Matyu 26:61 - Godigo dwagi yai po buku

⁶¹ Tama te bidi sigo te po walio, “Te bidigo te po wai dao, ‘Eno te Godigo Moni Lotu Be tempel aluama degebode, tama sela sogo eno ma sę ebo usu yaibao,’ agai te po wai dao,” augwali sigo te po wai.

Matyu 26:61 Referans Kwoze

Matyu 27:40

tama te po wai, “Nago te Moni Lotu Be tempel aluama, tama sela sogo naga ma sę yaiba po wali bidi, megi da, te naga digi naga tau sao. Tama nage te Godigo Ogwa da wida, teda nage te ni pedaide daganalubo tagalama, tama nage te tǫba aiya dulao,” augwaligo te tiwai posobo po wai.

Dwagi Yai Gesi Po Makgo Asęani 15:29

Tama te augwali eda soyu, ugwa peyu ebo we bidi augwaligo dwai posobo po agabolo weyu yai. Augwaligo tobolu pemeyu, tama po wai, “Ia, nago te Moni Lotu Be tempel aluama tama te sela sogo naga ma sę yaiba wali bidi dao. Behede!

Aisaia 53:3

Te bidi dabego aga tudi ola menama, te aga begela dolama, te aga godolo mu me isąwai. Sesemane sogo agade te homu dene me haniani sęgę pągąnaluali. Augwaligo aga tudiba mu muanio. Te dago aga te olo bidi me tonobo tiwai yai dao.”

Aisaia 49:7

Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.

Godigo Sęba Tagala Palai Bidigo Po 22:22

Te Juda hani we bidi tigidaligo Polgo wabo po odali. Tiali goli, agai te po wabo augwaligo odali, ‘Te Israel hani isąwai bidi tau saibao,’ wabo po odama, augwaligo sębę elama, bomo elama, po dagą wali, “Te tiwai kolesaga ebo bidi ela muao. Te dwai bidi aga da dali e tǫde mu tama bidigio,” wali.

Godigo Sęba Tagala Palai Bidigo Po 18:13

Augwaligo Galiobolo te po wai, “Te bidi agai homugo dago bomo yai po dolobo. Tama agai te we bidibolo Godigo lotu po wabo gasa kolesaga elama, bugagia ola mabeo,” wali.

Godigo Sęba Tagala Palai Bidigo Po 17:18

Tama te Epikuria hani po ola mabo bidi dabe me, te Stoik hani po ola mabo bidi dabe me, augwaligo Polgo po aiyaba elaluai hagede, pogo wąbi hwįai ąǫ yali. Te bidi me badugo te po wai, “Te bidi aga da, te mu konesiąwai bidi da. Agai dabolo magi po obawe?” Me badu bidigo te po wali, “Agai te po wabo gasa habuba bidibo Godigowe?” te po wai. Pol agai te Jisasde po ola mobadi yaide, isai bidi te gų pagede ma hodaloabo po ola mobadi yaide, augwaligo te tobage po tama wali.

Dwagi Yai Gesi Po Jongo Asęani 9:29

Dago koneai, God agai po Mosesbolo mawai. Tialima, u bidi menade pedalaiwe, te dago konebeo,” augwaligo te po wai.

Dwagi Yai Gesi Po Lukgo Asęani 23:2

Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.

Matyu 26:71

Tama aga solama, te be bagulali obo mabo pąde bidai. Tama gasa sę we mego aga sulama, tama te pąde bidalubo we bidi augwalibolo te po wai, “Te e bidi da, te Nasaret bulu bidi Jisas dali bidali bidi dao.” Te po wai.

Matyu 12:24

Tiali goli te Farisi dabe augwaligo te po odolama, tama augwaligo te po wai, “Woo, te dwai haubo mobo bidi te Belsebulgo bomode naga te bidigo te dwai haubo sela sąbo dao. Te Belsebul aga te dwai haubo mobo bidi dabego tobolu bidi dao,” te Farisi bagego te po wai.

Te Israel me Juda Hani Sigo Tuni Bidigo Po Elalubo Buku Si 9:11

Jehu ma geasa pelama, te gasa gavman ofisa bidi dabe augwali bidiboba sabalobode, te ofisa dabe augwaligo agabolo e tama po hanalu wai, “Magi nai me deli pedalaliwe, a? Magi baso te e wabo pabo bidigo asama, nage suagasaliwe?” wali. Tama Jehugo te po wei ponoyu, e tama po wai, “Dagego koneanio, te tama tibo bidi dabego augwaligo kolesaga. Augwaligo te po subigilama po wabo dao,” wali.

Te Israel me Juda Hani Sigo Tuni Bidigo Po Elalubo Buku Deli 22:27

Tama nago eno te po augwali siba mao, ‘Eno homugo dage sigo te bidi kalabusiba ma mumainu homu ebao. Te aga dwasianu tubo nai bret me wę naga mao, tama te boi hwįbo silama, ena ma asobo siba usu nao,’ te po wao,” wali.

Tigidali Nai Gagalama Nigali Side 19:9

Tiali goli, augwaligo te po wali, “Nage bulu wau bilibo bidi, nage gedao! Nago dago ebo kolesaga dagaligio. Te nage geda sisąwani da, teda dago augwali side dwai sę eyu, tama nage me te gisiga mu yaibao.” Tama augwaligo Lot te be tomoba edaba pogoliyu, tama augwaligo te be sunumi aluainu yali.

Matyu 26:62

Tama te pris tuni bidi doligulama Jisasbolo te po wai, “Nago te po me deli wei ponosiąma ebawe? Magi yaide augwaligo te po dabe nagebolo togolobawe?” wali.

Matyu 27:5

Tama Judasgo te silva mone ge dabe te Moni Lotu Be tempel tomode sąnama, tama aga pelama, aga digi te ba bonoba waligi pelama isai.

Dwagi Yai Gesi Po Makgo Asęani 14:58

“Dago odali, agai te tiwai po wai, ‘Te eno digi eno te bidi dabego nogogo sę yani te Moni Lotu Be tempel te aluaibao. Tama nosali te be eno te sela sogode gasa dodolama sę yaibao, tiali goli te be te nogogo me sę egobeo,’ agai te po wabo dago odalio,” augwaligo te po wai.