Matyu 2:14 - Godigo dwagi yai po buku

¹⁴ Tama Josep hulide digi hodaluama te wai aga ida dali selama, tama aga Isip buluba pabo gagalali.

Matyu 2:14 Referans Kwoze

Godigo Sęba Tagala Palai Bidigo Po 26:21

Tama eno te we bidibolo te po tama pusubaso, te Juda bidi augwaligo homugo hagelabo olama, te po pagede augwaligo te Moni Lotu Be tempel tomode ena tulama, elainogo yalio.

Matyu 1:24

Te Josep godege pilama hodaluama, tama agai te Genuai Bidigo ensel mobo bidigo aga dali wali po gilama te tiwai sę yai. Agai aga we sai.

Matyu 2:13

Te Jisas suagasali po page koneai bidi dabe pela silai digi, tama Genuai Bidigo ensel mobo bidi Josepba nade pedalai. Ensel mobo bidigo te po wai, “Nage hodaluama te wai bǫų aga ida dali selama, tama Isip tǫba wi pao. Te genuai gavman tuni bidi Herot agai te wai bǫų te ela muabo homu eyu, aga gegebo tamadi gagalaibao. Tama tibaso, megi wi pao. Tama nage Isip tǫde bidibadi te eno ma asao obaso nage asao,” te po wai.

Matyu 2:15

Tama Josep te Isip tǫde bidibadi tama te moni gavman tuni bidi Herot isabo sogo tonaluyu bidali. Te pedalali sę te tiwai te po me deli te Genuai Bidigo te agai po pusubo profet bidigo pedauwalidu wali po usu numainogo yai. Agai te po wali, “Eno ogwa aga Isipde bidibadi, tama eno aga tedu asomainogo i wai dao.”

Dwagi Yai Gesi Po Lukgo Asęani 8:24

Augwaligo Jisas hodolagasu, te po wali, “Genuai Bidi, Genuai Bidi. Da isabo magana pali.” Tama Jisas hodaloama, wali hageyu, te waligo sabilibo ąį hagelama togoliyu yali. Te waligo me, ąįgo me moni te bomo hodali tagalama, ma tamugulali.