Matyu 24:15 - Godigo dwagi yai po buku

¹⁵ Jisasgo te po me wai, “Te polobadu bidali bidi Daniel agai Godigo po pusuyu, te dolobo gasa dwai naide po pusali, polobadu. Tama dagego te dwai nai te magi dwai sę isąwai wiegi yai bulude bidibo sueibao. (Bidigo te po nedebaso da, agai homugo bugagia koneao.)

Matyu 24:15 Referans Kwoze

Daniel 9:27

Te kingo te dąų wabo bomai po te hauwa we bidi dali eyu, te agai po augwaligo wali pomainu yaibao. Tama te dąų wali po kontrak te elalua pidubadi, te kibu be a naga olama, me si teba usu naibao. Tama nosali te sela kibu be, me te kibu be pedai me badu siminigi pabo si da, teda agai te we bidi dabego te Godiba ebo tobage ofa tigidali te paliaibao. Tama te king bidi agai te dwai nai mu me deli te Godigo be pedu daide ugwadu munama, tama te doado bage me nai dabe dolabo dwai nai tede munaluyu, te Godigo te king dolabo sogo bodoluba usu nagasaibao,” ensel Gebrielgo te po wai dao.

Daniel 12:11

“Te boi bidi dabego te Israel dabeba te Godibolo tigidali sogo ofa ebo kolesaga tagala weyu, tama augwa te doado bage me nai dabe dolabo dwai nai mu te Godigo be tomode dodolobo side gagalama, tama te 1,290 bodolu sogo wali te siligi pomainao,” walio.

Dwagi Yai Gesi Po Makgo Asęani 13:14

“Tama te bulu dolabo dwai dwai nai mu dagego sueibao. Aga da, te habu selai elalubo bulu te badu doligi soaibao.” (Te po nedebo bidi agai homude bugagia kone palao.) “Tama te sę ebo sogode te Judia tǫ pedai badu bidibo we bidi augwali te bulu duba wi pelawaibao.

Dwagi Yai Gesi Po Lukgo Asęani 21:20

Te Jisasgo te po me wai, “Te nosali dagego te ami bidi dabego Jerusalem be nani bagulibo maga dagego subaso, teda te Jerusalem hanu dolabo sogo pąba yagasali, te dagego koneaibao.

Daniel 11:31

Te agai ami bidi mebago te Godigo be te God gedude meda ilaibao. Tama te Israel dabego te Godiba tigidali sogo ofa ebo te habu selaibao, tama augwaligo te dwai nai mu te Godigo be tomode dodolai elalueibao,” te po wai.

Kraisgo Geme Dualali Sę Pedelabo Po Jonbolo Ola Mani 1:3

Eno e po asęani, te nosali gana pedalobo sę po dao. Tama e asęani po gasa we bidibolo nedebo bidi, te bidi dwagi yai homu pemene eyu, bugagia bidaibao. Tama aga nedebo po odobo we bidi me, augwaligo te asęani po odama, tama wali pobaso da, teda augwali me dwagi yai homu pemene eyu, bugagia bidaibao. Magi baso meni. Te sę pedalobo sogo pąba yagasai dao.

Dwagi Yai Gesi Po Lukgo Asęani 19:43

Nosali te dwai bidibadi te asaibao. Boi bidi dabe augwaligo e be nani bobegelaibao, dage wi pidali weyu. Augwaligo te be nani moni obode te tǫ hauwa diganama, te tǫ hobolu badu dagana saibao. Tigidali badu bobegelaibao.

Daniel 9:23

Daniel, Godigo nage godolo mu ebao. Tama nago gedu haluasa po wabo gagalubo sogo, agai te po me deli pusali, te eno nageba magasu asali. Megi te nago olo bugagia munaluao, tama eno nago te nedali po page pusaibao,” ensel bidi Gebrielgo te po wai.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Hibru 2:1

Te Godigo Ogwago genuai nogigo te ensel mobo bidi dabego nogi aiyaba elalualigo da, teda dago te dago odali mu po tagalaidali weyu, dago ma bomonama tama te odali po homugo bugagia dąų ola sao.

Godigo Sęba Tagala Palai Bidigo Po 6:13

Stivende tibo po wabo bidi dabe me augwali dolaluagasali. Augwaligo te po wai, “Tigidali sogo te bidigo dwai po wabo bidi dao. Agai da dago dwagi yai Moni Lotu Be tempel dolobo dao, Mosesgo dwagi yai bomo yai po dolobo dao.

Kraisgo Geme Dualali Sę Pedelabo Po Jonbolo Ola Mani 3:22

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te eno suali bidigo enabolo wai.

Godigo Sęba Tagala Palai Bidigo Po 21:28

Tama augwaligo Pol te Jerusalem be nani tomode Efesus bidi deli dali bilibo polobadu suali, te bidi agai nogi Trofimus, te Israel hani isąwai bidi. Tama augwaligo homugo Polgo te odasa asali bidi Israel hani meni homu yali, aga te Moni Lotu Be tomoba asali, tama te be dolali, augwaligo te geda mubo homu yali. Tama sulama, augwaligo i tama wali, “Hai, dage Israel bidi dabe, asiąo, da tau sagasiąo. Dago koneani. Bidi me deli agai tigidali bulude bidibo we bidi dabebolo po ola mabo, te dago hani nogi me, dago bomo yai po me, dago Moni Lotu Be tempel me agai aiyaba elalubo da. Nogo tuyu, te tibo bidi e dao. Suiąo. Megi dagego aga suao. Agai dwai kolesaga mu yali, Israel hani isąwai bidi dago dwagi yai Moni Lotu Be tomoba odasa asalio. Te dwali. Tama tibaso, megi Pol agai dago Moni Lotu Be tempel dolalio, te be megi da te Godigo gedude dwagi yai mu menio,” augwaligo te po wali.

Esekiel 40:4

Tialima, te bidigo enabolo e tama po walali, “Tǫde bidi, eno nagebolo waselainu ebo nai dabeba bugagia mu tonaluao. Me nago odainu ebo poba bugagia olo saganama odao. Magi baso meni. Godigo nage odasa asali, te nagebolo eno te nai dabe ola momainu, tama nosali nago Israel dabebolo eno te pusa mani po pusao,” te bidigo enabolo te po wali.

Dwagi Yai Gesi Po Jongo Asęani 11:48

Tama tibaso, dago aga gogolama, agai te sę me ela peyu da, tigidali we bidigo agabolo homu munama, tama augwali aga wali paibao. Tama tiyu da, te da tonalubo Rom gavman bagego te ebo sę sulama, sębę elama, tama dago Moni Lotu Be tempel dali, da bidi hani dali, augwaligo dolagasaibao,” Juda bagego te po wai.

Jeremaia 44:29

“‘Ena Genuai Bidi, eno po dolo obao, te eno dagebolo te nai me delide te tiwai ola mawaibao, te eno dene mabo sę dage te bulude bidibo sogo yaibao. Te sę ebo dagego suyu da, teda duga koneaibao, eno me geda mugobeo. Menio. Te eno po wali gilama, eno te dene mabo sę dageba yaibao.

Daniel 1:6

Te Juda hani gesi ogwa bidi dabe tomode te Aspenasgo te bidi me si me si sai elaluai. Augwa nogi e tiwai, Daniel, me Hanania, me Misael, me Asaria dao.

Matyu 24:16

Tama te sę pedelabo sogo te Judia tǫde bidibo we bidi augwali te bulu duba wi pao.