Matyu 22:29 - Godigo dwagi yai po buku

²⁹ Tiali goli Jisasgo augwalibolo po wei ponoyu, te po wai, “Dagego te Godigo bukude wali po konebeo. Tama dagego te Godigo bomo me konebeo. Tama tibaso, dagego geda muyu, te po obao.

Matyu 22:29 Referans Kwoze

Dwagi Yai Gesi Po Jongo Asęani 20:9

(Tama te sogo augwaligo Godigo polobadu asęani po page konesiąbadi. God agai po te bukude asęyu, te po wai dao, “Aga gų pagede ma hodaluao,” te po wai. Te sogo augwaligo te po page konebeo.)

Polgo Po Pas Rom Dabeba Asęani 15:4

Godigo po tigidali augwaligo polobadu asęani, te augwaligo te po dabolo te wiegi yai bidabo kolesaga ola momainogo asęanio. Tama dago te asęani po nededu geyu, tama tede dago te haniani sęgę tolabo bomo dali, te dwagi yai po mobo mabo po dali somainogo eyu augwaligo te po asęani. Tama dago te bomo me te mobo mabo po me te bukude asęani pode selama, tama dwagi yai homu eyu, dago te Godigo da dali yabo wiegi yai sę bugagia tonaluaibao.

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Dwagi Yai Gesi Po Lukgo Asęani 1:37

Godigo me isiąwai sę me menio,” te ensel bidigo te po wali.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Godigo Nogi Ugwaba Sabo Tęąbi Po Wabo Buku Dabe 17:15

Tialima, ena da, eno augwalide dwai sę me deli isąma, tama nosali eno nage mu sueibao. Nosali ena piali tagalama, ena hodaluama, tama nage ena dali bidibo sulama, ena dwagi yai homu mu yaibao.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

Godigo Sęba Tagala Palai Bidigo Po 26:8

Dage Juda hani, dagego e homu ebo da, ‘Te Godigo te isali we bidi gų pagede ma hodalogobeo.’ Dage magi baso te homu ebawe?” Polgo te po hanalu wali.

Aisaia 25:8

Agai te isibo me silama, tama augwali me isibo sę me egobeo. God Genuai Bidigo augwaligo gela ųga sia sąnama, tama augwaligo gedu ąį wa sąwaibao. Te we bidigo gedu ąį menia saibao. Tama agai aga we bidi tigidali tǫde bidibo we bidigo hale me sia sąwaibao. Genuai Bidigo te sę yabo po polo wai dao.

Hosea 13:14

Tiali goli, nosali eno te Israel bage te isali bidi dabego pesagede ma saibao. Isibo, ena te dwai nai tiwai pedelama, tama nage ela mu silaibao. Te isai bidigo pesage, ena te moni dwai gasi tiwai pedelama, tama nage dwai mu dolaibao. Eno te Israel dabeba te olo tau sabo wiegi yai homu kolesagago tau me sogobeo,” wali.

Tigidali Nai Gagalama Nigali Side 18:14

Te eno magi sę me ebo usugobewe? Nosali kibu bede, te mani bodolude, te sogo asama, te Sarago wai ogwa ame nai madi, tama ena ma asaibao,” wali.

Matyu 22:28

Tialima, nago po wao. Te isali bidi dabe ma hodalobo sogo, te we dego we mu te bidi a naga olama me badu nogo si augwalide bidigowe? Nago koneani, tigidaligo te we naga sai dao,” Sadyusi bagego te po wai.

Dwagi Yai Gesi Po Makgo Asęani 12:24

Tama Jisasgo augwalibolo te po wai, “Dagego te Godigo po bukude elalubo po page me konebeo. Tama te Godigo bomo me dagego konebeo. Tama tibaso, dagego te we bidi ma hodalobode wabo po geda muyu obao.

1 Korin 15:34

Dagego te wabo pabo kolesaga tagalama tama dolo homu kolesaga yao. Dagego dwai sę ebo tagaliąo. Dagego odao. Dage tomode meba augwaligo te Godigo te isai we bidi ma hodalugobe po wabo bage, augwaligo God kuna konebeo. Te dage hale ilainogo eyu eno te po dagebolo obao.