Matyu 19:21 - Godigo dwagi yai po buku

²¹ Tama Jisasgo agabolo te po wali, “Te nage doloba pai mu pedalabo homu ebaso da, teda nage pelama, nago doado bage tigidali te bidi dabego abelemainogo munama, tama nago te sali mone te magi nai meni yai we bidi augwalibolo te mone mao. Teda nago nosali sabo wiegi yai nai hauwa mu te Godigo bidibo madide sisi ilai elaluaibao. Tama tilama, nage ena wali asao,” Jisasgo te po wai.

Matyu 19:21 Referans Kwoze

Dwagi Yai Gesi Po Makgo Asęani 10:21

Jisasgo agaba tonaludama, tama aga dali dwagi yai homu eyu godolo mu yai. Agai agabolo te po wai, “Nage te nai me deli digi habuge yai elalubao. Nage pelama, te nago doado bage tigidali munama, tama nago tede mone selama, tama te magi nai meni yai bidi dabeba dobayao. Tama tiyu da, te nago wiegi yai nai mu te Godigo bidibo madide elaluaibao. Tama nage ena wali asao,” te po wali.

Dwagi Yai Gesi Po Lukgo Asęani 18:22

Te Jisasgo te bidigo wali po odama, tama agabolo te po wali, “Magi nai me deli elalubuo, te sę nago ebeo. Nago beba pelama, naga doado bage tigidali selama, maketba munama, tama gasa bidi dabego abelaibao. Tama te doado bagede sali mone sobaso, te nai meni yai we bidi dobayao. Nago te sę ebaso, Godigo bidibo madide nago doado bage hauwa mu elaluaibao, nosali. Tama nago te sę elama, nage ena wali asao,” Jisasgo te po wali.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Dwagi Yai Gesi Po Lukgo Asęani 14:33

Eno tamadi wali po deliba taluyu, tama te tiwai yaibao. Bidi mego aga doado bage tigidali tagalabo hagela baso, teda te bidi eno hani bidi menio,” Jisasgo te po wai.

Godigo Sęba Tagala Palai Bidigo Po 2:45

E tiwai yai. Te augwaligo me sogo be dabe me, te tǫde me, te munalubo me badu nai dabe me bidi dabeba menama, tama mone ge selama, me me nai habuge yai bidi dabe tau siyu yali. Tama tilama, augwali tigidali usu yali.

Dwagi Yai Gesi Po Jongo Asęani 12:26

Niwai bidi me deligo eno sę yainogo ebo bidi, te bidi aga ena wali asao. Tama ena bidibo bulu, te bulude naga eno sę ebo bidi ena dali bidaibao. Bidigo eno sę ebo bidi, te eno Ayago te genuai nogi mawaibao,” Jisasgo te po wai.

Dwagi Yai Gesi Po Lukgo Asęani 9:23

Jisasgo tigidali we bidibolo te po wali, “Te ena wali me niwai bidi asainu da, aga tobade homu konebo gegeda pelama, ena tigide ebo dene tiwai aga bidibo donolama iduabo bidi, ena wali asao.

Dwagi Yai Gesi Po Jongo Asęani 10:27

Eno kibu sipsip dabego eno po wabo dogoni odobo dao. Eno augwali koneai, tama augwali ena wali asobo dao.

Matyu 5:48

Tiali goli dage, te dage wiegi yai kolesaga dali bugagia doloba pai mu bidiąo, te duga dagalude bidibo Aya aga bugagia doloba pai mu bidibo tiwai gilama yao,” Jisasgo te po wai.

Dwagi Yai Gesi Po Lukgo Asęani 16:9

Te po olama, Jisasgo po me maneyu, te po wali, “Te eno dagebolo e po obao, te sibage me doado bage me, me sogo te naigo we bidi te dwai kolesaga tomoba kekebo dao. Tiali goli, duga doado bagego we bidi bugagia tau siyu, abagi hauwa nigiliyu, bidao. Tama te tiwai elama, tama nosali te doado bage sia sobaso da, Godigo dage pageyu, ‘Eno bidibo madi tomoba asia,’ waibao.

Matyu 19:28

Tama Jisasgo augwali dali te po wali, “Eno mu po dagebolo obao, te tigidali nai gesi noma ma pedalobo sogo, te Godigo Bidi Mu aga genuai nogi me bomo dali te sogo te tuni bidi duabo sia saide dulaluyu, te sogo te dage, dage ena wali asali bidi dabe me, dage tuni bidi dabe bidiyu, tama te 12 wali te duabo sia saide dualama, tama te 12 te Israel hani augwali tonalubo sę yagameo.

