Matyu 23:8 - Godigo dwagi yai po buku

⁸ “Tiali goli, te bidi dabe augwaligo dage nogi eyu, ‘Tisa, po ola mabo bidi da’ olamuo. Menio. Te bidi me deli naga te aga dagego te po ola mabo bidi dao, tama dage tigidali te ama dede ama dede naga bidibo dao.

Matyu 23:8 Referans Kwoze

Jems 3:1

Eno ama dedeo, dage tomode Godigo po ola mabo bidi hauwago te po ola magio, bidi si sela naga usu yaibao. Dago konebo dao, nosali Godigo agai we bidi dagalobo sogode, agai da te po ola mabo bidi dabe agai da bugagia dagalama, osola sueibao. Tama dago dena sę bugagia esiąyu da, teda agai dabolo sęgę mawaibao. Tiali goli te sogo agai po odali gasa we bidi te agai dua digi augwali bugagia dagalama osola sueibao.

1 Pita 5:3

Tama kolesaga hagoma elama, tama dwai homu eyu te Godigo dagego nogoba muani we bidi tama tonalugio. Woo, te dage te dwagi yai sę ebo tųdu polasa pao, te augwali dage wali asomainu, te kibu sipsip augwali te augwali tonalubo bidi wali pomainogo aga polasa pabo tiwai gilama yao.

Dwagi Yai Gesi Po Lukgo Asęani 22:32

Satango te sę yainogo yai digi, eno nage tau sainogo, God hanalu wali, ‘Saimon tau sao. Agai homu kolesaga tigidali nageba mubo sę tagalidali weyu, nago Saimon tau sao.’ Tama Saimon, nosali nage begasa, ma aselama, tama nago naga ama dabe bomo mayu dąų walao,” Jisasgo te po wai.

Matyu 23:10

Tama augwaligo dagebolo nogi nogi eyu ‘Tobolu bidi’ po me olamuo. Dagego tobolu bidi deli bidibao, aga te sa muani bidi Krais dao.

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Kraisgo Geme Dualali Sę Pedelabo Po Jonbolo Ola Mani 1:9

Ena Jon, ena duga ama dao. Ena dage dali hodobo te Jisasde wadolama, tama da deli hani elalubaso, tama gasa bage augwaligo dabolo dene dali, sęgę dali mayu elama, tama da tigidali hodobo bomo elama dolaluyu, sęgę bugagia tolobo dao. Tama ena Godigo we bidi tonalubo sę tomode dage dali hodobo bidibao. Tama eno te we bidi dabebolo Godigo po dali, te Jisasgo hania hanilali mu po dali, te po si augwalibolo pusubaso augwaligo ena sela sąnama, ena te tamu ąį tomode elalubo dwasianu tǫ nogi Patmos teba kalabus mugi pali dao.

Kraisgo Geme Dualali Sę Pedelabo Po Jonbolo Ola Mani 22:9

Tiali goli agai enabolo te po wali, “Nago tama tigio! Ena nage dali me, e naga ama dede dali, da deli sę naga ebo dao, augwali te Godigo po ola mabo bidi dabe dao. Tama ena e bukude po wali pabo tigidali bidigo deli sę ebo bidi dao. Nago lotu po God deli dali naga wao,” te ensel bidigo te po wai.

Kraisgo Geme Dualali Sę Pedelabo Po Jonbolo Ola Mani 19:10

Tialima, ena te ensel mobo bidi sągą pąba kidu sugunama, tama eno gesabidi tǫba munama, tama eno aga dali lotu po wabo homu yai. Tiali goli agai enabolo te po wai, “Nago tama tigio! Ena nage dali, nago ama dede dali deli sę ebo bidi dao. Dagego konealubo po Jisasde dąų olama, agai nogi haninama pusubo dao. Nago God deli dali naga lotu po wao. Te Jisasde gasa bidibolo po pusubo we bidi, te Godigo Mobo Bidi agai augwali homu hodolama, tama augwaligo te po pusubo dao. Te Mobo Bidigo te tobage sę naga te Godigo nosali yabo sę po pusubo bidi dali me ebo dao,” agai te po wai.

Efesus 3:15

Tama da tigidali dagalude me tǫde bidibo we bidi hani da wiegi yai bomo dali bidabo ula me te God Aya aga nogode sabo dao.

2 Korin 4:5

Dago denade po te we bidibolo me pusugobeo. Mu menio. Dago e tiwai po pusubo dao: “Te Krais Jisas aga dago Genuai Bidi dao, tama Jisas tobade da te dagego sę ebo bidi bidibao,” te tiwai po pusubo dao.

2 Korin 1:24

Te dagego Kraisde konealubo po dąų olama, agaba homu tialubo te dago tonalubo tiwai me egobeo. Menio. Te agaba tialubo kolesagade dage bomo elama dolalubao. Tama dago sę dage dali eyu te dagego wiegi yai homu pemene ebo te pedalomainogo tebo dao.

Matyu 26:49

Tama aga polo Jisas pageba dolo aselama, tama te po wali, “Hulide dao, po ola mabo bidio.” Tama agai aga dali gesabi sebedi usu sagasai.

Matyu 10:25

Tama te skul ogomanigo te aga tisago ebo kolesaga tiwai ebo usu ebaso da, te usu dao. Tama te sę ebo bidigo aga tonalubo bidigo kolesaga tiwai ebo usu ebo si da, teda te me usu dao. Te augwaligo te nogi posobo po weyu, ‘Nage te dwai haubo bidigo tobolu bidi Belsebul dao’ po te hani tobolu bidibolo obaso da, teda dago koneao, te augwaligo dwai dwai nogi weyu posobo po wabo te aga dali bede bidibo bagebolo mu waibao,” Jisasgo te po wai.

