Matyu 26:18 - Godigo dwagi yai po buku

¹⁸ Tama agai te po wai, “Dage te moni hanu tomoba pelama, tama dage te bidi me deli bidibo digi pelama, agabolo te po wao, ‘Te po ola mabo bidi agai te po walio, “Eno bodolu mani sogo te pąba yagasalio. Nago bede te eno nai Pasova te ena wali pabo bidi dabe dali tuaiba,” te po walio.’ Te be page bidibolo te po wao,” Jisasgo te po wai.

Matyu 26:18 Referans Kwoze

Dwagi Yai Gesi Po Jongo Asęani 7:6

Jisasgo augwalibolo te po wai, “Eno side te polo pedalobeo. Tialima, tigidali sogo te dagego side dao,” wai.

Dwagi Yai Gesi Po Jongo Asęani 17:1

Te bidi Jisasgo te po aga bidi dabebolo olama, tama agai dagaluba tonaluyu, te po wai, “Aya, te bodolu muani sogo pedalalio. Tama eno nagebolo te genuai nogi momainogo, tama nago enabolo te genuai nogi mao,” Jisasgo aga Aya God dali te po wai.

Dwagi Yai Gesi Po Jongo Asęani 13:1

Te olo bidibo si nogi Pasova pedalisiąbadi, deli sogo naga elalubadi, tama Jisasgo koneai, aga e tǫ tagalama, Aya pageba pabo sogo te pąba yagasai. Tama Jisas agai aga te tǫde bidibo we bidi tigidali sogo godolo mu eyu bidai. Megi agai te godolo mu ebo sę tagalobeo. Agai augwali godolo mu ela pidubadi te aga isibo sogoba usu nai dao.

Dwagi Yai Gesi Po Jongo Asęani 7:30

Tama tibaso, te Juda bage tobolu bidi dabe augwaligo Jisas aga kalabus ilainogo yai. Tiali digi, agai sogo meba elalubuo, aga bodolu mani sogo asobeo, tama tialima bidi me deligo aga nogo me tubeo. Menio.

Dwagi Yai Gesi Po Jongo Asęani 7:8

Dage naga ugwaba holiąo, te Juda bage augwaligo olo bidibo side te dagego sugi pao. Tialima, ena teba pabo me elalubo. Eno bodolu mani si te me elalubo,” Jisasgo te po wai.

Dwagi Yai Gesi Po Jongo Asęani 12:23

Tama Jisasgo augwali dali po wei ponoyu, te po wai, “Te Godigo Bidi Mu aga moni nogi dali, moni bomo dali, te si sabo sogo mu pedalai dao, megi.

Dwagi Yai Gesi Po Lukgo Asęani 22:53

“Tigidali sogo dage dali ena te Moni Lotu Be tempel tomode bidai dao. Te sogo dagego ena me sai menio. Tialima, megi e sogo dagego Godigo bodolu muani side dao, dagego duga homu wali piąo. Megi Satango bomogo sę ebo side dao,” Jisasgo te po te boi bidi dabe dali wai.

Dwagi Yai Gesi Po Jongo Asęani 11:28

Te we Martago te po olama, aga ama Maria i wagi pai. Te po dua digi wai, “Po ola mabo bidi aselama, bidibao, agai nage i wai dao,” te po wai.

Dwagi Yai Gesi Po Makgo Asęani 5:35

Jisasgo te po odubadi, tama te bomai po odobo lotu be tonalubo tobolu bidigo bede bidibo bidi dabe meba aselawali. Augwaligo te po wali, “Te nago wegi isalio. Magi baso nago te sę dene yabo po te po ola mabo tisa bidibolo obawe?”

Matyu 26:2

“Dagego koneani, si sogo naga bidilama, tama te bo disąwai nai tubo si nogi Pasova te pedelaibao. Tama augwaligo te Godigo Bidi Mu te boi bidi dabego nogoba munama, tama augwaligo aga te ni pedaide walaibao,” wali.

Matyu 23:10

Tama augwaligo dagebolo nogi nogi eyu ‘Tobolu bidi’ po me olamuo. Dagego tobolu bidi deli bidibao, aga te sa muani bidi Krais dao.

Matyu 23:8

“Tiali goli, te bidi dabe augwaligo dage nogi eyu, ‘Tisa, po ola mabo bidi da’ olamuo. Menio. Te bidi me deli naga te aga dagego te po ola mabo bidi dao, tama dage tigidali te ama dede ama dede naga bidibo dao.

Matyu 21:3

Tama dage sigo te donki si sela sobadi, bidi me deligo dage si dali po me obaso da, te bidi dali dage sigo te po wao, ‘Woo, Genuai Bidigo sę e donki side elalubo’ po wao. Tama te po olama, tama polo agai te kibu donki si dage sigo sela piąo te po waibao,” Jisasgo te po wai.

Dwagi Yai Gesi Po Jongo Asęani 20:16

Jisasgo agabolo te po wai, “Mariao.” Tama Maria aga ma begelama, Jisas dali agai Hibru pogo weyu, “Rabonai,” te po wai. Te po page e tama wai, “Po ola mabo bidio,” te po wai.

Matyu 26:49

Tama aga polo Jisas pageba dolo aselama, tama te po wali, “Hulide dao, po ola mabo bidio.” Tama agai aga dali gesabi sebedi usu sagasai.

Matyu 26:19

Tialima, aga wali pabo bidi dabego te Jisasgo augwalibolo wali po selama, te tiwai yali, tama augwaligo te Pasova tubo nai sisi ilali.