Matyu 21:28 - Godigo dwagi yai po buku

²⁸ “Tiali ma, dagego magi homu ebowe? Bidi deligo ogwa si bidai. Aga te me ogwa pageba pelama, agabolo te po wai, ‘Ogwao, te megi e sogode nage pelama, te wain bono du giba sę egi pao,’ te po wai.

Matyu 21:28 Referans Kwoze

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

1 Korin 10:15

Dagego kolesaga elalubaso, tama eno dagebolo te po obao. Duga digi eno pusubo po dagaliąo. Eno po e dao.

Matyu 20:1

“Magi baso menio. Te Godigo we bidi tonalubo kolesaga te bidi me deligo tǫ hauwa elalubo bidigo yali kolesaga tiwai dao. Te kigamu digi mu te bidigo aga du walobo bono gide sę yabo bidi sesa biligi pai.

Dwagi Yai Gesi Po Makgo Asęani 13:34

E tiwai elaluaibao. Te bidi me deligo te aga be tagalama, te gasaba pelama biligi pali. Hasia bolo agai te sę ebo bidi dabebolo te agai doado bage tolaluabo po wali, tama agai te sę bidi deli deli augwalibolo te sę dobayali. Tama agai te be sunumi tonaluabo bidibolo te po wali, agai te sunumi bugagia tonaluao po wai.

Dwagi Yai Gesi Po Lukgo Asęani 13:4

“Te bulu nogi Siloam, tede moni bobobage sigi be degasa pai. Tama te sigi be degeyu yaide, we bidi hauwa te 18 elalio, augwali mu isali. Te be degali po dagego polo odali. Tama dagego e homu yali bogo, te Jerusalem be nani we bidi me badu augwaligo dwai sę dwasianu yali, tialima te sigi be degeyu elali we bidi augwali dwai dwai sę mu yali. Dagego te homu yali bogo. Te tebeo.

Matyu 21:33

“Dagego te gasa po digi po begelama wali po me odao. Bidi me deligo genuai tǫ elalubo bidigo agai te bono du wain gi bulama, tama obo bagulali. Tama te gi tomode agai te wain bono du agayabo te tank nai nigilali, tama te gi tonalubo bidigo bobobage be me me deli sę yani. Tama agai te gi te sę yabo bidi meba augwaligo nogoba muani, te augwaligo te gi tonalubo sę eyu, te gi nai meba naga somainogo yai. Tama te gi page bidi aga digi digibulu bulu me deli teba pai.

Matyu 17:25

Tama Pitago te po wai, “Awe, magiai, te mabo dao.” Tama aga te po olama, tama aga beba palima, te be tomoba pelama, tama agai po wasiąbadi hasia bolo Jisasgo agabolo hanalu wai, “Saimon, nago magi homu ebawe? Te e tǫde tuni bidi augwaligo te mone sabo haniani takis sę niwai bidide sabo dawe? Augwaligo augwa hani we bidi dali siyu, ma gasa hani we bidide sogowe?”

Matyu 22:17

Tama tibaso, nago po dabolo wao. Nago magi homu ebawe? Dago te Rom gavman tuni bidi Sisar agabolo takis mone mobaso da, teda tama tiyu dago te Mosesgo mani bomo yai po dago bolaibawe, ma meniwe?” augwaligo te po Jisasbolo hanalu wai.

Israel Hanigo Namba 10:30

Tiali goli, Hobapgo te po wali, “Te usu dao, tiali goli, tagalao. Ena ena bulu muba ma paibao,” wali.

Matyu 21:27

Tama tibaso, augwaligo te po wei ponoyu, Jisasbolo te po wai, “Dago konebeo.” Tama Jisasgo augwalibolo te po wai, “Eno me eno dagebolo te eno magi bomo elaluyu, eno e sę ebo po te dagebolo me wagobeo,” Jisasgo te po te Juda bage genuai bidi dabe dali wai dao.

Matyu 21:29

Tama aga ogwago te po wai, ‘Ena hagela palio.’ Tiali goli nosali aga homu ma hasegelama, tama aga te sę egi pai.