Matyu 25:18 - Godigo dwagi yai po buku

¹⁸ Tiali goli te bidigo te mone 1,000 kina sali bidi aga pelama, tama agai te tǫ dedage dogolama, tama aga genuai bidigo mani mone te dedagede geme dualigi pai.”

Matyu 25:18 Referans Kwoze

2 Pita 1:8

Tama te tobage homu kolesaga dagego elaluyu, geneniyu da, teda dagego dago Genuai Bidi Jisas Krais bugagia kuna mu koneyu, tama wiegi yai du walaibao.

Hibru 6:12

Dage sę ebo hagela egimio. Menio. Bidi meba augwaligo te Godide konealubo po dąų mu weyu, te hagela homu polo isiąbo bidi dabe bidibao. Tama tiyu, tama te polobadu Godigo te aga wai dabe augwalibolo mawaibao wali nai tigidali te tobage bugagia tonalubo bidi dabego sabo dao. Dagego augwaligo ebo dwagi yai kolesaga wali piąo.

Dwagi Yai Gesi Po Lukgo Asęani 19:20

“Te nosali bidi asiyu, te po wai, ‘Genuai bidi, nago enabolo mani mone e dao. E masigi eno ugwade tomogolama, bugagia muani. Magi baso meni.

Malakai 1:10

Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.

Bugagia Bidibo Kolesagade Po Asęai Buku 18:9

Hagela bidi da, te doado bage dabe dolobo bidi tiwai tobage bidi dao.

Matyu 25:17

Tama te 2,000 kina sali bidigo, agai me te monede bisnis sę elama, tama gasa mone 2,000 kina te moneba ugwadu daganama sai.

Matyu 25:19

“Bobobage sogo bidada pai madi, tama nosali te sę bidi dabe augwa genuai bidi ma asai. Tama agai augwalibolo te mani mone po dodolainogo yai.