Matyu 21:11 - Godigo dwagi yai po buku

¹¹ Tama aga dali asali we bidi augwaligo te po wai, “Aga te Jisas dao, te Godigo po pusubo profet bidi, te Nasaret hanudu te Galili tǫdu asai dao,” augwaligo te po wai.

Matyu 21:11 Referans Kwoze

Dwagi Yai Gesi Po Jongo Asęani 6:14

Te we bidi augwaligo Jisasgo te bomo yai sę ebo sulama, tama augwaligo te po wai, “Mu tamao, te aga e tǫba asaiba wali bidi te aga dao, te Godigo po ola mabo bidi dao,” te we bidi augwa hasi te po wai.

Dwagi Yai Gesi Po Jongo Asęani 7:40

Meba we bidi augwaligo Jisasgo wali po odolama, te po wai, “Mu tama, te bidi Jisas da te polasa asobo bidi, te Krais aga asobo sogo te pąde tama dao.”

Dwagi Yai Gesi Po Lukgo Asęani 7:16

Tama te tigidali we bidi moni wi elama, augwaligo Godigo nogi ugwaba sali. Augwaligo te po wai, “Moni Godigo po ola mabo bidi da tomode megi e pedaligulai yabao. God aga we bidi tau sagasu, te asai yabao.”

Godigo Sęba Tagala Palai Bidigo Po 7:37

Te bidi Moses agai tigidali Israel we bidibolo te po wai, ‘Godigo te po pusabo bidi me deli dagebolo tagala palaibao, ena tiwai. Te bidi duga hani bidi digi dao,’ te po wai.

Dwagi Yai Gesi Po Jongo Asęani 9:17

Augwa hasi tama bugulama, tama augwaligo te gedu widai bidibolo ma hanaluyu, te po wai, “Nago gedu geselali bidi, te bidide nago magi homu ebowe?” Agai te po wai, “Aga da, te Godigo nosali yabo sę po ola mabo profet bidi me deli dao, eno te homu ebao,” wali.

Matyu 2:23

Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Dwagi Yai Gesi Po Jongo Asęani 4:19

Wego Jisasbolo te po wai, “Genuai Bidio, megi eno koneanio, nage da te Godigo nosali yabo sę po ola mabo profet bidi deli dao.

Dwagi Yai Gesi Po Jongo Asęani 1:21

Tama augwaligo Jonbolo hanalu wai, “Magi yaliwe? Nage te bidi polobadu Godigo po wali bidi nogi Elaija dawe?” Tama Jongo te po wai, “Ena te bidi Elaija menio.” Tama augwaligo te po wai, “Dago te Godigo po wabo bidi asobo tonalubo dao. Nage te bidi dawe?” Tama Jongo te po wei ponoyu, te po wai, “Ena te bidi menio.”

Dwagi Yai Gesi Po Makgo Asęani 6:15

Tama meba augwaligo te po wali, “Woo, te meni. Jisas da, te aga te polobadu bidali profet bidi Elaija dao.” Tama mebago te po wali, “Aga te profet dao, te polobadu Godigo po pusubo sę ela bilali profet dabe tiwai dao.”

Dwagi Yai Gesi Po Lukgo Asęani 24:19

Te bidi agai tama wai, tama Jisasgo augwali sibolo hanalu wai, “Magi sęwe?” Tama te bidi sigo Jisas dali te po wai, “Te sę te Nasaret bidi Jisasde pedalai. Te bidi Godigo nosali yabo sę po wabo bidi, Godigo po ola mabo bidi. Tama te bidigo agai bomai sę dali, bomai po dali Godigo gedude dali, te we bidigo gedude dali te sę yai,” te bidi sigo Jisas dali te po wai.

Dwagi Yai Gesi Po Lukgo Asęani 13:33

Tiali goli, eno pabo tų megi me, do me, duba me ena wali paibao. Magi baso meni. Godigo po ola mabo bidi me deli te gasa bulude isibaso da, te dwali. Tede isilamuo. Jerusalemde isigi sogo da, teda usu igi da.

Dwagi Yai Gesi Po Lukgo Asęani 7:39

Tama Jisas i wali Farisi bidigo aga homude ‘E bidi Godigo po ola mabo bidi tigi sogo da, teda te mena tama bilibo wego ena dią yagasobo we homu egi dao, ma mena tama bidibo we yaliwe wagi dao,’ te Farisi bidigo te homu yali.

Matyu 21:10

Te aga te Jerusalem hanu tomoba pali, tama te hanu tomode bidali we bidi augwali noma mu selama, tama te po wai, “Te bidi aga te de dawe?” te po wai.

Matyu 21:26

Tama te po obaso, dago te po waibao, ‘Bidi dabego naga te sę Jonbolo mani’ obaso da, teda da te e bidalubo we bidi wi yaibao. Magi baso meni, tigidali bage augwaligo te Jon aga te Godigo po pusali bidi profet da te homu naga ebo dao,” te po wai.

Matyu 21:46

Tama augwaligo aga dąų wabo tų kegali, tiali goli augwali te we bidi augwalide wi yali. Te we bidi augwaligo homugo Jisas aga te Godigo po pusubo bidi dao te homu yalio.