Matyu 19:14 - Godigo dwagi yai po buku

¹⁴ Tiali goli Jisasgo te po wai, “Dagego te wai puluba augwali ena pageba asomainao,” po wali. “Dagego augwali dąų me wagimio. Menio. Te e wai pulubago ebo homu kolesaga tiwai ebo we bidi te augwali Godigo we bidi tonalubo madigi tomoba asagameo,” wali.

Matyu 19:14 Referans Kwoze

Matyu 18:3

Tama agai te po wai, “Eno mu po dagebolo obao, te dage e wai bǫų tiwai pedelama hasegelesiąbaso da, ta dage te Godigo we bidi tonalubo bomo tomoba munu me pogobeo.

1 Korin 14:20

Eno ama dedeo, dagego te haniani sęde dagalabo homude dage te wai puluba tiwai me bidilamuo. Menio. Te dwai kolesaga ebode dage te dwasianu wai puluba bidibo tiwai bidao, te dwai kolesaga egimio. Tiali goli duga haniani sę ebo dagalabo homude, dage te genuai bidi tiwai pedaliąo.

Dwagi Yai Gesi Po Makgo Asęani 10:14

Jisasgo te tebo sulama, tama agai homu dwai yai. Agai augwalibolo te po wai, “Dagego te dwasianu wai puluba augwali enaba asomainu emainao. Dagego augwali panigimio. Te Godigo bomo dologoba peyu tede bidabo we bidi, augwaligo homu kolesaga te e wai pulubago homu kolesaga tiwai si dao.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

1 Samuel 1:11

Tama Hanago bomai po me deli te Genuai Bidiba dąų weyu, te tiwai po wai, “Genuai Bidio, nago tigidali bomo elalubo. Eno homugo nago ena sumainu homu ebao, nago sę ebo we dao. Eno te elalubo homu sęgę ebo sulama, tama ena homu kone palao. Te nago ena homu kone palobo te munu me tagalamuo. Te nago ena te wai ogwa me deli mobaso da, teda eno aga te nageba mayu, te aga nago sę bidi bididubadi, te aga isiboba usu nigi paibao. Tama te dąį nigiliyu, te augwaligo aga tobolu nisi munu me togogobeo,” tama po wali.

Te Israel Tobolu Bidi Dabe 13:7

Tiali goli, agai enabolo te po wali, te ena haliga elama, te eno ogwa me deli ame naibao wai. Tama agai te po wai, eno te wain wę me, te bomai ąį me, te me tugio wali, tama eno te Genuai Bidigo habu selali nai me tugio wai. Godigo te ogwa sa muai baso, te aga Godigo bidi dolo bididubadi, te aga pedalubo sogo gagalasa pelama, te aga isibo sogoba usu nugi paibao wali.” Manoago wego agaba te po wai.

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

1 Samuel 1:24

Nosali te waigo ame tuali tagalubo side, teda Hanago te wai Genuai Bidiba sela pali. Tama agai te tiwai ofa me sela pali, te bulmakau omai sela, me te sęgę nogo si elalubo plaua, te meme waligo nigai beg me deli, tama tede te augwaligo wain ąį buai elaluali. Samuel te dwasianu ogwa pedalubadi, tama aga idago aga te Genuai Bidigo be te Silo buluba sela pali.

Tigidali Nai Gagalama Nigali Side 21:4

Nosali te a naga olama, me badu sela sogo wali bidama siligi pabode, tama Abrahamgo Godigo po wali peyu, tama te ogwa Aisakgo gasa tigiwali bo togwalio.

1 Samuel 1:22

Tiali goli, Hana te augwali dali me pabeo. Agai Elkanabolo te tiwai po wai, “Te wai dwasianu genuai gana elama, te ame tuali tagalubo side, teda aga eno te Genuai Bidiba selasa paibao. Tama aga te Genuai Bidigo bede sesemane sogo bidaibao,” wali.

Matyu 5:3

“Te kolesaga koneani we bidi augwali te Godigo gedude augwa digi usu elama aiyaba elaluama bidibo we bidi dabe, te augwali homu wiegi yai pemene ebao. Te Godigo obo tomode augwaligo bidabo madi elalubao.

Matyu 5:10

Te bidi dabego te doloba pai kolesaga wali pabode sulama, te kolesagade te dwai sę ebo bidi dabego augwalibolo sęgę sobaso da, teda augwali homu pemene emainogo inao. Tama te Godigo obo tomode augwaligo augwa bidabo madi elalubao.”

Matyu 19:15

Tama agai nogo augwali tobolude munama, bugagia bidabo mobo mabo po wai. Tama nosali aga te bulude bidali tagalama, gasaba pai.

Dwagi Yai Gesi Po Makgo Asęani 10:15

Eno mu po dagebolo obe dao, te bidi me deli aga te dwasianu wai puluba tiwai gagayu, te God bidibo madi tomoba pabo homu me isiąwani bidi, aga te tomoba painu ebo usu me egobeo. Mu menio,” te po wai.