Matyu 25:29 - Godigo dwagi yai po buku

²⁹ Magi baso meni, te nai meba elalubo bidi augwali tigidali, te eno meba ma augwalibolo mawaibao, tama augwaligo nai umabo mu elaluaibao. Tiali goli, te dwasianu nai naga elalubo bidi, te agade eno te dwasianu nai me ma saibao.

Matyu 25:29 Referans Kwoze

Matyu 13:12

Magi baso menio. Bidi me deligo nai meba elalubaso da, teda Godigo agabolo te nai umabo mayu, tama aga nai hauwa elaluaibao. Tama bidi me deligo te dwasianu nai naga elalubaso da, teda Godigo te dwasianu nai dagala sąwaibao.

Dwagi Yai Gesi Po Lukgo Asęani 8:18

Dagego te po odoyu, mu dua dao. Bidi mego nai meba tolalubo bidi yai baso da, teda Godigo agabolo gasa nai me ugadu daganama mawaibao. Tiali goli, bidi mego nai me deli menibadi goli, te dwasianu aga tobade munaluba homu yali nai sela paibao,” Jisasgo te po wali, te bidi dabe augwa homu agaba muani bidi dabeba magi paibao po wali.

Dwagi Yai Gesi Po Makgo Asęani 4:25

Te bidi me deligo nai tolalubo bidi, te Godigo agabolo geninama ma mawaibao. Tiali goli, te bidi me deligo dwasianu nai naga me elalubo bidi da, teda agai te elalubo nai, te hagawaibao,” Jisasgo te po augwalibolo wai.

Dwagi Yai Gesi Po Jongo Asęani 15:2

Tama enade wadolali nologo, te nai walisiąwai nologo te tigidali eno Ayago togolama, sela sąbo dao. Tialima, nai walobo nologo tigidali agai te dwai sewa yali nologode elaluali yabe te pęą sąyu sela sąbo dao, tama aga nai genuai walomai hagede tiwai.

Dwagi Yai Gesi Po Lukgo Asęani 10:42

Tiali goli, sęgę yai nai deli mu te elalubao. Tama Mariago homugo te saiba homu yali te segąį nai te saleao. Mego me dobagobeo,” Jisasgo te po wai

Kraisgo Geme Dualali Sę Pedelabo Po Jonbolo Ola Mani 2:5

Tama polobadu nago dwagi yai kolesaga yai, tialima nago te kolesaga tagaliyu tama nage tulaluai dao. Tama nago te polobadu yali kolesaga ma homugo koneyu, tama nage homu begeleyu, te hasia yali wiegi yai kolesaga ma yao. Nago te sę esiąyu, tama nage homu begelesiąyu da, te ena nage pageba pedalaibao, tama eno nago te lam sole elaluali ena ma sagasaibao, aga nage dali me elalugobeo.

Dwagi Yai Gesi Po Jongo Asęani 11:48

Tama tibaso, dago aga gogolama, agai te sę me ela peyu da, tigidali we bidigo agabolo homu munama, tama augwali aga wali paibao. Tama tiyu da, te da tonalubo Rom gavman bagego te ebo sę sulama, sębę elama, tama dago Moni Lotu Be tempel dali, da bidi hani dali, augwaligo dolagasaibao,” Juda bagego te po wai.

Matyu 21:41

Te augwaligo agabolo te po wai, “Teda augwali te dwai sę yali bidi dabe bidibaso, agai augwali dwagila mu dolaibao. Tama agai te wain gi gasa hanigo te gi sę tonalumai hagede mawaibao, tama te gide nai sabo sogo augwaligo aya agabolo nai mawaibao,” augwaligo te po wai.

Te We Bidi Dabego Jerusalem Hagede Gela Wali 2:6

Genuai Bidigo aga tempel be mu dolama, mu tagalali, te bidigo te gi be dolama, hųgila tagalabo tiwai tama yalio. Agai te Israel dabe augwali teba pelama, tama agaba augwaligo lotu po wagi pabo digi dolama, tagalalio. Tama te tiali kolesagago te Genuai Bidigo te lotu po wabo genuai sogo, me Sabat, si tama silalio. Tama te we bidi, augwali te Jerusalemde bidali we bidi, augwaligo agaba te lotu wabo sogo dabe ma lotu weyu ebeo. Genuai Bidigo te king me, pris dabe dali, agai sębę genuai mu yalio, tama agai augwali augwa sęde sela sąwanio.

Hosea 2:9

Tama tibaso, te gide nai inilama sabo side, eno te nai dabe me wain agabolo mani nai te eno ma saibao. Tama aga tigi bolo olo elalu idali weyu, eno te gudubo ugwa dabe polobadu mani. Eno agabolo te mani gudubo wiegi yai ugwa dabe me ma saibao,” wali.

Matyu 25:28

Tialima, dagego te mone 1,000 kina te bidi agade selama, te mone 10,000 kina munalubo bidibolo mao.