Matyu 24:51 - Godigo dwagi yai po buku

⁵¹ Tama ma aselama, te genuai bidigo te sę bidi mu dolama, tama agai aga te tibo po wabo bidi dabe dali te dwai buluba munama bidaibao. Tede te augwali dwai gela weyu, tama augwa kele halua tuyu bidaibao,” Jisasgo te po wai.

Matyu 24:51 Referans Kwoze

Matyu 8:12

Tiali goli, Godigo hasia bolo te dwai tigi dene sabo buluba muabo sa muani we bidi augwali da, te augwaligo te bulu badu te be hulia sai dwai madigi sela sąwaibao. Tede augwali dwai gela weyu, tama augwa kele ma halua tueibao.”

Dwagi Yai Gesi Po Lukgo Asęani 12:46

me sogo te sę ebo bidi agai gegeda pelama, te agai konesąbo sogo me, te genuai bidi asama, te genuai bidigo te sę ebo bidi hwągo todogolama, denelege milama, muaibao. Tama agai te bidi te po odisąbo bidigo pesageba muaiba.”

Matyu 22:13

Tama te tuni bidigo aga sę ebo bidi dabe augwalibolo te po wai, ‘Dagego aga nogo sągą dunama, te bedu buluba sąnama, tama te be hulia side digibulu bidimainao. Te be hulia side aga dwai gela weyu, tama aga kele ma halua tumainu yaibao,’ te tuni bidigo te po wali,” Jisasgo te po wai.

Aisaia 33:14

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Dwagi Yai Gesi Po Lukgo Asęani 13:28

Tama olama, dage tede bidiyu, te polobadu bidali bidi dabe te Abraham me, Aisak me, Jekop me, te Godigo po ola mabo profet bidi dabe me, augwali tigidali Godigo we bidi tonalubo madigi tomode bidibo dagego sueibao. Tiali goli, dage te bulu badu bidaibao. Dage bulu badu bidibaso, dage hwa waibao, duga kele gąųgo ma halua tueibao, te duga sębę ebaso tieibao.

Matyu 25:30

Tama e dwai olo bidi, dagego aga te be hulia si madi buluba sela sąyao. Tama tede augwali dwai gela weyu, tama augwa kele ma halua tueibao,’ te genuai bidigo te po wali,” Jisasgo te po wai.

Jopgo Po Asęani Elalubo Buku 20:29

Godigo te dwai sę ebo bidi dabego te dwai sęgę somainu dąį ilai dao. Awe, augwali te silibo tiwai emainu tiwai dao,” Sofargo te po wali.

Jeremaia 13:25

Ena Genuai Bidi, eno te sę dabe nageba pedalumainogo dąį ilali, magi baso meni, nago enaba konealubo homu tagalama, te nago konealubo homu te tibo god dabeba mubo dao.

Matyu 24:50

Tama te sę bidi aga genuai bidi ma asabo sogo sisi isąbadi, tama me sogo agai te bodolu konesiąbo sogo te aga genuai bidi ma asaibao.