Matyu 23:7

Augwaligo te we bidi dabego augwali te bidi sisinama bidibo madi tomode te augwalibolo te we bidigo siade da wabo godolo elama, tama augwaligo augwalibolo nogi weyu, te po ola mabo bidi eno tisa da po wabo godolo ebo dao.”

Matyu 26:25

Judas aga te boi bidi nogoba mani bidi, agai po wei ponoyu, te po wai, “Po ola mabo bidi, ma ena dawe?” Jisasgo agabolo te po wai, “Awe, nago te tiwai po obao.” Jisasgo te po wai.

Dwagi Yai Gesi Po Makgo Asęani 9:5

Pitago te sulama, tama agai Jisasbolo weyu, te po wai, “Tisa, po ola mabo bidi, da ede bidibo, te wiegi yai ebao. Dago te bola yano be sela sę yainogo, te me deli nago, te me deli Mosesgo, te me deli Elaijago dao,” Pitago te po wai.

Dwagi Yai Gesi Po Makgo Asęani 10:51

Tama Jisasgo agabolo te po wali, “Nago homugo te eno magi sę nagebolo emainuwe?” Tama te gedu widai bidigo agabolo te po wai, “Tisa bidi, te ena gedu ma pedelimainu elama, bulu ula ma suainogo yai.”

Dwagi Yai Gesi Po Makgo Asęani 11:21

Pitago tede homugo ma kone palama, tama agai te po wai, “Tisa bidi, suao. Te do sogode nago te ni kaya dolaiba po wai. Megi te aga sasia pali dao,” Pitago te po wai.

Dwagi Yai Gesi Po Makgo Asęani 14:45

Tialima, Judas aga sabolama, tama Jisasba polo pelama, tama te po wai, “Tisa, po ola mabo bidi,” te po wai. Tama agai Jisasba kisa sagaselama, nono nai.

Dwagi Yai Gesi Po Jongo Asęani 1:38

Jisas begelama suali, te bidi sigo aga wali asai. Tama Jisas agai te bidi sibolo te po wai, “Dage sigo magi nai gegebawe?” Tama te bidi sigo te po wai, “Rabai, nage mena bede bidibawe?” Te po Rabai, te page, po ola mabo bidi te page elalubo dao.

Dwagi Yai Gesi Po Jongo Asęani 1:49

Natanielgo Jisasgo po wei begelai, “Po ola mabo bidio, nage Godigo Ogwa dao, nage Israel we bidigo tuni bidi dao.”

Dwagi Yai Gesi Po Jongo Asęani 3:2

Te bidi Jisas bidibo digi hulide aselama, te po wai, “Po ola mabo bidi, dago koneai, Godigo nage e tǫba po ola mabo bidi nigilama, tagala palai. Tibaso da, Godigo bidi me deli dali bidisiąyu da, agai te sę Jisas nago ebo bomai sę tiwai me egobeo,” te bidigo Jisas dali te po wai.

Dwagi Yai Gesi Po Jongo Asęani 3:26

Tama augwali Jon bidibo digi pelama, tama augwaligo Jonbolo te po wai, “Po ola mabo bidio, polobadu nage Jordan pabo ąį u badu bidibadi, nago bidi me dali bidiyu, nago te bidide dwagi yai po wai. Tama megi te bidi agai te we bidi baptais mobao. Agai we bidi baptais mobaso, tama tigidali we bidi augwali te bidi bidibo digi pabo dao,” Jon wali pabo bagego Jon dali te po wai.

Dwagi Yai Gesi Po Jongo Asęani 4:31

Te we bidi dabe augwali asodubadi Jisas wali pabo bidi augwaligo Jisas dali te po wai, “Po ola mabo bidi, nage nai tuao,” wali.

Dwagi Yai Gesi Po Jongo Asęani 6:25

Te we bidi augwaligo Jisas sigi ąį sesege badu gegai. Sulama, tama augwaligo Jisasbolo te po hanalu wai, “Po ola mabo bidi, nage eba nisu asai dawe?” te po wai.

Dwagi Yai Gesi Po Jongo Asęani 9:2

Jisas aga wali pabo bidi augwaligo aga hanalu wai, “Po ola mabo bidi, te bidi dego sęgę selama, aga idago gedu widai ame naniwe? Te bidi aga digi sęgę saliwe, ma aga aya de ida sigo sęgę saliwe?” te po wai.

Dwagi Yai Gesi Po Jongo Asęani 11:8

Aga wali asobo bage augwali noma selama, tama te po wai, “Po ola mabo bidi, polobadu gana Juda bagego nage masigi sąnama elai hagede te homu yai. Nage teba ma pelamuo,” te po wai.

Dwagi Yai Gesi Po Jongo Asęani 20:16

Jisasgo agabolo te po wai, “Mariao.” Tama Maria aga ma begelama, Jisas dali agai Hibru pogo weyu, “Rabonai,” te po wai. Te po page e tama wai, “Po ola mabo bidio,” te po wai.

Filemon 1:16

Tama megi aga te olo sę ebo bidi naga ma egobeo. Menio. Da bidi sela Genuai Bidi Jisasde wadolobaso, te bidi Onesimus aga da te da sigo ama mu dao. Tama megi aga dago ama mu gagawali, dago dwagi yai homu aga dali ebo dao. Te eno digi aga dali te eno ama mu te homu eyu, aga dali wiegi yai homu ebo dao. Me ma, nago eno ebo homu aiyaba elaluyu, tama nago te homu eyu, aga nago sę ebo bidi bidiyu, te me nago ama dao, tama nago aga dali dwagi yai homu elama, godolo mu yao.