Matyu 21:36 - Godigo dwagi yai po buku

³⁶ Tama te gi page bidigo te sę bidi meba ma tagala palali. Agai sę bidi hauwanu gana tagala palali, te polobadu yali tiwai ebeo. Tama te gide sę ebo bidi dabego te hasia yali kolesaga tiwai naga augwali dali yai.

Matyu 21:36 Referans Kwoze

Matyu 22:4

Tama agai gasa sę ebo bidi meba ma tagala paliyu, augwalibolo te po wai, ‘Dage eno te asomainu i wali bidi dabe augwali bidiboba pao, tama dagego augwalibolo e tiwai po wao, “Odiąo, te we sabo bidide eno te nai sisi yai elalubao. Te omai bulmakau dabe badi, te eno wiegi yai nisai bulmakau wai dabe me, dago elalio. Tama tigidali nai sisi yai elalubao. Dage te we sabode da tubo naiba asiąo,” te po wao,’ te tuni bidigo te po wai.

Matyu 21:35

Tama te gide sę yali bidi dabego te tagala palali sę bidi dabe selama, tama augwaligo me deli ela tagaliyu, tama gasa sę bidi me te mu ela muani, tama gasa sę bidi mebolo te masigigo naga elainu te masigi sąyani.

Matyu 21:37

Tama nosali agai aga ogwa mu te augwalibolo tagala palai. Ayago e tiwai po wai, ‘Te augwaligo eno ogwago po mu odaibao,’ te homu yai.