Matyu 21:25 - Godigo dwagi yai po buku

²⁵ Tama agai te po wali, “Te Jongo we bidi baptais mani sę te menade pedalaliwe? Te Godigo te sę agabolo maniwe, ma bidi dabego mani sę nagawe?” wali. Augwaligo te po wabo odolama, tama augwa digi augwa hasi po miyu te po wai, “Ma, dago e tobage po wabo si, ‘Te Godigo te sę agabolo mani’ po obaso da, teda agai dabolo e tiwai tobage po waibao, ‘Teda magi baso agai wali poba dagego duga homu muyu dąų wabewe?’ Te po da dali waibao.

Matyu 21:25 Referans Kwoze

1 Jon 3:20

Magi baso meni. Dago homude te dena homugo da dali po tų ebaso da, teda dago koneani, te God agai dago homu kolesaga aiyaba elalubo dao, tama agai homu kolesaga genuai ugwanu mu ela holai elalubogo, tama agai tigidali nai mu konebo dao.

Dwagi Yai Gesi Po Jongo Asęani 3:18

Niwai bidigo God aga Ogwaba homu mubaso da, teda te bidi da aga po tų menio, Godigo agabolo dene magobeo. Tiali ma, niwai bidi aga Godigo Ogwaba homu musiąwani bidi da, Godigo te bidibolo po tų dodolama, dene mawaibao. Magi basowe? Te bidi agai God agai ogwa teba homu mubeo.

Dwagi Yai Gesi Po Jongo Asęani 1:15

Te we bidi baptais mabo bidi Jon agai te we bidibolo agai po weyu i tama wai, “Polobadu eno te po wai, ‘Nosali bidi me asobo bidi agai eno nogi aiyaba elaluaibao. Magi basowe? Ena ame nesiąbadi, aga polobadu mu bidai. Tama tibaso, agai nogigo eno nogi aiyaba elalubo dao,’ eno te po wai. Tama megi te bidi e dao, eno dagebolo polobadu wali po gilama,” Jongo te po wai.

Dwagi Yai Gesi Po Lukgo Asęani 20:5

Augwa hasi te po miyu, te po wai, “Te dago ‘Godigo Jon te sęba tagala palali’ po obaso, teda Jisasgo dabolo te po hanalu waibao, ‘Dage Jongo wali po magi baso gisiga odobewe?’

Dwagi Yai Gesi Po Jongo Asęani 1:6

Godigo bidi me deli tagala palai, te bidi nogi Jon.

Matyu 16:7

Te augwa digi augwa hasi po miyu, te po wai, “Dago te bret sela asisąbaso, agai te po obao.”

Matyu 21:24

Tama Jisasgo po wei ponoyu, augwalibolo te po wai, “Eno me eno magi nai po me deli naga dagebolo hanalu waibao. Tama dagego eno po wei ponebaso da, teda eno me eno dagebolo te eno magi bomo elaluyu, eno e sę ebo te po dagebolo waibao.”

Matyu 21:26

Tama te po obaso, dago te po waibao, ‘Bidi dabego naga te sę Jonbolo mani’ obaso da, teda da te e bidalubo we bidi wi yaibao. Magi baso meni, tigidali bage augwaligo te Jon aga te Godigo po pusali bidi profet da te homu naga ebo dao,” te po wai.

Dwagi Yai Gesi Po Lukgo Asęani 14:4

Tiali goli, augwaligo po wei ponebe. Tama Jisasgo te nogo sągą tigi bo dae bidi selama, dodolama, tagala palali.