Matyu 26:33 - Godigo dwagi yai po buku

³³ Pitago po wei ponoyu, bomonama agabolo te po wai, “E bage augwali tigidaligo te nageba augwa homu mubo kolesaga tagalama tolalueibao nago te tama po wabo digi, te ena da, ena tama me tegobeo,” Pitago te po wai dao.

Matyu 26:33 Referans Kwoze

Dwagi Yai Gesi Po Lukgo Asęani 22:33

Pitago Jisasbolo wai, “Genuai Bidi, ena nage dali kalabus paibao. Ena nage dali isabo me sisi yalio,” Pitago te wai, Jisas dali.

Filipai 2:3

Gasa bidi tau sabo kolesaga tagalama, tama duga digide naga homugo kone paluyu, duga nogi naga olo ugwaba sabo kolesaga eyu, dage te tiwai bidilamuo. Te menio. Te imilai homu eyu, e homu yao, “Te gasa we bidi augwali dwagi yai bage dao. Ena augwali dologode bidaibao,” te homu yao.

Polgo Po Pas Rom Dabeba Asęani 12:10

Dage da, te deli hani bage dao. Tama tibaso, te deli hani we bidi dabego yabo kolesaga bomo eyu, tama duga hasi duga ama dede abe dede augwali dali dwagi yai homu eyu godolo mu yao. Dage tigidali deli deligo duga nogi aiyaba elaluyu, te gasa bage augwali nogi naga ugwaba sao.

Dwagi Yai Gesi Po Makgo Asęani 14:29

Pitago agabolo te po wai, “Te e bidi tigidali augwaligo nage taga peyu wi pobaso da, tagalao, magigo meni, te eno nage taga pogobeo,” te po wai.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Bugagia Bidibo Kolesagade Po Asęai Buku 20:6

Te bidi hauwago te po weyu, te augwa abagi dabe wei mu ebo wabo dao. Tiali goli, te bidi deli deligo naga te aga abagiba te homu mu mubo haliga ebo dao.

Godigo Nogi Ugwaba Sabo Tęąbi Po Wabo Buku Dabe 17:5

Eno sesemane sogo nago kolesaga wali peyu, tama eno sągą dwasianu me geda mubeo.

Dwagi Yai Gesi Po Jongo Asęani 21:15

Te augwali nai tula silama, tama Jisasgo Saimon Pitabolo po weyu, te po wai, “Saimon, nage Jongo ogwa dao, tama nago ena godolo ebo kolesagago e bidi dabe augwaligo ena godolo ebo kolesaga aiyaba elalubawe?” Tama Pitago agabolo te po wai, “Ao, Genuai Bidi, nago koneai dao, nage eno abagi dao.” Jisasgo agabolo te po wai, “Nago enaba homu tamadi muani we bidi augwali eno po nago augwalibolo ola mao,” Jisasgo te po wai.

Matyu 26:32

Tiali goli ena isąma tama ma hodaluama, tama ena dage asabo madi polasa te Galili tǫba paibao,” Jisasgo te po wai.

Matyu 26:34

Jisasgo agabolo te po wali, “Eno mu po nagebolo obe dao, e sogo megi hulide, te ba kakaruk po wasiąbadi tama sela sogo nago po weyu, nago ena konebeo te po waibao.”