Matyu 23:22 - Godigo dwagi yai po buku

²² Tama bidi mego dagalu nogi ilama, mu po da wali da, teda agai te po badi, te Godigo duabo sia sai dali, te sia saide dulalubo bidi dali, te side te wali po dąų walobo dao.” Jisasgo te po wai.

Matyu 23:22 Referans Kwoze

Matyu 5:34

Tiali goli megi eno e po dagebolo obao: dagego te duga nosali yabo sęde po weyu, tama we bidi augwaligo te mu po dao homu emainogo dagego te po dąų wabo po munu me wagio. Mu menio. Dagego po me deli dąų waliyu, dagalu me nogi ilamuo. Magi basowe, dagalu da, te God dulalubo sia sai dao.

Aisaia 66:1

Genuai Bidigo te po wai, “Dagalu da, te ena dugabo sia king tiwai elalu, te tǫ eno sągą ugwadu mubo pesage dao. Tega. Te dagego eno be sę ebo usugowe? Te mena badu ena toma nabo pesage elalueibawe?

Godigo Nogi Ugwaba Sabo Tęąbi Po Wabo Buku Dabe 11:4

Genuai Bidi God aga dwagi yai bede bidibo. Tama aga dagalude genuai tuni bidi bidiyu, tama agai gedugo tigidali bidi subo dao. Tama augwaligo tigidali sę ebo agai osola subo dao.

Godigo Sęba Tagala Palai Bidigo Po 7:49

‘Te Godigo te po wai, “Te eno tigidali bulu tonalubaso, te dagalu da, te eno dugulalubo ni nami sia tiwai dao, te tǫ da eno sągągo diąnalubo ni nami tiwai dao. Dagego magi be enabolo sę yaibawe? Ena dulalu toma tuabo be menawe?