Matyu 26:46 - Godigo dwagi yai po buku

⁴⁶ Dage hodaluao, tama da augwali tiąba pinao. Suao, ena augwaligo nogoba maiabo bidi aga te pąba megi yagasobao,” Jisasgo te po wai.

Matyu 26:46 Referans Kwoze

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Dwagi Yai Gesi Po Jongo Asęani 14:31

Tialima, eno homugo tǫde we bidi augwaligo eno ena Aya godolo mu ebo, augwaligo sulama, konemainogo, tama eno Ayago wabo po gilama, eno te sę ebo dao. Tialima, dage hodaluama, da pebelainao,” Jisasgo aga wali pabo bidi dabe dali te po wai.

Dwagi Yai Gesi Po Lukgo Asęani 12:50

Baptais sabode te ąįgo eno tigi siminibo tiwai, te nosali dene me eno tigi siminaibao. Eno baptais sabo gilama te ena dene sabo sę elalubao. Te dene siminasąbadi yaide, ena dwai homu mu ebao.

Dwagi Yai Gesi Po Lukgo Asęani 9:51

Te Godigo Jisas dagaluba odasa holabo magabadi yaide, Jisasgo koneama, aga te Jerusalemba pabo homu mu elama, pabo gagalali.

1 Samuel 17:48

Devitgo po ola silama, tialima Goliat ma peyu, te Devit pąba asali, tama polo tama Devitgo te Goliat dali hwįainu udada peyu pai.

Dwagi Yai Gesi Po Lukgo Asęani 22:15

Jisas augwalibolo te po wai, “Eno homugo godola pelama, te dago wąį nǫų hani te Israel dabe bugagia bidimainu sula tagalu ela soale side ma kone palu tubo nai Pasova dage dali megi tama tueibao. Tilama, nosali ena dene saibao.

Matyu 26:45

Nosali aga wali pabo bidi dabe pageba aselama, augwalibolo te po wai, “Dage me pila mudu toma tudubawe? E dao odiąo, te sogo megi pedalalio, te augwaligo Godigo Bidi Mu te dwai sęgę sai bidi dabego nogoba mawainogo ebao.

Matyu 26:47

Te Jisasgo po udubadi yaide, tama Judas, te aga wali pabo bidi te 12 wali bidi me deli, aga asali. Tama genuai bidi hani aga dali asali, tama augwaligo te bobobage hwą ge me wąbi me nogode tulama asai. Te genuai pris tobolu bidi dabe dali, te Juda dabe tobolu bidi hani dabego augwali tagala palobaso asalio.

Dwagi Yai Gesi Po Makgo Asęani 14:42

Dage hodaluama, tama da pinao. Suiąo, te boi bidigo nogoba ena mawainogo ebo bidi te augwali aga dali asai dao,” Jisasgo te po wai.

Dwagi Yai Gesi Po Lukgo Asęani 22:21

Dagego suao. Ena te boi bidigo nogoba muabo bidi ena dali ede bidibao.

Dwagi Yai Gesi Po Jongo Asęani 21:20

Te augwali si pabo gagalama, pobadi, tama Pitago begela suali, te Jisasgo godolo ebo bidi, aga augwali si wali asobo suali. Te bidi aga polobadu gana augwali nai tuali sogo aga te Jisas hagawiade tialuyu, tama agai te po hanalu wai, “Genuai Bidi, niwai bidi agai nage boi bidi nogoba muaibawe?” te po wali. Te bidi Jisas dali Pita si wali asobo Pitago megi suali.