Matyu 23:3 - Godigo dwagi yai po buku

³ Tama tibaso, te tigidali po augwaligo dagebolo ola mabo po te dagego odama, wali pao. Tiali goli augwaligo ebo kolesaga, te kolesaga dagego wali pigimio. Menio. Augwaligo po hauwa obadi, tiali goli augwa digi augwaligo te po me wali pabo menio.

Matyu 23:3 Referans Kwoze

Polgo Si Wali Pas Timotiba Asęani - 2TI 3:5

Te augwaligo te Godigo po odobo we bidi mu tiwai me sogo bilaibao. Tiali goli augwa homu ugwadu daidu naga tama tiyu, tama Godigo augwaligo kolesaga hasegelabo bomo te augwa tudiba mubo dao. Te tama kolesaga ebo bidi dabe augwalide te nage ibaba kisa selama bidamuo.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

Godigo Sęba Tagala Palai Bidigo Po 5:29

Te tiali goli, Pita dali, me badu Jisasgo tagala palai bidi dabe, augwaligo te po wei ponoyu, te po wai, “Te dago dagego wali po wali pogobeo. Godigo dabolo mani genuai po mu dago wali paibao.

Polgo Po Pas Rom Dabeba Asęani 13:1

Da Godigo po wali bilibo we bidi da tigidali te gavman bidi dabe augwali dologode bidao. Magi baso meni. Te tǫde elalubo gavman sę yabo bomo, te bomo tigidali te God aga digi agai dodolai dao. Te gavman me deli te olo me pedalubeo. Menio. Tigidali gavman bidibo, te Godigo digi augwali munama tama augwali bidibao.

Matyu 21:30

Tama te bidi aga gasa ogwa pageba pelama, te wali po tiwai naga agabolo wai. Tama agai te po wai, ‘Awe, aya.’ Tiali digi aga pabeo.

Tuni Bidi Dabego Po Elalubo Buku Si 30:12

Tama God aga digi Juda dabe homu deli elama augwaligo te king aga ofisa dabe dali augwaligo po wali pelama, Jerusalemba sisinagasomainu ilali. Tama augwali Jerusalemba sisinagaselama, tama augwaligo te genuai nai ulali, te bomai pode wali gilama tama tiali.

Bomai Po 5:27

Moses, nage ma pelama, God dago Genuai Bidigo wainogo ebo te po ma odigi pao. Tama odama, tama ma asama, nago te odali po dabolo pusao. Teda dago odama, wali paibao,’ dagego tobolu bidi dabego te po enabolo te sogo wali,” Mosesgo te po wai.

Bomai Po 4:5

“Edao. Eno dage tigidali haniani bomai po ola mena silali, te God dago Genuai Bidigo dabolo wali gilama tiai dao. Megi da, dage te bulu sigi pelama, tama tede duagi paibao. Tama dage te bulude bidiyu da, teda dagego te bomai po tigidali wali piagameo.

Ma Dobola Sali 18:23

Te sę dabe eno nagebolo yao olama po wali, te Godigo digi te sę nago emainogo homu yai. Tama nago eno po wali peyu da, teda te sęgę nage tigi hagela iligobeo. Tama dagego te we bidigo yali sę, me te we bidigo po dodolama, tama augwali homu dua nagame elama, tama augwa buluba ma pelawaibao,” Moses aga wąįgo te po wai.

Matyu 23:2

Agai e tiwai po wai, “Te bomai po page ola mabo bidi dabe dali, te Farisi dabe dali, augwaligo dagebolo te bomo yai po ola mabo dao, te Mosesgo yali gilama ebo dao.

Matyu 23:4

Tama tiyu, augwaligo te mesegaluai sęgę te bidi dabe augwali nageba ugwadu muaibao, tiali goli augwa digi augwaligo dwasianunu me nogo danigo naga me te tola selama, te sęgę tolobo bidi dabe augwali tau me sogobeo.