Matyu 2:16 - Godigo dwagi yai po buku

¹⁶ Tialima te genuai gavman tuni bidi Herotgo koneama, te giliga pedalobo badu asali po page koneai bidi augwaligo agai wali po tudiba munama, tama gasa tųdu geme pai homu yali, tialima aga sębę mu yai. Tama agai enesigi bidi dabe tagala paliyu, augwalibolo te po wai, “Dagego te Betlehem bulude me te pąde elalubo bulude me tede bidibo ogwa wai dabe te kibu be si yabo tomode augwali tigidali ela muao,” te po wali. Agai te po page koneai bidi augwalibolo te hǫ hasia pedelali sogode hanalu badi, tama augwaligo aga dali te wali po homugo ma koneama, agai kibu be si weyu tama tiwai dao.

Matyu 2:16 Referans Kwoze

Aisaia 59:7

Sesemane sogo dagego te dwai kolesaga yabo homu godolo mu ebao. Te sesemane sogo dagego te magi dwai sę me isąwai bidi dabe ela muabo homu hogodali. Dagego te dwai sę dabe yabo homu naga ebao. Te dage udayu, te gasa we bidi dabego bidibo ula dolabo sę ebo dao.

Bugagia Bidibo Kolesagade Po Asęai Buku 28:15

Te bulu tǫ kantri tonalubo bidi aga te dwai kolesaga ebo bidi, tama te bomo meni yai bidi dabe aiyaba elalubo bidi yai baso da, teda aga te laiongo bomonama te gaa weyu, te i wabo tiwai ebao, tama te boma pai bea hasa me deli te nai gegeyu bilibo tiwai ebo dao.

Kraisgo Geme Dualali Sę Pedelabo Po Jonbolo Ola Mani 17:6

Tama te we agai te Godigo po wali pabo we bidi augwali dali te Jisasde homu kęą pai we bidi dali augwali te wego ela munama, tama eno suali te wego augwali kaneme tulama te kolesaga meni yai bidi tiwai aga yai. Eno te sulama, ena noma mu siyu, tama eno homu hauwa mu yai.

Hosea 10:14

Tialima, te boi bidi dabego dageba hwįagaselama, te augwaligo dagego te bomai obo banis elalubo tigidali taun dolagasaibao,” wali. “Te dolobo sę te polobadu te king Salmango agai te taun Betarbelba hwįgi pelama, te nai mu dolali tiwai yaibao,” wali. “Tama aga hani dabego te augwaligo we wai dali selama, te augwali subigila sąsąnama, te augwali isai dao.

Daniel 3:13

Kingo te tama po odolama, tama aga wado po dwai mu olama, tama te po weyu, augwaligo te bidi sela agaba odasa asao wai.

Aisaia 26:21

Suao, Genuai Bidi aga bulu dagalu tagalama, e tǫba te asobao, te e tǫde we bidi dene mawainu, tama augwa yali dwai sę wei ponainu. Tama tǫgo te bidi dabego kaneme me geme dualogobeo, te gasa bidi dabego augwali ela wialali dabe. Menio. Agai te bidi dabego yali dwai kolesaga dabe sese tama haninaibao.

Te Israel me Juda Hani Sigo Tuni Bidigo Po Elalubo Buku Si 8:12

Tama te Hasaelgo agabolo hanalu wali, “Genuai bidi, magi baso nage gela obawe?” Tama Elisago agai te hanalu wali po wei ponoyu, e tama wali, “Eno e gela wabo. Magi baso meni, eno koneani, nosali nago te dwai haniani kolesaga umabo mu te Israel we bidi augwali dali yaibao,” wali. “Nage dali, te naga ami soldia bidi dabe dali, muna siyu, tama augwaligo te bomai obo mu dolama, tama te isi ulaibao. Tama dagego te Israel hanigo ogwa bidi naga dagego elama, isilaibao,” wali. “Tama dagego da te augwali dwasianu wai puluba tola sabo ąǫ elama, tama te tǫba sąbode tama augwali isaibao. Tama dagego te haliga yai we subode, tama dagego te bainat hwą ge selama, tama te we haliga pedaibao,” wali.