Matyu 16:24

Tama te sogo Jisas aga wali pabo bidi dabe augwalibolo te po wai, “Te ena wali niwai bidi me deli asainu da, aga tobade aga digi aga homu aiyaba elaluama, tama agaba asobo niwai sęgę bugagia tolalu ena wali asao.

Dwagi Yai Gesi Po Lukgo Asęani 6:40

Skul wai mego aga tisa ela holai elalubeo. Tiali goli, aga skul silama, sę usu selama, aga tisa dali usu si yaibao.

Dwagi Yai Gesi Po Lukgo Asęani 5:27

Te nosali Jisas te be nani taga pobadi yaide, agai te maket takis sabo bidi me deli suali, aga ofis bede. Te bidi nogi Livai. Tama sulama, Jisasgo agabolo “Nage ena wali asao,” wali.

Dwagi Yai Gesi Po Makgo Asęani 8:34

Tama agai te we bidi agaba asomainu i weyu, te aga dali wali pabo bidi dabe me asomainu yai. Tama aselama, tama agai augwalibolo te po wai, “Te bidi me deligo ena wali asainogo da, te aga digi aga aiyaba elaluama, tama agai e homu yao, aga ena wali pobadi aga dene sobaso da, teda te usu da, te homu ebo bidigo agai aga ni pedai tolasa pabo tiwai eyu, aga ena wali asao.

Matyu 9:9

Te Jisas te bulu tagalama, tama aga pobadi agai bidi me deli te nai sela asobo we bidide takis mone sabo bede dulalubo suali, te bidi nogi Matyu da. Tama Jisasgo agabolo te po wali, “Nage ena wali asao.” Tama aga hodaluama, sisi elama, tama aga wali pai.

Hibru 10:34

Tama tiyu, dagego te kalabuside bidali we bidi augwali homu dene eyu tau sobadi, te dagego me te dene sali. Tama me sogo te bidi dabe augwaligo bomonama dagego doado bage dagala siyu yali goli, dagego homu wiegi yai pemene eyu, tama augwaligo te nai dabe sabo gogolali. Magi baso meni, dagego koneani, tama duga nai digi mu da, te tedali me elalubao homu yali, te Godigo dagebolo maiabo nai dabe, tama te nai da te sesemane sogo elalua pabo nai dao.

Dwagi Yai Gesi Po Makgo Asęani 2:14

Tama aga pobadi, tama te bidi nogi Livai suali, te Alfiusgo ogwa, aga te maket takis mone sabo bede dulalubadi. Tama Jisasgo agabolo te po wali, “Nage ena wali asao,” wali. Tama aga hogodama, aga wali palio.

Matyu 8:22

Tiali goli Jisasgo agabolo te po wali, “Nage da, ena wali asao. Te Godigo po odisąbo isai bidi tiwai bidi dabe augwa digi te isai bidi dabe pubalomainao,” Jisasgo te po wai.

Matyu 4:19

Jisas agai augwali sibolo te po wai, “Dage si ena wali asao, tama eno dage si te bidi sabo sę ola mawaibao.”

Godigo Nogi Ugwaba Sabo Tęąbi Po Wabo Buku Dabe 37:37

Nago te magi dwai sę me deli isąwai bidide homu kone paliyu, tama te doloba pai bidi suabo homu yao. Te gasa we bidi dabe dali dua digi bidibo bidi yaibaso da, teda aga hani te sesemane sogo bidaibao.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Tigidali Nai Gagalama Nigali Side 6:9

Te Noade po da te tiwai dao. Agai ogwa sela elaluali, Siem, Ham, me Jafet. Noa da dwagi yai bidi, te sogo bidali we bidi tomode te Noa deli digi aga bilibo kolesaga te Godigo gedude dolo mu yali. Aga te God dali deli homu naga eyu, tama Godigo abagi mu dao.

Matyu 19:20

Te gesi bidigo agabolo te po wai, “Te tigidali bomai po eno wali pela silai dao. Eno magi sę me deli yabo te habuge elalubowe?”

Matyu 19:22

Te gesi bidigo te po wali odolama, tama aga homu sęgę mu yali, tama aga beba ma pai. Magi basowe, te agai doado bage hauwa mu elaluai.