Matyu 26:23 - Godigo dwagi yai po buku

²³ Tiali goli agai po wei ponoyu, te po wai, “Te ena dali tubo nai sainu e pouba aiya nogo mubo bidi, agai ena te boi bidi dabego nogoba mawaibao.

Matyu 26:23 Referans Kwoze

Dwagi Yai Gesi Po Jongo Asęani 13:18

Te agai po me weyu, te po wai, “Dage tigidali dali eno te po wabeo. Ena digi te ena sa muai bidi dabe, te eno konealubao. Tialima, te Godigo po bukude polobadu wali po te nai egilama, mu pedalaibao. Te polobadu asęani po te dao, ‘Ena dali nai tuali bidi te bidi agai megi ena dali boi bidi yaibao.’

Godigo Nogi Ugwaba Sabo Tęąbi Po Wabo Buku Dabe 41:9

Eno abagi me deli elaluai, aga te eno hai namu mu tama, tama aga te ena dali nai tuyu yai. Tiali goli, aga me te eno boi bidi pedelali.

Dwagi Yai Gesi Po Lukgo Asęani 22:21

Dagego suao. Ena te boi bidigo nogoba muabo bidi ena dali ede bidibao.

Bugagia Bidibo Kolesagade Po Asęai Buku 19:24

Te hagela bidigo te pou pletba nogo muyu, te nai sainogo yaibao. Tiali goli, agai nogo te ugwaba sagulama, tama te nai pedauwaliba me mugobeo.

Matyu 26:22

Tama augwali te pode homu sęgę mu ebaso, tama deli deli bidibo bage augwaligo agabolo hanaluyu, te po wai, “Genuai Bidi, ma ena dawe?”