po Jongo Asęani 10:24

Jisas te moni be mabode bilibadi, tama Juda bage aselama, Jisas bagulama, te po wai, “Nisu naga sogo nago dago homu si pedemainogo ebawe?” Juda bagego Jisas dali te po wai. “Nage Godigo sa muyu asaiba wali bidi da, te Krais bidi da wida, nago po hanilama, da dali wao,” augwaligo te po wai.

Dwagi Yai Gesi Po Jongo Asęani 8:25

“Nage dewe?” augwaligo aga hanalu wai. Jisasgo augwalibolo te po wai, “Hasia sogode eno dagebolo wali gilamao.

Dwagi Yai Gesi Po Jongo Asęani 6:69

Tama dago te pode bomo yai homu dąų olama, bidibo dao. Me dago nage koneai, naga digi naga Godigo doloba pai bidi mu dao, Godigo tagala palai bidi dao, te dago konebao,” Pitago Jisas dali te po wai.

Dwagi Yai Gesi Po Jongo Asęani 1:49

Natanielgo Jisasgo po wei begelai, “Po ola mabo bidio, nage Godigo Ogwa dao, nage Israel we bidigo tuni bidi dao.”

Dwagi Yai Gesi Po Jongo Asęani 1:34

Tama ena digi eno sulama, tama eno dagebolo te po obao, te bidi Jisas aga Godigo Ogwa dao,” Jongo po tama wai.

Dwagi Yai Gesi Po Makgo Asęani 14:61

Tiali goli Jisas aga pedauwali panialu, tama te agabolo po me deli wei me ponobeo. Te tuni bidi pris bidigo agaba ma hanalu wali, “Nage Krais, te magi dwai sę deli me isiąwai te Godigo Ogwa dawe, ma meniwe?”

Matyu 27:54

Tama te enesigi bidi dabego tobolu bidi aga ami bidi dabe aga dali te Jisas tonaluali bage, augwaligo te tǫ mali ebo me te sę dabe pedalobo sulama, tama augwali moni wi mu yalio. Augwaligo te po wai, “Mu tamao, te bidi aga te Godigo Ogwa mu dao,” te po wai.

Matyu 27:43

Agai homu Godiba tinama te po wali, ‘Ena Godigo Ogwa dao’ wai. Tialima, Godigo aga godolo eba wida, agai aga megi tau somainao.” Augwaligo te po wai.

Matyu 27:40

tama te po wai, “Nago te Moni Lotu Be tempel aluama, tama sela sogo naga ma sę yaiba po wali bidi, megi da, te naga digi naga tau sao. Tama nage te Godigo Ogwa da wida, teda nage te ni pedaide daganalubo tagalama, tama nage te tǫba aiya dulao,” augwaligo te tiwai posobo po wai.

Matyu 27:14

Tiali goli Jisasgo po me deli te gavman bidi Pailatbolo wei me ponebeo. Tama tibaso, te polalubo gavman bidi aga homu hauwa eyu noma sali.

Daniel 3:16

Tialima, Satrak, me Mesak, me Abetnego, te bagego te po wali, “King, te nago da selade yainu ebo sęde te dago magi po me menio.

Bugagia Bidibo Kolesagade Po Asęai Buku 29:24

Te bidigo te nai wi sabo bidi tau sobaso da, teda agaba digi te boi bidi ebao. Te agai te augwali sigo ebo kolesaga hanilibaso da, te augwaligo aga po tų ilaibao. Tiali goli, te agai geme dualubaso da, teda Godigo aga dolaibao.

Tuni Bidi Dabego Po Elalubo Buku Si 18:15

Tiali goli Ahapgo agabolo te po wali, “Ili po wabo tagalao. Tigidali sogo eno nagebolo Genuai Bidigo nogide mu po naga pusao po wabo dao. Nisu nago po odaibawe?” Ahapgo te po wali.

Te Israel me Juda Hani Sigo Tuni Bidigo Po Elalubo Buku Deli 22:16

Tiali goli, Ahapgo agaba te tama po wali, “Tibo po tagalao. Sesemane sogo eno nagebolo weyu, te nago Genuai Bidigo nogide mu po naga omainogo yai. Nisu sogo nago po odaibawe?” wali.

1 Samuel 14:28

Tama bidi me deligo Jonatanbolo te po wai, “Da tigidali nasi eyu, bomo meni ebo, magi baso meni, te nago ayago da te nai tugio olama, habu seliyu, tama dabolo po bomonama te tiwai po wai, te bidi me deligo e boi hwįbo sogo bubugade te nai me tubaso da, teda Godigo aga dolaibao po wai dao,” wali.

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

1 Samuel 14:24

Te hwįani sogode Solgo bomai po te Israel dabeba wali. Agai te tiwai po wai, “Megi naga eno te boi bidi dabeba te dwai sę yali wei ponama, tama augwaliba dene mu mawainu ebao. Tama tiyu, dage tigidali bidi te nai me deli tusiąma, te giliga dega sigiluboba usu nao. Te bidi mego nai tuali da, teda eno homugo te Godigo aga dolomainu yaibao,” wali. Tama tibaso, te bidi mego nai me tusiąma, tama te Israel dabe tigidali te nasi dwai mu elama, tama bomo mu meni yani.

Godigo Nogi Ugwaba Sabo Tęąbi Po Wabo Buku Dabe 42:2

God, nage te bidibo ula elalubo God da, tama eno nage wei homu mu ebao, te bidi aga dogoni wa pobaso, te wę tuainu ebo tiwai yaibao. God, mena sogo te ena nageba aselama, tama te moni lotu be tempelde nageba lotu wagowe?

Matyu 4:3

Tama te usu sabo bidi agaba pedelama, tama aga dwai sę tomoba kegainu agai te po wali, “Nage te Godigo Ogwa da wida, teda nago po obadi e elalubo masigi dabego te begelama, te tubo nai bret pedalomainao, nago tumainogo yao,” te po wai.

Matyu 26:62

Tama te pris tuni bidi doligulama Jisasbolo te po wai, “Nago te po me deli wei ponosiąma ebawe? Magi yaide augwaligo te po dabe nagebolo togolobawe?” wali.

2 Korin 1:19

Ena me Sailas me Timoti, dago dage tomode pusali po, te Godigo Ogwa Jisas Krais agade te po pusali. Tama Krais aga subigila hasegelebo menio, aga da te aga homu polo subigila hasegelebo bidi meni. Agai aga dąų walali po togogobeo, aga yaibao wali sę te aga mu yaibao.