Matyu 25:4 - Godigo dwagi yai po buku

⁴ Tiali goli te homu kolesaga elalubo wegi mani augwaligo te ąį manobo wel te augwa botolde pągąnama tama augwaligo te dali sela asai.

Matyu 25:4 Referans Kwoze

Polgo Po Pas Rom Dabeba Asęani 8:9

Tiali goli dage da, dage te dwai sę ilibo homu kolesagade me bidibeo. Menio. Te Godigo Mobo Bidi dagede bidibaso, dage te Mobo Bidigo kolesagade bidibo dao. Tiali goli, te bidi me delide te Kraisgo Mobo Bidi meni baso da, te bidi aga te Kraisgo bidi menio.

1 Jon 2:27

Tialima dagede, dage Kraisgo aga Mobo Bidi olo mayu tama aga dage dali me bidibao. Tama aga Mobo Bidi dage dali bidibadi, te sogo dage te po ola mabo bidi dage dali me sǫą pabeo. Dagego te gasa po ola mabo bidi dabe sabo homu egio. Menio. Mobo Bidi agai dage tigidali kolesaga ola mabo dao. Tama te Mobogo mu po tama naga wabo dao. Agai tibo po me wabeo. Agai tama tibaso, dagego agai po wali peyu tama Krais dali wadoloyu bidiąo.

Dwagi Yai Gesi Po Jongo Asęani 3:34

Te bidi Godigo tagala palali bidi, te bidi agai Godigo po pusubo dao. Magi basowe? Godigo agai Dwagi Yai Mobo Bidi agabolo habuge me mabeo, sese mu mawai. Tama mobaso, te bidigo Godigo po pusubo dao.

1 Jon 2:20

Dage, te dagebolo te Tedali Bidi Kraisgo te Godigo Mobo Bidi olo mani. Tama tibaso, dage tigidaligo te mu po koneai dao.

Godigo Nogi Ugwaba Sabo Tęąbi Po Wabo Buku Dabe 45:7

Nago te doloba pai kolesaga wei eyu, tama nago te dwai kolesaga te wei isiąyu, hagela mu ebo dao. Tama tibaso, naga Godigo digi, agai te nage sa muyu, tama agai nago nogi ugwaba mu muyu, tama nago nogi te gasa king dabego nogi aiyaba elalubo dao.

Jutgo Asęani Pas 1:19

Te tiwai asobo bidi dabe augwaligo dage Godigo po wali pabo we bidi hani tomode si pedebo bage dao. Tama augwaligo e tǫde ebo kolesaga naga wali peyu, tama Godigo Mobo Bidi agai augwali dali hodobo bidibo menio, te mu dao.

2 Korin 1:22

Agai aga dąį iliyu daba sa muani, tama dago homuba Tedali Mobo Bidi mawai. Godigo te da dali gasa wiegi yai sę nosali yabo homu eyu, tama te Mobo Bidi hasia dabolo mani, tama dago te koneao wai: mu tama agai te tigidali wiegi yai sę da dali mu yaibao.

Matyu 7:24

“Te niwai bidi agai eno e wabo po odama wali pabo bidi, teda te bidi me deli agai homu te wiegi yai tiwai elalubo bidi, tama agai be te masigi daide ugwadu sę yai dao, te be bugagia dąų omainogo yai.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Matyu 25:2

Tama a naga wegi mani homu kolesaga meni yai, tama me a naga wegigo wiegi yai homu kolesaga elaluai.

Matyu 25:3

Te homu kolesaga meni yai wegi mani augwaligo lam sole sela asali, tiali goli augwaligo te ąį manabo wel dali me sela asobeo.

Matyu 25:5

Te bidi te we sabo bidi aga polo asobe, tama te wegi mani tigidali gedu sęgę elama tama augwali godege piai.”