Matyu 18:29 - Godigo dwagi yai po buku

²⁹ Tama aga abagi te bidi tǫba kidu sugunama, tama agabolo homu bedegau ilibo po weyu te po wai, ‘Nago ena hobede elama tonaluao. Eno nago mone negeli sali wei ponaibao,’ wali.

Matyu 18:29 Referans Kwoze

Matyu 18:26

Tama te sę tonalubo bidi aga te tuni bidigo sągą pagede tǫba kidu sugunama, tama te tuni bidigo homu bedegau iliyu, gonobo po weyu, te po widu geai, ‘Nago ena hobede elama, ena tonaluao. Tama eno nage dali negeli sali tigidali nagebolo wei ponaibao,’ wali.

Matyu 6:12

Tama dago homugo nago dago dwai sę yali sela sąyao. Te bidi dabe augwaligo da dali dwai sę elama, tama dago augwaligo te dwai sę yali sela sąbo tiwai yali gilama tama nago dago sęgę sela sąyao.

Matyu 18:28

“Tama te sę tonalubo bidi buluba solama, tama aga te gasa sę tonalubo bidi me deli aga abagi me suali, tama agai te bidibolo negeli polobadu mane pololai masigi nogo si elaluai. Tama agai aga abagi te bidi dogoniba kęą sigi pelama, tama bomo eyu, te bidi poma peyu, tama agai agabolo te po wai, ‘Nago negeli sali mone tigidali wei enabolo ponao.’

Matyu 18:30

Tiali goli te bidi aga hagela yai. Tama agai aga abagi te bidi kalabusiba mugi pai, tama te bidi tede bidibadi agai negeli sali wei usu numainogo tiwaibao.”

Matyu 18:33

‘Tama te sogo eno nage hobede yai dao. Tama magi baso nago me naga abagi te gasa sę tonalubo bidi hobede yai meniwe?’ wali.

Kolosi 1:7

Epafras agai te wiegi yai gesi po dage ola menama, tama dagego konea sai. Aga dago deli sęde bidibo dwagi yai bidi dao, tama da sigo aga dali dwagi yai homu ebo dao. Aga te Krais dali homu kęą pai sę ebo bidi dao, tama agai da si te sęde tau sabo dao.

Kolosi 4:7

Tikikus da, te dago aga dali dwagi yai homu eyu godolo ebo ama dao, tama agai dagebolo te enaba pedalali sę po tigidali pusaibao. Agai te ena dali homugo kęą pai bidi dao, tama agai te ena tau sabo dwagi yai sę bidi mu dao, tama da dali deli sę eyu Genuai Bidigo sę ebo bidi dao.