Matyu 18:33 - Godigo dwagi yai po buku

³³ ‘Tama te sogo eno nage hobede yai dao. Tama magi baso nago me naga abagi te gasa sę tonalubo bidi hobede yai meniwe?’ wali.

Matyu 18:33 Referans Kwoze

Kolosi 3:13

Duga hasi bidi me deligo “Eno ama dwai sę ena dali yali,” te po weyu, tama agai te dwai sę ebaso da, te agai nagame homu eyu aga amago yali dwai sę sęgę sela sąyao. Dago Genuai Bidi Krais agai dagego sęgę sela sąwai dao. Te tiwai gilama duga hasi dagego me abagigo sęgę sela sąyao.

Efesus 4:32

Te tobage dwai kolesaga munu me egimio. Te menio. Tama dagego duga ama dede dali deli homu eyu dwagi yai tau sabo sę yao. Tama duga hasi dali homu dene eyu, augwali godolo mu yao. Tama duga hasigo dwai sę dagebolo ebaso da, teda dage sębę egio, te dagego augwali godolo mu eyu augwaligo yali dwai sę sela sąyao. Te Krais agai dage tau selama tama Godigo dagego yali dwai sę sęgę sela sąwai dao. Te tiwai kolesaga dagego me tiao.

Matyu 6:12

Tama dago homugo nago dago dwai sę yali sela sąyao. Te bidi dabe augwaligo da dali dwai sę elama, tama dago augwaligo te dwai sę yali sela sąbo tiwai yali gilama tama nago dago sęgę sela sąyao.

Matyu 5:7

Te gasa bidi dabe augwali dali homu dene eyu augwali olo mu tau sabo we bidi dabe, te augwali homu pemene wiegi yai emainao. Te Godigo augwalibolo me te homu dene eyu olo mu tau sabo kolesaga yaibao.

Matyu 18:32

Tama tibaso, te genuai bidigo te bidi i olama, tama aga dali te po wai, ‘Nage dwai kolesaga ebo sę tonalubo bidi dao. Hasia nage ena dali gela obaso, tama nago te negeli sali nai tigidali eno olo mu tagalao po wai dao,’ te genuai bidigo te sę bidi dali te po wai.

Matyu 18:34

Tama genuai bidigo aga te dene maiabo bidi dabego nogode muai, te kalabuside, tama te bidi tede bidibadi agai nai negeli sali tigidali usu numainogo tiwaibao.