Matyu 21:39 - Godigo dwagi yai po buku

³⁹ Tama augwaligo aga selama, tama aga augwaligo te gidu te buluba ma sela sąyani, tama augwaligo aga ela muai dao.

Matyu 21:39 Referans Kwoze

Godigo Sęba Tagala Palai Bidigo Po 2:23

Tama Godigo polobadu mu koneama tiaibao homu elama, agaduba homugo po polo dąų waluyu homude tiwai, te Jisas augwaligo dagego nogode muaibao. Tama dagego dwai bidi dabego Jisas elemainu ola mobaso, tama augwaligo aga ela muani.

Jems 5:6

Dagego te wiegi yai doloba pai bidi dabe po tų elama, te bidi dabe augwali ela muai. Tama dagego augwali dali te dwai sę ebadi yaide, augwaligo dage dali po wei ponobo usu ebeo.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Dwagi Yai Gesi Po Jongo Asęani 18:12

Te ami bidi hani dali, te augwa polalubo bidi dali, tama te Juda dabego enesigi bidi dabe dali, augwaligo Jisas nogo tulama, tama augwaligo bonogo agai nogo si tudi badu munama, kęai.

Matyu 26:57

Te bomai po page koneai bidi dabe dali, te Juda dabe tobolu bidi dabe dali, augwali te bidi Kaiafasgo beba sisinama bidaluai. Te Kaiafas aga te pris bage tuni bidi mu dao. Tama te Jisas nogo tulama dąų wali bidi dabe augwaligo aga te Kaiafasgo beba odasa palio.

Godigo Sęba Tagala Palai Bidigo Po 5:30

Dago wąį dabe augwaligo polobadu Godibolo lotu po wai dao. Tama dagego Jisas te ni pedaide neligo enama, isalio. Tiali goli, dago wąįgo God, te Godigo digi Jisas ma hodolali.

Godigo Sęba Tagala Palai Bidigo Po 4:10

Tibaso, dage tigidaligo koneąo, te Israel we bidi dabe tigidali me, dagego koneao, ede te sągą dwai bidi dolalubo, te Nasaret bidi Jisas Kraisgo nogi bomogo e bidi ma dwagi yai ilama, aga sągągo dolalubo. Te bidi Jisas dagego ni pedaide elai bidi da. Tiali goli, Godigo aga gų pagede ma hodolai.

Dwagi Yai Gesi Po Jongo Asęani 18:24

Tama Jisas te aga nogo si bonogo kęani tama elalubadi yaide, tama te bidi Anasgo Jisas aga te pris tuni bidi Kaiafas bidibo digi tagala palai.

Matyu 26:50

Jisasgo agabolo te po wai, “Abagio, te nago aselama yainogo yali sę, te sę nago polo tama yao,” wali. Megi da augwali aselama, nogo Jisasba munama, tama aga pageabi elama dąų wai.

Matyu 21:38

Tiali goli te gide sę ebo bidi dabe augwaligo te ogwa asobo sulama, tama augwa hasi po miyu te po wai, ‘Te aga aya isibo si, e bidigo te aga ayago nai tigidali saibao. Asao, te dago aga ela muiąo, tama dago agai sabo gi saibao,’ te gide sę ebo bidi dabe augwaligo te po wai.

Matyu 21:40

Tama tibaso, nosali te wain bono du gi page bidi asiyu, tama mena tiwai kolesaga te gide sę yali bidi dabe augwali dali egowe? Dagego magi homu ebawe?” Jisasgo te po wai.