Matyu 22:19 - Godigo dwagi yai po buku

¹⁹ Dagego te takis Sisarbolo mabo mone ge me deli enabolo waselao.” Tama augwaligo mone me deli sela aselama, agabolo ola mani.

Matyu 22:19 Referans Kwoze

Kraisgo Geme Dualali Sę Pedelabo Po Jonbolo Ola Mani 6:6

Tama eno odali, te bidibo ula elalubo hasa me si me si tomode me deligo pedauwalide wabo po, tama te pedauwalidu te we bidigo tubo nai mude te po wali, “Nago te tubo nai wit ge, te gego dwasianu sini pągąnama tama te naigo sęgę skel ela suao. Tama te nai abelabo masigi hasegelao, te genuai muao, te masigi sabo sę ebo bidigo deli sogo sabo masigi tiwai si ilao. Tama nago te masigi hauwa meni yai bagego tubo nai nogi bali, tede me tama tiao, te bali gego dwasianu sini me si me deli pągąnama, tama te naigo sęgę skel ela suao. Tama te nai bali sela abelabo masigi nogi genuai naga nogi yao, te sę ebo bidigo deli sogo sabo masigi tiwai si dao. Tiali goli, nago te tubo wel dali te tubo ąį wain si dolamuo,” te po wali.

Matyu 20:2

Te augwaligo te mone ge nogo si sabo usu da olama, te mone ge nogo si te sogode saiba po usu da obaso, tama agai wain bono du giba sę egi pomainogo augwali tagala palai.

Matyu 18:28

“Tama te sę tonalubo bidi buluba solama, tama aga te gasa sę tonalubo bidi me deli aga abagi me suali, tama agai te bidibolo negeli polobadu mane pololai masigi nogo si elaluai. Tama agai aga abagi te bidi dogoniba kęą sigi pelama, tama bomo eyu, te bidi poma peyu, tama agai agabolo te po wai, ‘Nago negeli sali mone tigidali wei enabolo ponao.’

Matyu 17:25

Tama Pitago te po wai, “Awe, magiai, te mabo dao.” Tama aga te po olama, tama aga beba palima, te be tomoba pelama, tama agai po wasiąbadi hasia bolo Jisasgo agabolo hanalu wai, “Saimon, nago magi homu ebawe? Te e tǫde tuni bidi augwaligo te mone sabo haniani takis sę niwai bidide sabo dawe? Augwaligo augwa hani we bidi dali siyu, ma gasa hani we bidide sogowe?”

Matyu 22:18

Tialima, Jisasgo augwaligo dwai tibo homu ebo konea pelama, tama agai te po wai, “Dage tibo po wabo bidi dabe dao, magi baso dagego ena dąų omainogo eyu usu sobawe?

Matyu 22:20

Tama agai augwalibolo hanalu wali, “Te e masigi daide elalubo gesabidi noma me, e asęani nogi me, te dego dawe?”

Dwagi Yai Gesi Po Makgo Asęani 12:16

Tama augwaligo te mone ge me deli sela asali. Tama agai augwalibolo hanalu wali, “Te e mone gede elalubo noma me te asęani nogi te dego dawe?” Tama augwaligo te po wai, “Te gavman tuni bidi Sisargo dao.”