Matyu 25:27 - Godigo dwagi yai po buku

²⁷ Tialima, nago magi baso eno mone te benkba muai meniwe? Nago te eno mone te benkba mugi sogo da, teda ena ma asobode te ena nai dali te gasa ugwadu daganani nai te profit mone dali sigi da.

Matyu 25:27 Referans Kwoze

Jutgo Asęani Pas 1:15

Tama aselama, tama agai te we bidi tigidali osola sueibao. Tama osola sulama, agai augwaligo aga tudiba muani bidi tebolo augwaligo sęgę hania ola mawaibao. Tama augwaligo Godigo po oda tagalama te dwai sę eyu, tama te God tagalali bagego dwai sesena pai nogi posobo po agade odu geai. Tama te yali sę tigidali me, te wali dwai po tigidali me wei ponoyu, tama Godigo augwali dene mawaibao,” te bidi Inok agai te po polobadu wai.

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

Matyu 25:26

“Tiali goli aga genuai bidigo po agabolo wei ponoyu, te po wai, ‘Nage dwai sę bidi dao. Nage sę hagela ebo bidi. Ma, nago bugagia koneani eno te nai ge bulasiąwai goli, te nai siyu, tama gasa bidigo tǫde telawai nai sabo te nago konebo dao.

Matyu 25:28

Tialima, dagego te mone 1,000 kina te bidi agade selama, te mone 10,000 kina munalubo bidibolo mao.