Matyu 21:42 - Godigo dwagi yai po buku

⁴² Te Jisasgo augwalibolo te po wali, “Te bukude polobadu asęani te po te dagego nedebewe? E tiwai dao, ‘Te masigi be sę yabo masigi me deli te sę bidi dabego sela sąyani masigi, megi da polalubo masigi pedalama, te be dąų walali elalubao. Genuai Bidigo agai te tiwai sę elama pedalali, tama dago suali te wiegi yai mu dao.’

Matyu 21:42 Referans Kwoze

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Godigo Sęba Tagala Palai Bidigo Po 4:11

Te tiwai Godigo po buku tomode e po asęai elalubao, ‘Dage be sę ebo bidi dabego e masigi sela sąyani. Tiali goli, megi Godigo te masigibolo genuai nogi mawai.’ Te po page Jisasde po wali.

Efesus 2:20

Tama eno te be sę ebo po pagede te po digi po begelama te po megi obao. Te Krais aga digi aga te be dąų wabo page ni tiwai dao. Tama agai tagala palali bidi dabe augwaligo dagebolo pusali po me, te Godigo po ola mabo bidi augwaligo dagebolo ola mani po me, te wiegi yai po te be kau ni dabe tiwai dao. Tama dage da, te be kele ni dabe tiwai dao, te be dąų wabo page ni dali te be kau ni dali si tede dage bugagia dąų olama elalubao.

Polgo Po Pas Rom Dabeba Asęani 9:33

Te tiwai po me deli te Godigo po bukude polobadu asęani, te po e tama wai, “Odao. Te Saion hanude eno te bidi sągą dani tuą palama tulaluabo masigi me deli mubao. Eno te bidi me deli tede mubao, tama we bidi augwaligo aga dali dwai homu yaibao, te augwali dani tuą palama tulaluabo masigi tiwai dao. Tama tiali goli we bidigo agaba konealubo po dąų wabo bage, agai augwali tau mu sabo usu mu yaibao, te augwali tulaluama hale me sogobeo,” te po asęani.

Habakuk 1:5

Tialima, Genuai Bidigo aga we bidibolo e tama po pusa mani. “Dagego meba gasa kantri we bidi bugagia suao, tama dage noma dwai mu saibao. Magi baso meni. Tamadi tama eno augwali tomode gasagi yai nai me pedelemainu elama, tama dagego te sę yali po odobode da, teda dagego homugo te mu dao homu me egobeo.

Matyu 21:43

Tama tibaso eno e po dagebolo obao, te Godigo we bidi tonalubo sę dagede elaluali dagalama, tama te Godigo we bidi tonalubo sęde doloba pai kolesaga ebo we bidi augwaliba eno te nai mawaibao.