Matyu 24:27 - Godigo dwagi yai po buku

²⁷ Magi baso meni, te dagalude te be sele ula ebo sogo, te ula te sia ge pedalobo badu pedalama, tama te ula ebogo te sia ge dega saboba me pabo dao. Tama te Godigo Bidi Mu ma asobo sogo te tiwai naga pedelaibao, hania mu pedalaibao,” te po wai.

Matyu 24:27 Referans Kwoze

2 Pita 3:4

Tama aga menade bidibawe? Aga asobeo. Tama te dago wąį dabe isali sogo tama dąį elama megi tama bidada asobo sogo, te tigidali nai Godigo nigali sogo, te tiwai polobadu elaluai dao, hasegelebeo,” augwaligo te tobage po waibao.

Jems 5:8

Dagego me tama duga homu kolesaga dąų olama, te tigidali haniani sęgę tolao. Tama te Genuai Bidi ma asobo sogo te pąba yagasobao. Tama tibaso, dwagi yai homu eyu, dagego homu kolesaga dąų olama tonaluyu bidao.

Malakai 3:2

Tiali goli, Genuai Bidi aga asobo sogo, dego te po tų ebo ugwaba ela holobo usu egowe? Aga te pepeli diliba pedalubo sogo, de te me hagagobewe? Aga te sia posolo mu elasa asobo tiwai eyu, te silva me gol hogomu pobele bage sela sąbo tiwai yaibao. Tama aga te meda yai ugwa te sop dali wę dali sigo telabo tiwai yaibao, te meda mu sela sąwaibao.

Sekaraia 9:14

Te Genuai Bidi aga we bidi augwali daiba ugadu hanilama pedelaibao, tama agai enesigi kekelama togolaibao, te agai enani ene dabe te be selego ula ebo tiwai yaibao. Tama God Genuai Bidigo te bu wabo nai biugel bu wabo si, te aga bomonama soyu, te aga bidali pesage saut badu tagalama, te wali dali tulubage si tomodu asaibao.

Matyu 24:39

Augwaligo homu kone me isąma, te augwali tama naga bidiba homu yali, tama polo te genuai ąį asiyu, te we bidi tigidali dagalasa pela silali. Te yali tiwai naga te Godigo Bidi Mu ma asobo sogo tiaibao, augwaligo te asabo sogo bodolu konesiąbadi.tama tiaibao

Matyu 24:37

Te polobadu mu bidali bidi Noa aga tǫde bidali sogo augwaligo yali kolesaga, te kolesaga tiwai naga te Godigo Bidi Mu ma asobo sogode me augwaligo tama tiaibao.

Matyu 16:28

Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.

Malakai 4:5

“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.

Aisaia 30:30

Genuai Bidigo bomonama mu hae olama, tama agai bomonama i hae wabo aga we bidi tigidaligo odama, augwaligo agai sębę ebo mobo augwaligo tigide dolomainu yaibao. Aga te moni bomai isi te tigidali nai dabe dabo isi, me moni genuai tulubage, me wali, me talua ge tulubage dali, tama aga asaibao. Tama te be kulu obaso, te tigidali we bidigo agai sębę ebo sueibao.

Jopgo Po Asęani Elalubo Buku 37:3

Agai te be sele tigidali buluba pelama, te tǫ sabi simanigi paliba usu nigi pomainu ebo dao.

Matyu 24:3

Te aga pelama, tama te dwasianu bulu du Oliv teba sabolama, aga tede dualaluyu, tama aga wali bilibo bidi dabe naga augwali aga pageba aselama, augwaligo te po wai, “Nago dabolo wao, nisu sogo te Moni Lotu Be tempel dolobo sę pedelaibawe? Magi sę bolo hasia pedelama, dago koneai elalubadi, nage ma asiyu e tǫ siligowe?”

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Jopgo Po Asęani Elalubo Buku 38:35

Tama nago te be selebolo nago gasa madi me pao wabo si da, teda te be sele ulago nagebolo e tama po waibao, ‘Eno nago sę yabo naga eno tonalubao,’ po waibao, agawe?

Esekiel 1:14

Tama te me si me si bidi tiwai nai dabe te polo asesa iba peyu, eda asu yalio, te be selego ula tiwai yai dao.

Matyu 16:27

Magi baso meni. Nosali Godigo Bidi Mu te aga Ayago genuai bomo me, ula me dali, te ensel mobo bidi dabe dali hodobo si asaibao. Te sogo te agai tigidali we bidigo yali kolesaga usu nama wei ponaibao.

Matyu 24:26

Tama tibaso, augwaligo dagebolo te po waibao, ‘Suao, aga u badu te bidi meni yai madi bidibao,’ obaso da, te dage te badu me sugi pelamuo. Ma, augwaligo te po waibao, ‘Suao, aga te be tomode geme dualalubao,’ obaso da, te dagego te poba homu dąų me olamu dao.

Matyu 24:44

Tama tibaso, dage me sisi elaluao. Te Godigo Bidi Mu te me sogo dagego homugo konesiąbo sogo te aga asaibao,” Jisasgo te po wai.