Matyu 21:17 - Godigo dwagi yai po buku

¹⁷ Tama agai augwali tagalama, tama aga te moni hanu buluba pelama, tama te dwasianu hanu Betani te badu hulide bidigi pai.

Matyu 21:17 Referans Kwoze

Dwagi Yai Gesi Po Jongo Asęani 11:18

Te dwasianu be nani Betani te moni hanu Jerusalem pąde digi tamao, usu ni kilomita sela tamao.

Dwagi Yai Gesi Po Jongo Asęani 11:1

Bidi me deli nogi Lasarus, te bidi gasi yai. Te Lasarus aga bulu Betani, te bulude te we si bidali, we me nogi Maria, we me nogi Marta, augwali si ama name si dao.

Dwagi Yai Gesi Po Lukgo Asęani 24:50

Te Jisasgo agai bidi dabe augwali odasa, bulu me nogi Betani pąba sabolai. Tama Jisas agai nogo ugwaba selama, tama bugai homu ilabo po augwalibolo wai.

Dwagi Yai Gesi Po Makgo Asęani 11:11

Tama te tiwai eyu, Jisas te Jerusalem tomoba sabolama, tama te Moni Lotu Be tempel tomoba pelama, tama tede elalubo tigidali nai tonono bila silalio. Tiali goli te giliga dega sigulai. Tama tibaso, aga wali pabo bidi nogo si olama sągągo si bidi dabe dali augwali te Betani be naniba pigi pai.

Dwagi Yai Gesi Po Makgo Asęani 11:19

Tama te be pio ebode Jisas dali, te aga wali pabo bidi dabe badi, te augwaligo te Jerusalem tagalama palio.

Matyu 16:4

Dage dwai we bidi hani, te aga bidi tagalai we agai penani sę ebo gilama, te dagego God tagaliyu ebo we bidi dabego te bomai sę suainogo i obao. Tiali goli eno bomai sę te dagego sumainogo me egobeo. Menio. Te dagego Jonago polobadu mu yali bomai sę naga suagameo,” wali. Tama Jisasgo augwali tagalama, gasaba pai.

Dwagi Yai Gesi Po Lukgo Asęani 19:29

Tama pelama, tama te dwasianu be nani si pąba sabolali. Be nani me nogi Betfage, te be nani me nogi Betani, te si pąba sabolali. Tama sabolama, augwali te bulu du nogi Oliv te bulu duba sabolali. Teba sabolama, tama Jisasgo bidi si i wali, augwali si tagala palama pomainu yali.

Dwagi Yai Gesi Po Lukgo Asęani 10:38

Te Jisas aga wali pabo bidi dabe dali pobadi yaide, be nani me deliba sabolali. Tama tede te we me nogi Martago Jisas asobadi, dwagi yai homu elama, bugagia gesali.

Dwagi Yai Gesi Po Makgo Asęani 11:1

Augwali te Jerusalem moni hanu pąba sabolama, tama augwali te Betfage me Betani te be nani siba sabolali, te oliv ni sili elalubo bulu du nogi Oliv te pąde elaluai. Tama sabolama, tama Jisasgo aga wali pabo bidi si tagala palu,

Dwagi Yai Gesi Po Makgo Asęani 3:7

Te Jisas dali aga wali pabo bidi dabe augwali te bidali bulu tagalama, tama augwali te Galili sigi ąį saneba pali. Tama te genuai hani we bidi augwali aga wali asali. Augwali te Galili tǫ we bidi me, te Judia tǫ me,

Matyu 26:6

Te moni hanu Jerusalem pąde te dwasianu hanu nogi Betani elalubao, tama tede te bidi me deli nogi Saimon bidai. Polobadu te oiyabe gasi yai bidi bidama, tama te gasi silai dao. Tama Jisas aga te bidi Saimongo bede bididubadi,

Hosea 9:12

“Tiali goli, te mebago wai elalubaso da, teda te wai dabe eno ela mueibao, tama eno te me deli sula tagalama, elalumainu me egobeo. Eno te we bidi tagalobo sogo, te dwai nai haniani augwaliba pedelaibao,” Genuai Bidigo te po wai dao.

Jeremaia 6:8

Jerusalem, nago po odao. Te meni baso da, te eno nage tudiba muaibao. Te eno nage te olo bulu pesage tiwai pedalumainu ilama, te nagede bidi deli me bidibo usu egobeo,” wali.

Dwagi Yai Gesi Po Makgo Asęani 14:3

Te Jisas hogodama, te Betani be nani teba te oiyabe gasi sai bidi nogi Saimongo beba pali. Aga te tebol saide duagi pelama, tama nai tuyu bidibadi, tama we me deli asali, tama agai te gasa sawi yai botol masigide te wiegi yai denami ebo nai sanda elaluali, te nai abelabo mone te genuai mu dao. Tama agai te botol dalama, tama te denami yai sanda te Jisas toboluba gelali.