Te Israel Tobolu Bidi Dabe 16:10

Tama Delailago Samsonbolo po wali, “Odao! Nago enabolo te tibo po wabo sę naga eyu, te ena pomonani. Tiali goli, megi nago enaba po dolo weyu, te bidi dabego nage mena tama tilama te bono kę yabo po waibawe?” wali.

Tigidali Nai Gagalama Nigali Side 49:7

Te haliga sębę ebo sęgęgo te augwali si mesegelali, magi baso meni, te augwali sigo wado po wabo te bomo mu yali. Tama haliga sębę ebo sęgęgo te augwali mesegelali, magi baso meni, te augwali sigo haliga sębę ebo te dwai mu yai. Te eno augwali si te Jekopgo bulu tedali tedali tedela pomainu yaibao. Te eno augwali si te Israel bage tomode bidada pomainu tedela palaibao.”

Bugagia Bidibo Kolesagade Po Asęai Buku 28:17

Bidigo te gasa bidi ela mubaso da, teda aga dwai dene mu saibao. Tama aga te bidibo me te bugagia me dugulalusiąyu, te aga isibo sogoba usu naibao. Bidigo aga tau selamuo.

Jopgo Po Asęani Elalubo Buku 12:4

Tiali goli, megi da, dage eno abagi dabe, dagego ena gisugu mabo dao. Eno dwagi yai kolesaga naga eyu, tama Godigo gedude dwai sę me ebeo. Tama polobadu da, agai eno gedu haluasa po wabo odai dao. Tiali goli, megi da, dagego gisugu magasobao.

Israel Hanigo Namba 24:10

Balakgo te po odama, aga sębę mu elama, aga nogo si elali. Tama agai Balambolo te po walali, “Eno nage i olama asali da, nago eno boi bidi dabe dolao po omainogo i wai dao. Tiali goli, nago sela sogo augwali bugagia bidaibao po walio.

Israel Hanigo Namba 22:29

Tama Balamgo donkibolo te po wali, “Nago ena te polai bidi tiwai gagalalio. Tama tibaso, eno nage sela sogo elalio. Ma, eno bainat hwą tolalugi sogo da, eno nage ela mugi dao.”

Tigidali Nai Gagalama Nigali Side 39:17

Nosali agai te po aga bidibolo pusuyu, te deli tobage po naga wali. Agai te po wai, “Te Hibru bidi, te olo sę ebo bidi, te nago dago beba odasa bidali bidi, agai te ena pibo be habuba asama, tama agai dwai sę ena dali yainogo yai.

Tigidali Nai Gagalama Nigali Side 39:14

tialima agai te bede sę ebo bidi dabeba i weyu, tama te po wai, “Dagego suiąo! Eno bidigo te Hibru bidi te dago beba odasa bidali bidigo tama megi agai dwai kolesaga te dabolo yainogo yali. Aga te ena pibo be habu badu asama, tama agai te ena nogo tulama, dwai sę yainu yali. Tiali goli, eno bomo elama, po daga walio.

Matyu 2:1

Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,

Matyu 2:7

Tama te po odolama, tama Herotgo geme te sia ge pedalobo badu asali te po page koneani bidi dabe augwali i wai. Tama augwali aga pageba aselama, tama dua dua eyu agai augwalibolo “Te dagego suali hǫ te mena sogo pedalaliwe?” te po hanalu wali. Tama augwaligo agabolo te hǫ pedalali sogo pusali.

Matyu 2:17

Tama te sę ebogo te Godigo po polobadu pusali profet bidi Jeremaiago wali po me deli usu nanio. Agai te po wai,

Kraisgo Geme Dualali Sę Pedelabo Po Jonbolo Ola Mani 12:4

Tama agai danugo te hǫgo hani deli dagaludu te pobele bage tiwai tǫba aiya poala sąwai. Tama hǫ hani si digi te dagalude me elaluali. Tama te hasamani te wego gesabidide te wai ame nainogo ebadi dolaluali, tama agai tonaluali te wego te wai ame nabode, te wai agai tuainogo yai.