Matyu 24:26 - Godigo dwagi yai po buku

²⁶ Tama tibaso, augwaligo dagebolo te po waibao, ‘Suao, aga u badu te bidi meni yai madi bidibao,’ obaso da, te dage te badu me sugi pelamuo. Ma, augwaligo te po waibao, ‘Suao, aga te be tomode geme dualalubao,’ obaso da, te dagego te poba homu dąų me olamu dao.

Matyu 24:26 Referans Kwoze

Aisaia 40:3

Odao. Bidi me deligo te tiwai i wali, “Te Genuai Bidigo sunumi te wa pai bulu tǫ pesagede dodolao,” wali. “Te bulude dena Godigo genuai sunumi pebeli diliba ilao.

Godigo Sęba Tagala Palai Bidigo Po 21:38

“Eno homugo nage Isip bidi dao, te homu yali. Te bidi agai polobadu umabo we bidi homu hodolama, dago gavman bidigo po sela sąwai dao. Tama augwaligo te gavman bidigo po wali pabo we bidi me elai hagede yai. Te bidi agai umabo 4,000 we bidi selama, te bidi meni yai wa pai buluba pai dao. Eno homugo nage te bidi yaliwe homu yai dao,” te po wai.

Matyu 3:1

Te nosali augwali te Nasaret hanude bididubadi te Jon, te baptais mabo bidi aga pedelai. Aga te Judia tǫ tomode te bidi meni yai bulude bidali, tama agai te po augwalibolo pusali,

Matyu 24:25

Odiąo, te sę pedelasiąbadi eno dagebolo te po hasia bolo wai dao.

Matyu 24:27

Magi baso meni, te dagalude te be sele ula ebo sogo, te ula te sia ge pedalobo badu pedalama, tama te ula ebogo te sia ge dega saboba me pabo dao. Tama te Godigo Bidi Mu ma asobo sogo te tiwai naga pedelaibao, hania mu pedalaibao,” te po wai.