Matyu 24:49 - Godigo dwagi yai po buku

⁴⁹ tama agai aga dali deli sę ebo bidi dabe augwali elibo sę gagalaibao, tama agai te nai me te wę me te bomai ąį tubo bidi augwali dali te ąį tubo sę gagalaibao.

Matyu 24:49 Referans Kwoze

Kraisgo Geme Dualali Sę Pedelabo Po Jonbolo Ola Mani 17:6

Tama te we agai te Godigo po wali pabo we bidi augwali dali te Jisasde homu kęą pai we bidi dali augwali te wego ela munama, tama eno suali te wego augwali kaneme tulama te kolesaga meni yai bidi tiwai aga yai. Eno te sulama, ena noma mu siyu, tama eno homu hauwa mu yai.

Kraisgo Geme Dualali Sę Pedelabo Po Jonbolo Ola Mani 16:6

Te dwai sę ebo bidi dabe augwaligo te nago po odobo we bidi augwali dali, te nago po pusubo bidi dabe dali ela muyu, tama augwaligo kaneme gea sąwai dao. Tama nago te dwai bidi dabe augwalibolo kaneme mayu, tama augwa te kaneme tumainao. Augwaligo augwa te dwai sę yalide dolo mu te dene sabo dao,” te po te ąį tonalubo ensel bidigo wai.

Matyu 7:15

“Te tibo lotu po ola mabo po wabo bage augwali asidali weyu bugagia suao. Augwali dageba asobo si, te augwali kibu sipsip tiwai asaibao, te augwali dwai sę isąbo bage tiwai augwaligo dagede dwai sę yabo homu geme dualama, tama augwali dageba asaibao. Tiali goli, augwaligo homude dage mu dolabo homu kolesaga ebo dao, te dwai bulu yowi tiwai dao.

Maika 3:5

Te tibo profet mebago te bidi dabego augwaligo mone momainu, te dąų wabo po waibao, te augwa wiegi yai sogo elalubaso tibo dao, tiali goli te augwaligo te augwali tibo po ola mawai. Tialima, te augwaligo augwali mone masiąbaso da, teda te profet dabego augwali wi iliyu, te boi bidi dabego augwali dali hwįagasaibao po waibao. Tama tibaso, Genuai Bidigo te tiwai po te profet dabeba obao,

Kraisgo Geme Dualali Sę Pedelabo Po Jonbolo Ola Mani 13:7

Tama Godigo aga sula tagaliyu ebaso, tama agai te Godigo we bidi dali wąbi hwįyu, tama augwali bomo aiyaba elaluai. Tama tiyu, aga te tigidali bidi hani tuni bidi bidainogo eyu, te tigidali tǫde me, te tigidali po wabo me, te tigidali haniani tigi yai bidi dabego tuni bidi aga bidainogo Godigo aga tama osogo sula tagalali.

Jutgo Asęani Pas 1:12

Te dage deliba sisinama, tama ‘Da deli hani dao,’ te homu eyu, dagego nai tubo dao. Awe, tiali goli te tibo po ola mabo bage augwali me te nai tubo madiba aselama, tama augwaligo dagego ebo kolesaga dolobo dao. Augwali te gudubo ugwa dwai meda ilibo nai tiwai dao. Augwaligo dage dali nai tubadi, te augwali wi isąyu tama augwa hasi naga kisasa bidiyu, tama te nai tubode gasa we bidi tau sisąyu, augwaligo te nai subigila tuyu ebo dao. Augwali te tulubage tulisiąwai pǫ tiwai dao, tama waligo augwali pona palobaso tedela pabo dao. Tama augwali te ni aga du walobo sogo walisiąwai ebo, te tobage ni tiwai dao. Tama augwali te page sasia pai ni tiwai dao, te bidigo te ni page guda sąwai. Tama augwali te tiwai bidiyu, du walobeo, we bidi tau sabo sę dwagi yai ebo menio.

1 Pita 5:3

Tama kolesaga hagoma elama, tama dwai homu eyu te Godigo dagego nogoba muani we bidi tama tonalugio. Woo, te dage te dwagi yai sę ebo tųdu polasa pao, te augwali dage wali asomainu, te kibu sipsip augwali te augwali tonalubo bidi wali pomainogo aga polasa pabo tiwai gilama yao.

