Matyu 24:41 - Godigo dwagi yai po buku

⁴¹ Tama te we sigo te keli gagawai nai plaua nigibadi, tama Godigo me deli naga saibao, tama me da, tede bidibadi tagalaibao.

Matyu 24:41 Referans Kwoze

Dwagi Yai Gesi Po Lukgo Asęani 17:35

Te sogo ulade me, we si tubo nai sisilubadi yaide, me naga oda siyu, me tagalaibao,” Jisasgo te po wali.

Aisaia 47:2

Te nage olo mu sę ebo we tiwai gilama sę yaibao. Te nago tobolude ugwadu banualuali ugwa nami, me te nago sawi yai ugwa dabe me dagala sąnama, nago te wit halubo masigi dabe hogogo belebo sę yao. Tama nago gudali ugwa sugua selama, te ąį dabe nogwaibao.

Ma Dobola Sali 11:5

‘Tama tigidali Isip bagego gomunai ogwa isa silaibao. Tama tuni bidi, nago gomunai ogwade digi gagalaibao. Te wai agai nage hasegelama, te tuni bidi pedelainogo yali, te ogwa isaibao. Tama tigidali gomunai ogwa te isiyu, tama te olo sę ebo we dabego gomunai ogwa me tigidali isaibao, te nogi meni yai we dabe sibi augwaligo te tubo nai wit te masingo agaga pelama te bret nigibo sę ebo dao. Tama te tigidali bulmakau dabego gomunai wai dabe me isaibao.

Bomai Po 24:6

“Tialima, dagego gasa bidigo dage negeli emainogo tagaliyu da, tama dage agai magi nai me momainogo homu eyu, o te negeli yali nai begelebao homu yabo nai me deli momainogo da, teda dagego agai wit bo palubo te masigi me selamo dao. Tiyu, dagego agai sę ebo nai sela sąyabuo. Tama te bidi aga tuabo nai dola muabo menia sabuo.”

Matyu 24:40

Tama te bidi si gide sę ebadi, tama Godigo me deli naga siyu, tama gasa me da, tede bidibadi tagalaibao.