Matyu 24:1 - Godigo dwagi yai po buku

¹ Jisasgo te Moni Lotu Be tempel tagalama pobadi, tama aga wali pabo bidi dabe augwali aga pageba asai. Augwaligo te tempel bego haniani be dabe agabolo ola mawainu yai.

Matyu 24:1 Referans Kwoze

Esekiel 8:6

Godigo enabolo te tiwai po walio, “Tǫde bidio, nago te Israel we bidi augwaligo dwai kolesaga ebo suao. Te tebo kolesagade augwaligo ena te eno bede ela gudulama, te ena augwalide digibulu bidabo sę ilibao. Te nosali nago augwaligo te gasa dwai kolesaga mu ebo sueibao, te nago megi subo dwai kolesaga te aiyaba mu elalueibao,” te po wai dao.

Matyu 23:39

Awe, eno dagebolo obao, te dagego ena ma sugobeo, tama bidama nosali sogo usu nigi pelama, tama te sogo dagego te po enade waibao, ‘Dago homugo te Godigo te Genuai Bidigo nogide asali bidi dali wiegi yai sę yao,’ dagego te po waibao,” Jisasgo te po wai.

Jeremaia 6:8

Jerusalem, nago po odao. Te meni baso da, te eno nage tudiba muaibao. Te eno nage te olo bulu pesage tiwai pedalumainu ilama, te nagede bidi deli me bidibo usu egobeo,” wali.

Dwagi Yai Gesi Po Jongo Asęani 2:20

Tama Juda bage augwaligo te po wai, “Te tempel Moni Lotu Be sę yani kibu be bidi sese si olama, tama a naga olama, me badu nogo deli badu kibu be te be sę yai dao,” te po wai. “Tama dago te be hųgilama, tama sela sogo nago te be polo me sę yaibawe? Woo, nage usu egobeo,” te po Jisas dali wai.

Matyu 21:23

Te Jisas te Juda dabego Moni Lotu Be tempel tomoba pelama, te wiegi yai po te we bidibolo ola maduai. Tama te genuai pris bidi dabe dali, te Juda bagego tobolu bidi dabe augwali dali agaba aselama, tama te po wai, “Nago magi bomo elaluyu, nago naga ebo sę ebawe? Tama dego te bomo nagebolo mayu te sę yao weyu yaliwe?”

Hosea 9:12

“Tiali goli, te mebago wai elalubaso da, teda te wai dabe eno ela mueibao, tama eno te me deli sula tagalama, elalumainu me egobeo. Eno te we bidi tagalobo sogo, te dwai nai haniani augwaliba pedelaibao,” Genuai Bidigo te po wai dao.

Jeremaia 51:61

Tialima, Jeremaiago Seraiabolo e tiwai po wai, “Nage te Babilonba sabalobo sogo, nago te po tigidali te we bidiba nedao,” wali.