Filipai 3:19

Augwa tigigo tuabo nai dabe, te nai sabo homu naga augwaligo eyu, tama te kolesaga wali pabo dao. Te sabo nai dabe augwaligo tibo god tiwai mu dao. Augwaligo dwai haniani hale ebo kolesaga ebo dao. Tiali goli augwali tede hale menio, tede augwaligo dwagi yai homu eyu, tama augwa nogi ugwaba sabo dao. Tama augwaligo e tǫde elalubo naide naga homugo dąų olama tama bidibo dao. Tama augwaligo te tobage kolesaga ebaso, augwali mu dolaibao, te dwai buluba paibao.

2 Korin 11:20

Awe, te bidigo dage te aga dologoba mubaso, ma agai dagego nai tigidali silibaso, ma agai dage dali hagoma ebaso, ma agai dage gesabidide elibaso da, teda agai tama temainogo te dagego gogolobo dao, po meni!

Polgo Po Pas Rom Dabeba Asęani 16:18

Magi baso meni, te tobage bidi dabe augwaligo te dago Genuai Bidi Kraisde sę me ebeo. Menio. Te augwaligo augwa tigigo digi ebo kolesaga naga wali pabo dao. Tama pusu ebo po me tama te bidi homu begasa pabo tibo pogo augwaligo te dwai sęde konesiąbo we bidi dabe homuba tibo po ola menama, tama te bidi dabe augwaligo homugo te dwai kolesaga da homu me isąwaibao.

Esekiel 34:3

Dagego te sipsip ame pę tuyu, te augwaligo sipsip kibu nisigo nigai gudubo ugwa gudubo dao, tama dagego wiegi yai tumona pai sipsip kibu elama, te ili dali mi dali tubo dao. Tiali goli, dagego te sipsip kibu tonalubo menio.

Aisaia 66:5

“Dage te wi elama, te Genuai Bidi, eno po dologoba asobo hani dabe, dagego te megi eno dageba pusainu ebo po odao. Dage ena wali asobo bomo yai, tama te duga deli hani dabego te dage godolu mu me isąma, te augwaligo dage tudiba muai. Te augwaligo dageba posobo po weyu, dageba te tiwai po wali, ‘Te Genuai Bidi aga genuai bomo dali asomainu eyu, te dage pemene ilimainao, te tebo dago sueibao.’ Tialima, eno te po obao, te dagego augwali dwai hale mu sabo sueibao, te po wali.

Aisaia 56:12

Te augwali sisinibo sogo, augwali mebago te tiwai po wali, ‘Ae, tegobao, eno te wain ąį selama, te da tųdu pelama, te dena godolo yaliba usu nigi paibao. Te do da wabo sogo, da ma sisinama, te umabo mu ma tueibao,’ wabo dao.”

1 Samuel 2:29

Tama tiali, te magi baso te dagego te ofa dabe eno te Israel dabebolo yao wali sę te magi baso dolobawe? Te nago ogwa sigo te tigidali ofa ebo nai wiegi yai te eno hani bidi dabego enabolo magasobo nai, te augwali sigo tulama, tama augwali si tigi nisalio. Tama nago augwali sigo te tama temainu yali. Tama te kolesagago nago te augwali si nogi ugwaba siyu, tama eno nogi aiyaba elalubao. Magi baso nago te kolesaga ebo dawe?

Bugagia Bidibo Kolesagade Po Asęai Buku 23:20

Nage te wę hauwa me nai hauwa tubo bidi dabe dali hai namu olama, me kisasa biligio.

Matyu 18:28

“Tama te sę tonalubo bidi buluba solama, tama aga te gasa sę tonalubo bidi me deli aga abagi me suali, tama agai te bidibolo negeli polobadu mane pololai masigi nogo si elaluai. Tama agai aga abagi te bidi dogoniba kęą sigi pelama, tama bomo eyu, te bidi poma peyu, tama agai agabolo te po wai, ‘Nago negeli sali mone tigidali wei enabolo ponao.’

Matyu 24:48

Tiali goli, te sę bidi dwai bidi bidibaso da, teda aga homugo digi aga te homu elama, te eno genuai bidi te polo me asogobe da homu eyu,

Matyu 24:50

Tama te sę bidi aga genuai bidi ma asabo sogo sisi isąbadi, tama me sogo agai te bodolu konesiąbo sogo te aga genuai bidi ma asaibao.

Dwagi Yai Gesi Po Jongo Asęani 2:10

Tama asama, agai te bidibolo te po wali, “Tigidali bidigo da, augwaligo dwagi yai bomo ąį wain polo dobabo dao. Tama nosali, augwali bidi dabego te ąį hauwa tulama, tama augwaligo dobo ąǫ yali ąį te dobabo dao. Tiali goli, nago naga dwagi yai ąį wain naga dąų olaluama, tama megi tama nago sela asalio,” agai te po wai.