Matyu 24:30 - Godigo dwagi yai po buku

³⁰ Te tebo sogo te Godigo Bidi Mugo dąį te dagalude pedelaibao, tama te tǫde we bidi hani tigidali augwali augwa nogo pagasa moni gela waibao. Tama augwaligo te Godigo Bidi Mu te dagalu pǫ daide ugwadu dualasa asobo sueibao, tama aga genuai bomo me genuai ula dali dulaibao.

Matyu 24:30 Referans Kwoze

Kraisgo Geme Dualali Sę Pedelabo Po Jonbolo Ola Mani 1:7

Suao, Krais aga te dagalu pǫ me tomodu tiąba asaibao, tama tigidali bidi augwa digi gedugo aga te pǫ tomodu tiąba asobo sueibao. Tama te aga tigide enani bidi dabe augwaligo me sueibao. Tama tigidali tǫde we bidi augwaligo aga asobode homu eyu, tama agai augwalibolo dene wei ponaibao homu elama, tama augwali homu sęgę eyu gela waibao. Awe, te tama tiaibao. Mu tama dao.

Daniel 7:13

Eno te hulide yali nade, eno te bidi me deli te da tǫde bidi tiwai tobage suali. Aga te dagalu pǫ dabe tomode bidiyu, tama ena pąba asali. Tama augwaligo aga te Polobadu Polobadu Bidada Aselama, te Megi Me Bidada Peyu, Bidada Pabo Bidiba sela palio.

Godigo Sęba Tagala Palai Bidigo Po 1:11

Tama augwali sigo te po hanalu wai, “Dage Galili tǫ bidi dabe, dage te ugwaba dagaluba magi baso tonalu dolalubawe? U bidi Jisas, te Godigo dagaluba odasa holali bidi, te bidi ma asaibao, te aga dagaluba pabo yaligia ma asiyu me tiaibao, te dagego tonalubadi megi pabo yaligia tiwai yaibao, ma asobo sogode,” te po wali. Tama te po olama, tega si ma pali.

Matyu 26:64

Jisasgo agabolo te po wali, “Awe, nago po wali ena te tiwai dao. Tiali goli eno dagebolo obao, nosali dagego te Godigo Bidi Mu te Tigidali Bomo Elalubo Godigo dolo nogo badude dualalubo sueibao. Tama aga te ugwadu daide elalubo pǫde bidama asobo, te me dagego sueibao,” wali.

Dwagi Yai Gesi Po Lukgo Asęani 21:27

Tama te ebo sogo ena te Godigo Bidi Mu ena gasa dagalu pǫ medu asaibao, te eno moni bomo dali, moni ula dali asobo augwaligo te sogo sueibao. Te moni ula te giliga sesena pai nanobo tiwai yaibao.

Matyu 24:3

Te aga pelama, tama te dwasianu bulu du Oliv teba sabolama, aga tede dualaluyu, tama aga wali bilibo bidi dabe naga augwali aga pageba aselama, augwaligo te po wai, “Nago dabolo wao, nisu sogo te Moni Lotu Be tempel dolobo sę pedelaibawe? Magi sę bolo hasia pedelama, dago koneai elalubadi, nage ma asiyu e tǫ siligowe?”

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

2 Tesalonaika 1:7

Tama agai dagego megi te tolobo sęgę sela sąnama, tama dage da dali olo bidiyu, toma tuabo sogo menama bidaibao. Agai tebo sogo Genuai Bidi Jisas aga boma pai ensel mobo bidi dabe dali dagalu tagalama, e tǫba asobo te sogo aga moni sia bogoli dali e tǫba asaibao, we bidigo bulu ulade hania sueibao, te aga asobo sogode.

Dwagi Yai Gesi Po Makgo Asęani 13:26

Tama te tebo sogode teda augwaligo te Godigo Bidi Mu te dagalu tomodu te pǫ me deli daide ugwadu dualasa asobo sueibao, te aga genuai bomo me genuai wiegi yai ula elalubadi te asaibao.

Dwagi Yai Gesi Po Lukgo Asęani 22:69

“Tiali goli, megi me, tigidali sogo nosali me, te Godigo Bidi Mu te bomo tigidali elalubo Godigo dolo nogo badu bidaibao, polalubo bidi bidabo madide. Ena da te Godigo Bidi Mu dao,” Jisasgo te po wai.

Dwagi Yai Gesi Po Makgo Asęani 13:4

“Nago dabolo wao, nisu sogo te sęgę te Moni Lotu Be tempelba pedalugowe? Mena dąį bolo hasia pedalubo si, tama dago koneai elalubadi, megi da te sę dabe te pąde pedalaiba homu elalugowe?”

Sekaraia 12:11

Te sogode te Jerusalemde genuai gela u mu waibao, te bidi dabego te tǫ malu dolo bulu te Megido pesagede te tibo god Hadatrimon dolaide te homu dene eyu gela usu mabo tiwai yaibao. Te augwali ayago togwali hani sibi deli delide te augwa homu dene ebo gela waibao. Te Devitgo bulali wąį nǫų hani bidi dabe me, te Natango bulali wąį hani dabe me, te Livaigo bulali hani wąį nǫų dabe me, te Simeigo bulali hani wąį nǫų dabe me, te gasa hanigo bulali wąį nǫų hani dabe tigidali me, te gela usu tigidaligo mawaibao. Te bulali wąį hani deli deli te deliba sisinama, te bidi dabe gasa badu bidiyu, te we dabe sibi tedali badu bidalu, tama tigidaligo homu dene ebo gela usu mawaibao, te augwaligo enani bidide,” Genuai Bidigo te po wai.

Matyu 24:37

Te polobadu mu bidali bidi Noa aga tǫde bidali sogo augwaligo yali kolesaga, te kolesaga tiwai naga te Godigo Bidi Mu ma asobo sogode me augwaligo tama tiaibao.

Matyu 24:39

Augwaligo homu kone me isąma, te augwali tama naga bidiba homu yali, tama polo te genuai ąį asiyu, te we bidi tigidali dagalasa pela silali. Te yali tiwai naga te Godigo Bidi Mu ma asobo sogo tiaibao, augwaligo te asabo sogo bodolu konesiąbadi.tama tiaibao

Kraisgo Geme Dualali Sę Pedelabo Po Jonbolo Ola Mani 12:1

Te sogo te dabolo Godigo bomo ola mabo genuai sę me deli te dagalude pedalai, te we bidi noma sabo sę. E tiwai. We me deli bidai, tama agai tigigo te giliga te ugwa tiwai elama sesela sai. Tama polua agai sągą dologode elaluali. Tama hǫ nogo si olama sągą badu si te agai madi tiwai tobolude munama elaluai.