Matyu 2:15 - Godigo dwagi yai po buku

¹⁵ Tama Josep te Isip tǫde bidibadi tama te moni gavman tuni bidi Herot isabo sogo tonaluyu bidali. Te pedalali sę te tiwai te po me deli te Genuai Bidigo te agai po pusubo profet bidigo pedauwalidu wali po usu numainogo yai. Agai te po wali, “Eno ogwa aga Isipde bidibadi, tama eno aga tedu asomainogo i wai dao.”

Matyu 2:15 Referans Kwoze

Hosea 11:1

Genuai Bidigo po wadolama weyu, te tiwai wali, “Te Israel dabe te dwasianu ogwa wai tiwai digi, eno aga godolo mu elama, te eno aga i olama, te Isip taga soao olama, te eno ogwa bidalio.

Ma Dobola Sali 4:22

Nosali nago tuni bidi dali eno po weyu, ‘Te Genuai Bidi agai tiwai po wabo dao, “Israel hani te eno hasia wai, te gomunai ogwa tiwai dao.

Israel Hanigo Namba 24:8

Godigo augwali Isip buludu oda selama, augwali eba odasa asai dao. Godigo te bulu uni kau kibu omai tiwai bomonama elama, tama Israel dabego boi bidi dabe aiyaba elalubo dao. Tama tialima, te Israel dabego te boi bidi dabego ene dolama, augwaligo dili mia sąwaibao.

Dwagi Yai Gesi Po Lukgo Asęani 24:44

Te Jisasgo augwalibolo te po wai, “Polobadu ena dage dali bidibadi, tama eno dagebolo wai dao, tigidali po te polobadu bidi Moses bidibo side asęani, te polobadu Godigo po pusa mani bidi dabego asęani bukude me, te buku nogi Sam tede me asęani po me, te enade asęani po tigidali nai igilama mu walaibao wai,” Jisasgo te po wai.

Matyu 1:22

Te tigidali pedelali sę te tiwai te po me deli te Genuai Bidigo te agai po pusubo profet bidigo pedauwalidu wali po usu nanio. Te po pusubo profet bidigo te polobadu mu pusai po e tiwai wai,

Matyu 26:54

Tiali goli, eno te tiwai ebaso da, teda te megi enade pedelabo sę pedalogobeo. Polobadu Godigo po asęani bukude te enade megi pedelabo sę po asęai dao. Pedalomainao,” wali.

Matyu 21:4

Te sę pedalobo si te Godigo sę nosali pedalabo po pusali bidigo polobadu wali po usu numainogo yai. Agai te po wali, “Te Saion bulu we bidi dali te po wao, ‘Suao, dagego tuni bidi duga pageba asobao. Agai nagame yai kolesaga dali, te aga kibu donki daide naga dualasa asobao. Tama aga te walu sabilibo donkigo wai tede dualasa asobao,’ te po wao,” profet bidi me deligo te po polobadu wai.

Matyu 8:17

Tama tiyu, agai te po me deli te Godigo po pusali bidi profet Aisaiago pedauwalidu wali po te usu nanio. Agai te po polobadu wai, “Aga digi dago gasi sai, tama agai dago tigi dolobo sęgę tolasa pai dao.”

Matyu 2:23

Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Matyu 2:19

Te nosali te moni gavman tuni bidi Herot isai. Tialima Isip buluba te Genuai Bidigo ensel mobo bidi Josep bidibo digi nade pedelai.

Matyu 2:17

Tama te sę ebogo te Godigo po polobadu pusali profet bidi Jeremaiago wali po me deli usu nanio. Agai te po wai,

Dwagi Yai Gesi Po Jongo Asęani 19:36

Te sę tama pedalai, tama Godigo bukude wali po usu numainogo yai. Te bukude asęani po tama wai, “Augwaligo agai dili me deli togogobeo,” te po asęani.

Dwagi Yai Gesi Po Jongo Asęani 19:28

Te silama, Jisas agai koneai, eno sę tigidali megi tama siliyu te ebao, te homu yai. Tialima, Godigo polobadu asęani po me usu numainogo, agai te po wai, “Ena ąį nogonego sobao,” te po wai.

Matyu 26:56

Tiali goli te sę tigidali enade megi pedalobo te polobadu Godigo po pusali bidi profet dabego bukude asęani po usu nainogo ebao,” Jisasgo te po wai. Tama aga wali pali bidi dabe augwaligo Jisas taga peyu, tama augwali wi pela silai.

Godigo Sęba Tagala Palai Bidigo Po 1:16

Pitago te po wai, “Ama dede, Godigo bukude polobadu asęani po mu dią holai dao. Polobadu Godigo Mobogo te Devitgo pedauwalidu po omainu ilai tiwai, te bidi Judasde. E Judasgo te Jisas tuabo sunumi te bidi dabebolo ola mawai bidi da.

Matyu 27:35

Augwaligo Jisas aga te ni pedaide elama daganai madi, tama agai gudali ugwa dabe augwa dobola sainogo augwa hasi satu gagali bolo yalio.

Matyu 2:14

Tama Josep hulide digi hodaluama te wai aga ida dali selama, tama aga Isip buluba pabo gagalali.