Matyu 22:39 - Godigo dwagi yai po buku

³⁹ Tama te bomai poba daganalubo po aga te tiwai dao. Te e dao, ‘Nago naga digi godolo ebo te kolesaga tiwaigo te nago bidi hasi dabe augwali dali wiegi yai homu elama godolo yao.’

Matyu 22:39 Referans Kwoze

Dwagi Yai Gesi Po Makgo Asęani 12:31

Tama te si wabo bomai po te e dao: ‘Nago gasa bidi godolo eyu, te nago naga godolo ebo tiwai gilama yao.’ Te gasa bomai po te genuai elama, tama te bomai po si te aiyaba me elaluai me elalubeo,” Jisasgo te po wai.

Pris Sę Ebo Bomai Po 19:18

Te naga abagi me deligo nageba dwai sę ebo te nago wei me ponogio, te nago sesemane sogo aga dali wado po me udugio. Nago gasa we bidi dabe godolo mu yao, te naga digi naga godolo ebo tiwai yao. Ena Genuai Bidigo eno te po obao.”

Galesia 5:14

Tama bidigo te bomo yai po me deli bugagia wali pobaso da, teda agai gasa bomo yai po tigidali usu nagasaibao. Tama te bomo yai po me deli e dao: dagego duga hasi dali dwagi yai homu eyu godolo ebo homu yao, te duga digi naga godolo ebo homu tiwai yao.

Matyu 19:19

Nago naga aya idago po wali pao. Tama nago gasa bidi dabe dali dwagi yai homu eyu godolo yao, te nago naga digi naga dwagi yai homu eyu godolo ebo tiwai kolesaga te gasa bidi dabe dali me tama naga tiao,” wali.

Polgo Po Pas Rom Dabeba Asęani 15:2

Te menio. Da tigidali deli deli dago te da pąde bidibo bidide homugo kone palama, tama aga tau sabo sę yao, te aga wiegi yai kolesaga selama, tama aga te Kraisde konealubo po bugagia dąų wali bidi pedalomainao.

Jems 2:8

Te dago genuai tuni bidi God agai bomo yai po me deli bukude polobadu mu asęyu, te po wai, “Nago naga tigi dali dwagi yai homu eyu, godolo ebo tiwai, nago gasa bidi dali me tama naga tiyu, tama nago te bidi dali wiegi yai homu yao,” te polalubo bomo yai po asęani. Tama tiyu, dagego te bomo yai po wali peyu da, te dagego wiegi yai kolesaga naga wali paibao.

Galesia 6:10

Tama tibaso, dago te dwagi yai kolesaga ebo tų subaso da, teda dago te tigidali we bidi tau sao. Tama te Kraisde augwa homu tigidali muani we bidi te augwali dago hani we bidi tiwai dao. Tama tibaso, dago bomonama, tama augwali te dwagi yai kolesaga eyu, hauwa sogo tau sao.

Matyu 22:38

Te bomai po aga te genuai elalubo, tama aga te polalubo mu dao.

Polgo Po Pas Rom Dabeba Asęani 13:8

Dagego bidi me delibolo negeli elalubaso da, te negeli polo wei ponao. Te negeli tigidali bugagia wei ponao. Tiali goli te negeli me deli dage tigidali deli deligo sesemane sogo me elaluaibao, siligobeo: te da te ama dede dabebolo dwagi yai homu eyu godolo mu yabo negeli elalubao. Magi baso meni, te bidi me deligo te gasa bidi dwagi yai homu eyu godolo ebo bidigo agai te kolesaga ebogo bomai po wali mu peduai dao, te aga te bomai pogo usu niba kadu wai dao.